مرحبا
م.....
اسمع هلا اكيد عمان احلى بكتير من اربد
بس هي مو بعيدة عن عمان كتير
يعني بس ساعة تقريبا
ما بعرف بس انا بحبها وبحب اشياء كتير فيها....بحب بساطتها ....يمكن كحيااة جامعي ...وطالب ...
بس ممكن تروحها من باب التغيير والتعرف على منطقة جديدة ...
ام قيس كتير حلوة
بامكانك تروح وتشوف الاثار اللي فيها
وتشوف الطلة على بحيرة طبرية خاصة وقت الغروب بكون المنظر روعة ...
وفي هناك بام قيس كافيهات مطلة على طبرية حلوة برضو ..
اربد بامكانك تزور شارع الجامعة ..
بسيط وعادي ...وفيو اماكن حلوة نوعا ما
متل الجود جاردن
ويوتوبيا
والرويال كافيه
ومنتزه القناطر
لما تروح هناك اسأل عنهم بالتاكسي وبوديك عليهم عطوول
طبعا اهم شي ما تنسى تروح بالنهار على وادي سد العرب
وتشوف منظرو من فوق بالجبل
كتير حلو
واهم شي ما تنسى تروح برضو منطقة دبين ومحمياتها
وكمان وانت بالطريق لاربد رح تمر على سد الملك طلال
هاي اشياء مميزة وحلوة لانك تزورها وتشوفها ..
صراحة كنت حابة احطللك صور صورتها بنفسي لوادي سد العرب وام قيس
بس مش عارفة كيف احط الصور مشان هيك مو راضي يزبط

شكرا يا لينا لينو على مرورك اللى زاد متصفحى شرفا
وشكرا على المعلومات اللى اعطيتينى عن إربد

اربد جميلة جدا خصوصا الريف الشمالي و كما قالت لك لينا فان الشمال جميل جدا و فيه مناظر طبيعية قمة في الروعة. ام قيس ايضا موقع متميز و ترى منها 3 بلدان فلسطين المحتلة و لبنان و سوريا و تستطيع ايضا الذهاب الى السدود خصوصا سد الملك طلال...المنظر هناك جميل جدا.
اجابة على سؤالك تستحق الزيارة بالتاكيد و بالنسبة الي اكثر من عمان.

1. داخل أربد شارع الجامعة متميز بالنت والمطاعم والحلويات

أثني على ما تفضل به الخبراء من قبلي طبعا أربد بستاهل تزورها فهي عروس الشمال وهي سهلية ومنها تبداء سهول حوران التى كانت تنتج محصول القمح للدوله الرومانية في قديم الزمان بأمكانك زيارة الأماكن التالية في أربد :

داخل أربد شارع الجامعة متميز بالنت والمطاعم والحلويات

• متحف أربد وسط البلد ( أربد القديمة ) مقابل البلدية يتحدث عن تاريخ اربد وهو بناء عثماني
• منطقة العشة وهي موقعة معركة اليرموك وهي مطلة على نهر اليرموك الفاصل بين الأردن وسورياوالمنطقة جميلة خاصة في أيام الربيع حيث امتداد الربيع وخرج رحلة مشاوي هش ونش
• وكما ذكر وا من قبل ممكن متابعت السير الى أم قيس حيث مشاهدة الآثار والمتحف ويوجد فيها مطعم له أطلالة جميلة على بخيرة طبريا ومنه تشاهد الحمة السورية والجولان ومناظر جدا روعة فعلا تستحق الزيارة
• واذا تابعت المسير الى الشونة الشمالية ممكن تروح الى سد وادي العرب وكذلك ممكن تزور مقاموقبر الصحابي الجليل معاذ بن جبل رضي الله عنه وعند الوقف عند قبره تشم رائحة زكية تنبعث من القبر .

واذا اردت متابعت السير في منطقة الأغوار أذهب الى طبقة فحل فيها آثار وهناك تابع خالد بن الوليد فلول الروم في معركة من معارك اليرموك

• ملاحة اذا ذهبت الى منطقة العشة ففي الطريق بأمكانك شراء الرمان وهو مشهور رمان سحم الكفارات وملكا وكذلك بأمكان شراء زيت زيتون من المعاصر التي بدات من أيام قليل بعصر الزيتون وهو أفضل زيتون في المملكة زيت الكفارات

وحتى لو كان سعره أغلى فأنه الأجود ولا مثل له في العالم
هذا والله أعلم

والله ما فيها الا الخلا الخالي
ولكن رح زرها تشوف وتطلع وتجرب ما فيها شي

مسافر 777
حرام عليك
أدعوك الى زيارة أربد في فصل الربيع

الشكر الجزيل لكل من مر متصفحى
دلحين أنا فى حيرة ناس تمدح وناس تقول خلا خالى

السلام عليكم ..
شملت والنية اربد - قلبي عليها متعود
عروس الشمال مورد - شملت والنية اربد
الاخوة ما قصروا معاك ، اذا كنت من محبي الاثار وهذة الامور فهي تستحق
بس بدي احكيلك شغلة اذا نزلت على اربد روح على وسط البلد ، و اسأل عن مطعم اسمه ياسين الفوال ، هذا المطعم عنده الحمص والفول خرافي ...
المطعم شعبي وانا متأكد لو بده يقلبه خمسة نجوم كان قلبه من زمان لانه مشاء الله عليه من اشهر واقوى المطاعم
يعني زيه زي مطعم هاشم بوسط البلد بعمان ...
بفتح الساعة 6 الصبح وبسكر تقريبا على 10 - 11 الصبح بس !!
انت جربه وانا متأكد انك ما رح تنساه

وايه والله ياسين الفوال ذاك المطعم الشعبي وهو فعلا كمثل هاشم عمان خاصة اذا أشتريت خبز تنور طالع من بيت النار من الفرن المجاور له شي من الآخر مع أخذ بعين الأعتبار ان المطعم لا يصلح لعوائل فقط شباب واختياريه اما العوائل فمكن أخذه سفري . او في مطعم في شارع الجامعة مقابل الجامع تقريبا اسمه عش الهنا فيه جلسة تخص العوائل والحمص والفول بشهي عنده
اتنمى لك رحلة موفقه ومن غير حيره
ومستعد لعمل جولة لمن أراد اذا توافق مع وقت فراغي
واهلين وسهلين