afaa2005
09-03-2022 - 06:36 pm
هلا والله يا اعضاء احلى منتدى
عيدكم مبارك وان شاء الله كل عام وانتو بالف صحه وعافيه
طبعا محدثكم مجنون اوروبا ولكن جاني حبيب قلبي واعز اصدقائي وولد خالي >>> ترى شخص واحد هو
قالي وش رايك نروح اندونسيا طبعا على طول قلتله انت صاحي الحين نحول من النمسا نروح اندونسيا
قالي قبل لاتتفلسف ادخل موقع المسافرون العرب وشوف عاد على كثرت دخولي للمنتدى مادخلت بوبة اندونسيا
وبصراحة بعد ما دخلت المنتدى انبهرت بهذا الشي الرائع يعني جنة اقل مايقال عنها والي يحمسك عليها زياده
انها ماتكلف ابدا يعني روحتها سهله بسبب رخ اسعارها مقارنة في اوروبا
على العموم ما اطول عليكم خلاص دخلت الفكرة راسي وودي اسالكم كم سؤال
طبعا حنى شخصين
قبل السفر :-
1- افضل طيران ويكون سعره ممتاز (انا محتار بين الاتحاد و القطريه و الاماراتيه) ..؟
2- شنو الاحسن احجز من موقع بوكينج (ولامره استخدمته ) او هناك ..؟
3- طبعا انا وولد خالي نفضل الفيلا احسن واريح نفسيا خصوصا لو معاها مسبح لاننا نعشق شي اسمه مسبح بكم اسعار الفلل في الجبل بونشاك و بالي ...؟
4- انا بعد قراءة التقراير قررت اروح بونشاك و بالي طبعا مدة الرحله اسبوعين تنصحوني بمكان كافي ..؟
5- كم الميزانية الشاملةهناك لاننا حنى حاطين لكل شخص ميزانيه مبدأيه تقريبا 9 الاف ..؟
6- فكرة اطلع الفزية من هنا قبل السفر علشان اريح راسي هناك .. هل المكاتب السياحية يضبطها لي ..؟
في اندونسيا :-
1- في بعض المواضيع قريت شي اثار انتباهي (متعوب عليها ) ان بعد مايوصل ويريح يروح السافرة يسجل الجواز مافهمت وش يقصب بتسجيل اجواز وهل هذا شي مهم لاني ماقريته بكل التقارير ..؟
2- بخصوص تاكيد حجز العودة ما اقدر اكدة وانا بالدمام وخلاص يعني لازم ااكدة من جاكرتا ..؟
3- تفضلون يكون مبلغ بجيبي كبير ولا كل الفلوس بالفيزا والفوس بس تكفي لليوم الاول ...؟
4- اي افضل اروح ومعاي دولارات ولا ريالات ..؟
5- انا بجاكرتا بس اريح وبعها بروح على طول الجيل وش الفنادق الي اسعارها مناسبه ..؟
6- وش قصة البراكين الي تتكلمون عنها يعني معقول اضبط السفره بعدين تتنكسل قبل اسبوع ..؟
اعتقد ان نظرتك ستتغير 100% عندما تُعايش طبيعة اندونيسيا على الطبيعه
افضل طيران ويكون سعره ممتاز (انا محتار بين الاتحاد و القطريه و الاماراتيه)
الكثير يتفق على الاتحاد ولاتفكر بالقطريه بسبب ترنزيتها الطويل بالدوحه
شنو الاحسن احجز من موقع بوكينج (ولامره استخدمته ) او هناك
اعتقد ان بوكينق الافضل
ولو ماحجزت راح تحصل مكتب كاها بالمطار وهو الأفضل من بين بقية المكاتب من حيث الاسعار
طبعا انا وولد خالي نفضل الفيلا احسن واريح نفسيا خصوصا لو معاها مسبح لاننا نعشق شي اسمه مسبح بكم اسعار الفلل في الجبل بونشاك و بالي
