1- هل توجد رسوم خاصة تدفع؟ كم و أين تدفع؟
نعم تدفع 20 ريال لدخول الجسر و(20 ريال شامل او 15 غير شامل تأمين على المركبة في الجمرك البحريني) واثناء خروجك من البحرين تدفع 20 ريال للجسر
2- هل تكفي بطاقة الهوية الوطنية أم يجب حمل جواز السفر؟
نعم تكفي ولن بشرط ان تكون الحديثة
3- ما هي إجراءات الجوازات و الجمارك و هل يلزم النزول من السيارة؟
و هل الإجراءات موحدة و تكون لمرة واحدة بين الجانب السعودي و البحريني أم كل دولة تقوم بالإجراءات الخاصة بها؟ اجراءات سهلة جداً في البدائية الجوازات السعودية والجمرك السعودي بعد ذلك تدخل الجزء الخاص بالبحرين الجوازات والجمرك ربما تنزل وربما لا
4- ما هي المدة التي أحتاجها لإنهاء جميع الإجراءات؟
نحن الان في اجازة وراح تحصل زحمة ولكن الاجراءات
بسيطة جداً

الاخ السفير الطائر ماقصر وياك

1. حياك الله

حياك الله

اول شي تدفع رسوم الدخول 20 ريال وتمشي مسافه 10 دقائق تقريبا وبتكون اللوحه واضحه امامك مكتوب فيها مملكه البحرين يعني لا تلف يمين ولا شمال
اول شي تقابله الجمارك السعودية وانت جالس في السيارة يعطيك ورقه صغيره مكتوب فيها معلومات السيارة طبعا من المهم ان تكون السيارة بأسمك واذا كانت تأجير منتهي بالتمليك لازم تجيب تفويض من الشركه وتروح للمرور وتاخذ تفويض خارجي
بعد الجمارك تمر على الجوزات تسلمه الجواز او البطاقه و ورقه الجمارك الصغيره يختم لك على الورقه خروج تكمل خط سيرك توصل الى النقطه الي بعدها وبتشوف عسكري من الجوزات جالس توريه الورقه المختوم عليها وتمشي مسافه 200 متر توصل الجوزات البحرينيه تعطيه الجواز او البطاقه بدون الورقه الصغيره واذا كان عندك اتصال على الجوال طنشه لانه مخالفه يحاسب عليها القانون في المنطقه البحرينيه
يبقى لك التفتيش قبل الدخول للبحرين توقف بسيارتك مع الناس حتى توصل للموظف بيقول لك روح 9 او 12 او اي رقم فاضي انت طالع فوق بتشوف الارقام روح وقف وانزل وافتح شنطه السياره الله لا يهينك سلم على الموظف وعطيه الجواز والورقه يمكن يفتش ويمكن يقول روح ويمكن يقول لك تعال تفتيش شخصي ويدخلك الغرفه الصغيره انا ما اخوفك ولكن التفتيش الشخصي بصراحه قله ادب واحسن اني ما اتكلم اسأل والناس تقول لك المهم لا تشيهل هم التفتيش الشخصي نادرآ ما يصير
بعدها توصل لأخر نقطه تدفع فيها التأمين 20 شامل المساعده على الطريق و15 بدون مساعده
كذا خلصنا والحمد لله
اهم شي لا تسرع داخل البحرين يصيدوك بسرعه
اتمنى لك رحله موفقه

شكرا للأخ السفير الطائر و الاخت فارسه
و شكر خاص للأخ سامي على الاجابات الوافية و الشرح المتكامل و النصائح الهامة :37l0h:
و عندي أسئلة أخرى و أتمنى أن لا أكون أطلت عليكم...
سكون معي زوجتي و أختي .. فهل يوجد قسم نسائي؟
و بالنسية للعملة هل ينبغي صرف مبالغ للدينار أم يقبلون البيع بالريال؟ و ما هو سعر الصرف؟
شاكر و مقدر لكم تعاونكم

بعد الجمارك السعودية تلقى كونتر مكتوب عليه مطابقه جوزات النساء شوف الي اشارته خضراء صفط عنده الموظفه تفتح الدريشه وتاخذ الجوزات وتطابقهم وانتم في السيارة .
الريال يستخدم في البحرين عادي واذا حاسبت حاول تقول له رجع لي سعودي اذا عنده بيعطيك طبعها انت عارف ان الدينار البحريني 10 سعودي والعشره دينار 100 يعني لو رحت اي صراف وصرفت بتشوف 10 و20 و100 و 200 لا تاخذ 200 وتتورط فيها احسن شي اصرف من اول صراف على الجسر صراف الامريكي على يدك اليمين

زين تدل في البحرين ولا لا
اكيد لا

بيض الله وجهك يا سامي ... ما قصرت
طبعاُ ما ادل أي مكان
لكن راح أعتمد على المعلومات الموجودة بالمنتدى
و اذا تحب تعطيني أي معلومة أو مكان لازم أزوره ما عندي مانع
طبعاً انا برجع في نفس اليوم و زيارتي تقدر تقول عنها زيارة تعارف بيني و بين البحرين

بصراحة ما عندي جديد عن الي موجود في المنتدى الأعضاء ما شاء الله عليهم
بس حبيت اسهل عليك الطريق بعد ما تخلص من دفع رسوم التأمين بتقابلك اشاره بعدها بتمشي على طول جسر البحرين حتى توصل الى اليابسه وتمشي مسافه شبه طويله وبتشوف لوحات على يمينك ويسارك مكتوب فيها مدينه حمد ومدينه عيسى ....الخ خليك ماسك اليمين بعد الكوبري الاول بتشوف لوحه على اليمين مكتوب المنامه و المطار روح مع هذه اللوحه بتطلع فوق الكوبري وتوصل المنامه بتمشي مسافه بسيطه وبتشوف مجمع الدانه على يمينك و السيف والعالي على يسارك ومجمع السيتي سنتر لو مشيت على طول بتقابلك اول اشاره بعدها اشاره ثانيه عند فندق الشيرتون بعدها اشاره المنطقه الدبلماسيه وبعدها اشاره تودي على المحرق والمطار واذا بتسكن انصحك تروح منطقه الجفير
وبتوفيق