السلام عليكم
صباحكم ورد ..
حبيت استشيركم بالخيارات الاوروبية لقضاء شهر عسل حالم ب 2008 ( اذا مو حالم ما ابغى هونت )
طبعا سمعت عن زحمة العرب بالثلاثي الكوكباني النمسا - سويسرا - فرنسا
وش رايكم عطوني خطط ل3دول تستاهل شهر عسل
في سويسرا نفسي اروح انترلاكن بس
"يفضل" الخيارات ما تكون مزدحمة بشكل خارج عن المألوف من العرب ، مو كرها فيهم لا فهم اهلنا اولا لكن ببساطة ابي احسن اني مسافر.
- أحب الارياف والمدن وكل شي.
الوقت بدري مرة بس احب اخطط واروق براحتي
شوركم حبايبي بانتظااركم ..
شوف يا بو احمد
من تجربة شخصيه باريس لازم وافضل تخليها با البدايه اولا لانها مدينة ويفضل المدن الصاخبه اولا وثانيا لانها غاليه فاخاف تصير اخر شي ومايصير معك قروش تكفي
في نظري باريس تستحق 4 ليالي الى 5 ليالي
با النسبه لسويسرا اخالفك كثير في مسالة انترلاكن بس صحيح انترلاكن جنة الله في الارض واحلى (يمكن) مافي سويسرا ولكن سمعت بمناطق كثيره بسويسرا تستحق الزياره مثل مونتر ولوزيرن ولوقانو و الجنوب الفرنسي (شاموني ايفيان )لو اصريت على رايك خلي انترلاكن 5 ليالي ومنها تقدر تزور جنيف يوم وترجع ترى فيها مجمع ساعات يجيب العافيه ويجيب المرض للفيزا
بعدها اطلع من انترلاكن وروح سالزبورج (اقرب لانترلاكن) وخلك بسالزبورج 4 ليالي لانها حلوه وتستاهل
بعدها زالامسي...صحيح زالامسي كانك في دوله عربيه من كثرة الخليجيين بس تستحق 3 ليالي تزورها
تطلع بعدها من زالامسي الى فينا 4 ليالي
فكر كثير باكثر من منطقه بسويسرا كتجربه شخصيه ولاسباب كثيره استطيع ان اذكرها لك وبا التفصيل الممل
اذا برنامجك 22 ليله تقريبا وناوي فرنسا وسويسرا و النمسا بمخمخ لك على برنامج ان شاءالله السنه الجايه بتدعي لي
الفنادق لسى بدري وسهالات بس اهم شي قرر على وجهتك الاساسيه وعقبها تتسهل
تقريري لسفرتي لشهر العسل ان شاءالله بذكر فيه كل شيء عن باريس وانترلاكن ومدن النمسا الثلاث (زالامسي وسالزبورج وفينا) وبيكون مفيد كثير لك وبيساعدك كثير من كل النواحي بحكم انك تبحث عن 3 دول ايضا...التقرير المفروض من اسبوع بدت تنزل حلقاته ولكن لاسباب امنيه بداية الويك اند هذا ان شاءالله ببدأ فيه
با التوفيق