الفلل الخاصه بمسبح خاص يختلف سعرها حسب مميزاتها ولكن بشكل عام يتراوح بين 500 و900 الف
يعني مافيه سعر تقدر تقول انه هو الموجود ويرتبط هذا ايضاً بوقت الرحله ومصادفتها للإجازات الرسميه
هذا بالنسبه للجبل اما بالي فأعتقد ان مواضيع الاخ نجم الكويت ستفي بماتبحث عنه ببالي
انا بعد قراءة التقراير قررت اروح بونشاك و بالي طبعا مدة الرحله اسبوعين تنصحوني بمكان كافي
لم استوعب هذه النقطه
كم الميزانية الشاملةهناك لاننا حنى حاطين لكل شخص ميزانيه مبدأيه تقريبا 9 الاف
احسب ميزانيتك ببالي ب200 دولار كمصروف يومي كأقل احتمال وهذا يرتبط بسعر السكن
والجبل اعتقد ان 150 دولار كافيه
عموماً ميزانيتكم بتكون 18 الف وهو سعر جيد جداً خصوصاً اذا كان بدون تذاكر دوليه
فكرة اطلع الفزية من هنا قبل السفر علشان اريح راسي هناك .. هل المكاتب السياحية يضبطها لي
اخراجها من هنا اريح وبشكل كبير اذا كنت بجده والاالرياض
بالنسبه للمكاتب ذي مالي خبر فيها ان شاءالله يفيدونك الاعضاء
في بعض المواضيع قريت شي اثار انتباهي (متعوب عليها
) ان بعد مايوصل ويريح يروح السافرة يسجل الجواز مافهمت وش يقصب بتسجيل اجواز وهل هذا شي مهم لاني ماقريته بكل التقارير
تسجيل الجواز لأجل ان تكون اجرائاتك سهله في حال سرقة او ضياع الجواز
يعني ماتتعقد امور اذا حصلك مشاكل وهي لاتأخذ من وقت سواء ذهبت للسفاره او عن طريق ارسال بالفاكس من الفندق لصورة الجواز
بخصوص تاكيد حجز العودة ما اقدر اكدة وانا بالدمام وخلاص يعني لازم ااكدة من جاكرتا .
اذا وصلت اندونسيا اكد حجز العوده يعني بعد ماتاصل بيومين او اكثر او اقل وهذا اجراء روتيني
الهدف منه ان لاتتعرض لموقف محرج لو تكنسل حجزك رغم انها قليل جداً يحدث هالشي
ولاياخذ منك سوى خمس دقائق من احد المكاتب الخاصه بحجوزات الطيران
تفضلون يكون مبلغ بجيبي كبير ولا كل الفلوس بالفيزا والفوس بس تكفي لليوم الاول
خذه معاك دولارات واصرفه هناك حسب حاجتك لروبيه
يعني مثلاً كل يوم تصرف 100$ وضع مبلغ احتياطي بحسابك تحسباً لأي ظرف قد يطرء
اي افضل اروح ومعاي دولارات ولا ريالات
هناك اختلاف ولكن الأغلب يفضلها دولارات والقليل يفضلها ريالات
خذها دولارات وتوكل بس اطلبها متسلسله الارقام ولاتصفطها علشان الصرف
يعني خلها زي السكين خ
انا بجاكرتا بس اريح وبعها بروح على طول الجيل وش الفنادق الي اسعارها مناسبه
اذا تقصد جاكرتا انصحك بميركوري انشول
وبالجبل الافضل فلل خاصه
وش قصة البراكين الي تتكلمون عنها يعني معقول اضبط السفره بعدين تتنكسل قبل اسبوع .
اعقلها وتوكل وماهنا الاالعافيه الناس تخلي من الحبه قبه
بالتوفيق لك برحلتك واعذرني على القصور
والجميع بخدمتك