B U R B E R R Y
07-09-2022 - 11:02 am
مرحبا الى جميع الأعضاء
انا ان شاء الله مسافره على ماليزيا الأسبوع القادم ولدي استفسار من كتر ما قرات على اخطار حمل واستخدام الفيزا في ماليزيا برأيكم وبرأي خبير كيف أخذ الفلوس معاي كيف احملها هل كاش او احطها في بطاقة الفيزا واخلي بطاقة الفيزة بس للمشتريات واخذ معي كاش حوالي 2000 رنجنت
اريد الإجاية على سؤالي من شخص سافر ماليزيا وجرب
انتظر ردكم
هذه طريقتي ... عاد سوفي تناسبك ولا لا
الحمدلله 14 مرة ماليزيا وماانسرقت الفلوس والحمدلله
ماشاء الله تبارك الله لا انسرق المرة الجاية
شوفي كم معاكِ .. مثلاً 15 الف ريال ... خذي 2000 رينجيت
و1000 دولار .... و1000 ريال سعودي = خمسميتين ...
والباقي كلها حطيها في بطاقة حسابك ... الحساب الجاري ..
ان كنتِ موظفة في البطاقة اللي فيها حساب راتبك
مش البطاقة الائتمانية ...
ووزعي الفلوس .. 1000 رينجيت في الجيب اليمين
و1000 رينجيت ثانية في الجيب اليسار ... و500 دولار
دوري لها جيب و500 دولا الباقية في شنطة يدك ..
والبطاقة في الشنطة ... وال1000 ريال = 2*500
حطي خمسمية في جيب ملابس من ملابسك في شنطة العفش
وال500 القانية دوري لها لبس ثاني في الشنطة الثانية وانسيهم
استخدمي الرينجيت ... خلصت استخدمي الدولار وكل ما احتجتم اصرفوا
الدولا لرينجيت ... قبل ما تخلص الدولارات اسحبي من حسابك الجاري
لأنه اخاف البطاقة خربانة او ما تشتغل وتتورطوا لا قدر الله ...
ولا تستخدموا الفيزا الا في الضرورة القصوى ... (الائتمانية) ..
وال1000 ريال خرجوها في الورطات اما غير لا تدورون عليها ...
دائماً اخليها ... افرض خربت البطاقات .... خربت الاجهزة ... انسرقت..
خلصت الميزانية .... انسرقت الميزانية ... تبقى هذه ال1000 ريال
احتياط للضرورة القصوى .. على الاقل اخذ بها تاكسي للمطار
واكل بالمطار وانام بالمطار وكل شغلي بالمطار ومصروفي هالالف ريال
لين مايحنون علي واسافر على اقرب رحلة
تحياتي لكِ اختي ... وان شاء الله اكون افدتك ولو بالقليل
رحلة سعيدة وترجعون بالسلامة والسلام عليكم