الحمد لله على سلامة الوصول و ننتظر القصة واخبار البرد ؟

الحمد لله على السلامه وبإنتظار أخبار النصبه

اهلين ابو عادل... والحمدلله على سلامه الوصول..... وانشاء تكون هاذي اول واخر نصبه....... وننتظر تقريرك ....
واتمنى لك لحظات واوقات حلوه.. واي مساعده ما راح نقصر

الواحد لا زم ينتبه من أصحاب التكاسي أذكر مره أنصب علي مثلك أخذت تاكسي من فندق اللوتس طبعا مقابل السيفوي في الشميساني إلى محل بشارع الجاردنز طبعا مو بعيد من الفندق بس أنها وقتها كنت ما أعرف قالي 17 دينار طبعا ركبت معه لعدم
معرفتي وجيت أرجع للفندق مع تاكسي آخر قالي نصف دينار وبعد مارجعت أتضح لي أن الأول نصب علي وعرفت أن المسافة بين المحل والفندق لا تتعدى 1كم
لازم الواحد يكون عنده فكره عن الأماكن وأسعار التنقل قبل يتورط .. وشكرا للجميع

الحمد لله على السلامة
وان شاء الله تكون آخر نصبة
خبرنا عن برنامجك وين تريد تروح؟
هل البيراء ضمن برنامجك؟
ولاتنسانا بالصور

منور ديار الحسين
وننتظر تقريرك
والله يعينك
هذا هو الحال حنا بعد نفس الوضع تعرضنا لنصبة لا اول ليلة لنا في الاردن مع سواق الفندق

أجل يا خوي ما سلم أحد

صادق الواحد لازم يسأل ويستفسر

اشكر الجميع على مرورهم اللي عطر الموضوع
الجو اليوم روعة ونزل قبل شوي مطر خفيف
اخ يالتاكسي ، وهذي سالفته : اول مادخلنا عمان البارح حوالي وقت المغرب وبعد ماتعديت الكوبري الاول قلت ياولد خذ لك تاكسي بدل ماتلف وتدوخ راسك ، اخذت التاكسيي وقلت له وديني على الشميساني شقق النبهان وصار يمشي قدامنا ، يطلعنا مع طلعت وينزلنا مع نزلة ثانية ، والظاهر انه لف فينا عمان كلها وبعد ساعة ونصف من المشي وراه وصلنا عند شقق النبهان ، نزلت من سيارتي وقلت له كم الحساب (توقعته بيقول 10 دنانير بالكثير) قال لي 40 دينار !!!!!!!!!! قلت مافيه 40 قال: خلاص علشانك 30 ، وقال شوف العداد ، وشفت العداد الا مكتوب 43 ،، قلت يمكن انه صادق وأعطيته 30 دينار ،، وبعد ماسكنت وروقت فكرة بالموضوع وعرفت اني رحت ضحية نصاب لأني ذكرت اني قبل ست اشهر وداني تاكسي من الشميساني الى الطريق اللي يودي للعمري ب 5دنانير !!! واليوم كل تاكسي اركب معه اقول له شغل العداد (على باله بيصيدهم) .
وهذا اللي صار باليوم الاول ، ولي عودة انشالله ،، ولكم ودي