1. بس غير هاذي الحاجة التعامل كان حلو

مساء الخير الصراحه انا الرحلة هاذي طلعتها تقريبا قبل سنة وبس قبل كم يوم صحكت معي لازم انزل تقرير ولو انه بسيط جدا بس قلت لازم انزل يعني انزل....:bounce8:
راح ابدا على طول
بسم الله الرحمن الرحيم.......
الرحلة كانت يوم 13/5/2007
عدد المسافرون:8 اشخاص
مدة السفر:اسبوع كامل
وانطلقنا في نفس اليوم لمطار الملك عبدالعزيز الدولي بس المطار كان زحمة بشكل مش طبيعي وكان فيه اعمال تصليح وشوية لخبطه:
الرحلة كانت على الخطوط السعودية قيمة التذكرة 1200 ذهاب وعودة كان عليها عرض في هاذي الفترة
وبس بعد ما رتبنا اوراقنا وكل حاجة جلسنا في صالة الانتظار نتظر رحلتنا وكان وقتها الساعه 8 الصباح بوقت السعودية وصلنا لدمشق الساعه 10 الصباح تقريبا والصراحه اتفاجت بالتعامل في المطار انا هاذي اول مرة لي اطلع بالطيارة العادة اطلع بالسيارة بس عشان مدة الرحلة هاذي قصيرة قلت اطلع بالطيارة الصراحه التغامل كان راقي جدا بس صارت معاي قصة غريبة شوي.......
لمن وصلنا للجوزات كان قدامي اخوي الكبير لمن جه عند موظف الجوازت بعد ما ختم على جوازه قال لاخوي ما في اي حاجة منك اخوي على طول فهم وطلع مبلغ بسيط من جيبه وعطاه هو الموظف فرح فرح مو طبيعي((اخوي قله الي واري معاي علي انا))طيب اخوي ختم على جوزاه وعلى طول مشي وسابني لحالي انا كنت مرة شايل هم مني عارف الموظف اش راح يكلب مني بس اتفاحت انو اول ما جيت الموظف يرحب فيني ويقلي اهلبن بالشيخ والله انا مرة انبسطت قلت معقول التعامل حلو للدجرة دي وختم على جوازي ومشيت واول ما عديت من الجوازت وانا دوبي رفعت راسي ادور على اخوي الا في عسكري من بين كل الناس الي ماشين في الصالة زهمني انا لحالي قلي انت يا زلمة تعال:11sted_co وانا مرة خفت قلت الظاهر راح يطلعو تعاملهم الطيب من عيني قلي فين جوزاك عطيته هو جلس يقلب في الجواز صفحة صفحة ومكشر جدا :111:وانا مني عارف هو اش يبغا وبس اخوي رجع يدورلي لمن شافني واقف مع العسكري جه قال خير اش في العكسري قال ولا شى بس كنت ابغا اتاكد من الاورق.....:11mmer3:
بعد ما مشي العسكري اخوي جلس يضحك علي قلي يا غبي طالما جلس يفتش في الجواز اكيد يبغا حاجة ومن بعدها اخوي اعطاني شويت فكة وقلي خليها معاك لوقت الحاجة:icon_fara

بس غير هاذي الحاجة التعامل كان حلو

وبعدين نزلنا من المطار انا كنت متوقع اني راح القى السواقين وراح يلصقو فينا متل بعض الدول العربية الي السواق ما يبسبك في حالك الين ما تشرد منه بس بالعكس يجيك السواق يقلك تبغا سيارة؟؟؟؟ تقله لا يروح في حالة:bounce8:
ونزلنا من المطار وكنا متفقين مع سواق من السعودية اسمه مروان الصراحه السواق ولد حلال لابعد الحدود وباين عليه انة ولد ناس....المهم جه السواق وطلعنا على الفلة كانو في اصحابنا طلعو قبلنا بيوم وحجزو فلة في منطقة الغزلانية فلة مع شغالة وناطور الفلة نظيفة وحلوة....
وبس بعدها انطلقنا كلنا على مطعم القرية وحصلت معاي قصة في الطريق طلعنا في التكسي وانا في التكسي جوالي طاح من جيبي من غير ما اعرف وصلت المطعم كنت ابغا اجري اتصل جلست ادور على الجوال سالت اصحابي احد شاف الجوال اتصلت عليه كم مرة بدون فائدة الصراحه بدات اتنكد دوبي وصلت على طلو جوالي يضيع بس بعد عشر دقائق تقريبا جه السواق مروان ومعاه جوالي يلقي نسيته في السيارة الصر احه مرة كبر في عين كان يمديه ياخذه ومحد دارني خصوصن اني انا مش عارف فين طاح مني....بس طلع ولد حلال مروان......
المطعم كان روعه خصوصن مع الناوافير الي في الوسط الجو كان مرة روعه والاكل اروع وارع بس السعر كان غالي شوي يعني تقريبا مافي فرق كبير بين السعودة وهناك بس احنا اكلنا اكل مو طبيعي وطلع الحساب تقريبا 400 ريال مع الاكراميات وكل شى وهاذي بعض الصور من المطعم والاكل:
انتظار الطعام ممل جدا جدا جدا
الاكل وصل وبدات المعركة
الفتة هاذي اول مرة اكلها في حياتي الصراحه طعمها خطير
حسيت بالجوع بعد هاذي الصور الحلوة:222::1076:
وبعدها رجعنا على الفيلا وسحبنها نومة لغاية اليوم التاني....:thumb_ico
وان شاء الله بكرا راح اكملكم القصة