Revelation
21-11-2022 - 07:04 pm
سلام،
مبارك عليكم الشهر...
هو مجرد استفسار و مقارنة ... أبي مشورتكم.
لي رحلة عمل إلى سنغافورة في شهر 10 ، و الشركة متكفلة بتكاليف الطيران... كنت حاجز على القطرية ، و لكن أخوي تجربته مع القطرية سيئة ، فغيرت إلى طيران الإمارات على نصيحة أخوي. مع أن فيه ناس ذموا قالوا الإمارات فيه عيوب ... وامدحوا في القطرية ... يعني بالعكس!!
من كثر ما سمعت عن طيران الخمس نجوم (القطرية) كنت ناوي أجرب... لكن أخوي يقول أنه جربها مرتين ، وفي المرتين صار له شي غريب ... كان رايح لماليزيا دايركت دوحة - كوالا لامبور ... و فجأة نزلت الطيارة ببنغلاديش ، نزلت ركاب و طارت مرة ثانية من دون خبر!!!
و المرة الثانية رايح للبرتغال دايركت دوحة - برتغال ، لكن مرة ثانية صار نفس الكلام ... نزلت الطيارة بطرابلس ، نزلوا كم واحد ، و كملت نفس الطيارة!!!
يقول أخوي مع أن خدماتهم حلوة ... بس عليهم حركات ما لها داعي!!
أنا كنت ناوي على القطرية بس بعد كلام أخوي ،،، غيرت إلى الإمارات شرايكم؟
