بسم الله الرحمن الرحيم
السلام عليكم ورحمة الله وبركاته
يالله حي خواتي اللي داخلات والشرار يتطاير من عيونهن :36_1_17:
شوفوا يا خواتي بكون صريح معكم تحملوني خيكم يبي ينصحكم
الحين اشوف كثير من الاخوات يسألون وين مكان مافيه مناظر مخلة
وشلون الشواطيء وكيف شاطيء الفندق الفلاني وكيف وكيف
وطبعاً هذا من غيرتهن على أزواجهن
وبعد هم ما يبون يشوفون مناظر مخلة
وهذا شي نكبره فيهم ونشكرهم عليه وندعيلهم بالثبات والتوفيق
بس خلونا نكون واقعيين شوي
يعني انتم مثل اللي يدخل سينما ويقول عسى الفلم ما فيه مناظر !!
بالعربي بتشوفون مناظر وغصب لأنكم طالعين برا السعودية
وانتم ما تقدرون تقولون ما نبي لانكم تموتون بالسفر وتبونه مهما كانت النتيجة
لذلك تحملوا اللي بتشوفونه يعني رايحين بلدهم ما تقدرون تنتقدون سواياهم
بلد رطب جوه دافي واكثر اللي فيه آسيويين علمانيين لا دين ولا مله
يعني عادي القصير والمشلح والمفتح واللي تعرفونه من لبس الكفار
كله بتشوفونه مو بس بالشواطيء لا بالشوارع والاسواق وكل مكان
وبصراحه اللي تبي تنبسط مالها الا تطنش هذي ضريبة السفر برا
يعني صعب كل ما مر احد تطيرين عيونك بزوجك وتشغلينه وتشغلين نفسك
الأساس ان كلكم فيكم دين وتغضون بصركم وتبعدون قدر المستطاع عن المناظر
لكن لا تبالغون بالمثالية وانتم طالعين بلد فيه انفتاح وحرية مثل كل بلد غير بلدنا
واللي ما تبي زوجها يشوف من هالاشياء الله لا يهينها عليها بالطايف وأبها
أنا يوم رحت كانت المدام لا مرينا بشي غطت عيوني قلت يا بنت اخاف اطيح
والله حالة الوحدة فيكم لو بيدها تربط عيون زوجها وتجره وراه مثل الاعمى
إذا مو واثقة من زوجك وخايفة عليه يشوف شي لا تسافرين احسنلك
طبعاً هذا مو مبرر للازواج يطيرون عيونهم اها اشوف بعض التماسيح انبسطوا ؟
لا يا اخوان عليكم بغض البصر ولا شفت شي خل عينك بالارض أو تمقل بعيون المدام
والله يا هي بعبايتها كل هالمفاصيخ ما يسوون ظفر رجله الله لا يخلينا منهن يا رب
ولا تزعلون من صراحتي بس علشان تكونون على بينة وما تقولون غشيناكم