مريومة قطر
06-02-2022 - 04:02 pm
السلام عليكم ورحمة الله وبركاته
أخواني .. أخواتي اعضاء المنتدى الرائع اللي استفدت من مواضيعه كثير ..
حبيت اكتب لكم رحلتي الصيفيه لهذي السنه (2007 ) وأتمنى انكم اتشاركوني بآرائكم ..
أحنا عيله 4 كبار و 2 أطفال ..
بتكون رحلتنا على الطيران القطري .. فينا - سالزبورغ - زلمسي - ميونخ
1- فينا : 6 ليالي في فندق الماريوت .. ومنها بالقطار إلى سالزبورغ
2- سالزبورغ : 4 ليالي في فندق كراون بلازا
3- زلمسي : 9 ليالي في فندق غراند ... خليناهم 10 ايام للاستمتاع بالطبيعه والجو اللي احنا
مفتقدينهم .. بس اللي ضايقني .. ان كل ما قريت عن غراند في المنتدى يذكرون ازعاج القطار فيه
والحشرات وغيره .. وغيره ... بس بغيت استفسر يعني ازعاج لدرجة ان ما نقدر انام !!؟ ولا شلون
4- ميونخ : 7 ليالي في فندق لي مريديان
ومنها إلى الدوحه
أتمنى ان اتفيدوني بآرائكم
تحياتي
بالنسبة لفندق قراند لا تشيلين هم ، القطار ماهو مزعج لذاك الدرجة الكبيرة ، ولكن أحرصي ان يكون حجزك للغرفه في المبنى الجديد وليس القديم ...
أتمنى لكم سفرة ممتعة ، وإجازة سعيدة ...