السلام عليكم ورحمة الله وبركاته
الصراحة أول مره أسافر ماليزيا انا وزوجي
وماكو خبره كلش
قعدت مدة أقرأ واشوف تقاريركم المصورة
وقريت وايد معلومات عن كل مكان
وأخيراً سويت لي مخطط لسير رحلتي انا وزوجي
وأبي رأيكم وتعديلاتكم عليه أكيد لأن فيه شغلات ناقصته
سفرتي من 11/6 إلى 24/6
مدتها 14 يوم
راح نقعد
3 ليالي كوالالمبور (فندق سويس جاردن 4 نجوم)
3 ليالي لنكاوي (منتجع بيلانقي بيتش)
6 ليالي كوالالمبور (فندق سويس جاردن 4 نجوم)
راح نرجع لنفس الفندق لأن سعره زين وحلو وبالمره نحط اغراضنا في السيفتي عندهم الشنطتين الكبار
مخطط رحلتي التفصيلي
سفرتي مدتها 14 يوم بإذن الله
من 11/6 إلى 24/6
راح أبدأ مخططي بالتواريخ والأماكن المراد زيارتها
ترا للحين المخطط في طور التعديل والشطب والاضافه لول
2012/6/11م
الإقلاع الساعة 5 ونص المغرب
الوصول إلى قطر نقعد ساعة ترانزيت
وبعدها نطير إلى ماليزيا 7 ساعات
نوصل من باجر الساعه 9 الصبح بتوقيت ماليزيا يكون تاريخ 12/6/2012م
2012/6/12م
الوصول إلى ماليزيا الساعة 9 صباحاً
راحة بالفندق + نتغدى بأي مكان من المجمعات الي بشارع العرب +
جوله سياحية إلى حديقة الفراشات و حديقة الطيور وحديقة الزهور (كلهم يم بعض حيل)
من المغرب لي الليل ما قررت شنو بنسوي للحين
2012/6/13م
نتريق بالفندق
زيارة أكواريا + نروح جنتنق بالتلفريك + نتغدى هناك بالمطعم الصيني+
ناخذ جوله كامله بالمكان كله ونرجع قبل المغرب+ نتسوق ونتعشى
2012/6/14م
نتريق بالفندق
وبعدها نروح مرتفعات فريزر+ ........................ نتسوق ونتعشى
2012/6/15م
نتريق بالفندق
نسوي جيك آوت ونخلي اغراضنا بالأمانات عند الفندق لاننا راح نرجع لهم مره ثانية ونسكن فيه
نطلع من الفندق ونتوجه للمطار للإقلاع إلى جزيرة لنكاوي
نوصل 4 العصر ونسوي جيك إن بفندق (بيلانقي بيتش) + نروح عالم ما تحت الماء اذا ما سكر حيل قريب من المنتجع مشي 3 دقايق
2012/6/16م
نتريق بالمنتجع
رحلة المانغروف صباحاً+ نتغدا + نروح قرية اورينت فيليج ونركب تلفريك لنكاوي+ لما نخلص ناخذ جوله بالباص البرمائي بالقرية+ نطلع ونروح شلالات الآبار السبعه حيل قريبه من القرية
وبعدها نريح شوي ونتعشى ونتمشى
2012/6/17م
نتريق بالمنتجع وناخذ جوله صباحية جميلة
ركوب الفيل + حديقة الفواكة الأستوائية+ زيارة قرية أير هنكت (الينابيع الحارة) +نتغدى
+ حديقة لاجندا + ميدان النسر+ نتعشى ونتسوق بالمجمع الي يمه شوي
2012/6/18م
يوم العودة لكوالالمبور
نتريق بالمنتجع ونآخذ جولة صباحية حلوة بالمنتجع والشاطئ
نسوي جيك آوت نطير ونوصل كوالالمبور الساعة 3 العصر+ نسوي جيك إن بالفندق مره ثانية وناخذ اغراضنا من الأمانات
نزور البرجين التوأمين (بتروناس) ونتسوق بالمجمع الي تحته مجمع سوريا ونتعشى فيه
2012/6/19م
نتريق بالفندق ونريح شوي
نزوع عجله ماليزيا الدوارة (عين على ماليزيا) + حديقة بحيرة بردانا يمها حيل
نتغدى+ ............................................+ نتسوق ونتعشى
2012/6/20م
نتريق بالفندق ونريح شوي
نزور سيلانجور المعبد الهندي + شلالات تمبلر بارك + نتغدى هناك+ مسجد شاه علم+ ناخذ جوله بالقارب الجندول في بحيرة شاه علم+ الفراشات المضيئة+ نرجع كوالالمبور نتسوق ونتعشى
2012/6/21م
نتريق بالفندق ونريح شوي
نروح أفاموسا + نتغدى في ميجا مول ونتسوق فيه ونرجع+ ....................................+ نتعشى
2012/6/22م
تسوق
2012/6/23م
تسوق
2012/6/24م
العودة للكويت
الجدول للحين ناقص عطوني اقتراحاتكم وتعديلاتكم عليه