الانشطه الي أود ممارستها ومشاهدتها ..
1- ركوب براشوت
2- مشاهدة الدلافين
3- زيارة الجزر
4- ركوب باخره كبيره والتجول حول الجبال
5- صيد السمك رحلة حداق معا صيادين عمانيين
6- مادري سمعت عن السلحفاة جزيرة مادري شنو بس ياريت تفيدوني
7- متاحف واسواق تراثيه وياريت معا مرشد سياحي يعطينا معلومات صحيحه عن الموقع .. مو مهم اذا بالعربي ولا الانجليزي
ارجو الي يعرف هالاشياء يفيدني بالاماكن او شركات تقدم هالخدمات يوميا وعن اسعارهم بسرعه ممكنه بليز .. وعن السكن فندق ايا كان لانه انا مااهتم بخدمات الفندق للنوم فقط يعني سعره معقول ابيه

1. 2- تنصحوني استأجر سياره وياريت اسعارهم نسبيا ؟

luv21
وعليكم السلام ورحمة الله وبركاته
تحيه كبيره للاهل عمان الطيبين حبايبنا والله وربي شاهد علي اني احبكم وكل واحد يذكركم بالخير والطيبه المعروفه عليكم الله لا يغير عليكم ان شاء الله ..
أحبك الله لما احببتنا فيه يا غالي .
عندي جم سؤال ياريت تفيدوني فيها .. انشالله اذا الله اراد عندي زياره قريبه لمسقط لمدة 4 ايام بروحي للراحه والاستجمام ..
أخي الكريم .. أنا لست من سكان العاصمه مسقط ولكن سوف أحاول أن أساعدك بقدر إستطاعتي .. وللاسف فإن الأخت / مسقطيه مسافره خلال هذه الفتره ، ولن تستطيع مساعدتك يا غالي .
1- ابي فنادق على البحر او قريبه منها تكون رخيصه للنوم فقط ونظيفه رخيصه جدا ياريت اسمائهم ومواقعهم الالكترونيه ؟
عندك فنادق رخيصه في مطرج بالقرب من ميناء السلطان قابوس ، وبالنسبه لأرقام الهواتف والمواقع الإلكترونيه فليست لدي ادتى فكره عنها .

2- تنصحوني استأجر سياره وياريت اسعارهم نسبيا ؟

إستأجر سياره أفضل لأن مشاوير مسقط طويله وتحتاج الى سياره للتنقل ، وبخصوص سعر السياره فسوف تجد سعر سيارة tida مثلاً بسعر 10 ريال عماني لليوم من المكاتب المنتشره في منطقة الخوير وغيرها ، أما من المطار فيمكن أن يصل سعرها الى 15 ريال لليوم .
3- شلون الاجواء الحين بمسقط ؟
الاجواء لازالت حاره بشكل نسبي ولكن كل يوم في تحسن مستمر للأفضل .
4- انا من محبين الحداق شلون اطلع معا شياب او شباب حداق بوسط الجبال الي اشوفهم بالاصور ياريت احد يفيدني وساعات طويله ؟
ما عندي أي فكره يا غالي
5- شنو الانشطه البحريه الموجوده بمسقط واماكنهم ( الغواصه - التنقل بالباخره بين دبي ومسقط - براشوت اذا موجود بمسقط - الغوص اتمنى اتمنى تقوليلي شرح كامل علشان لا اضيع معا اسعار التذاكر ؟
الغواصه غير موجوده يا غالي ، وهاك هذه الروابط راح تفيدك
https://artravelers.com/p/re/299920
6- احب التراث القديم والمتاحف والاسواق التراثيه ياريت تقوليلي اسمائهم واماكنهم ؟
إذا كنت من هواة زيارة المتاحف فأنصحك بزيارة المتاحف التالية :
1- متحف بيت الزبير في مطرح .
2 - المتحف العماني الفرنسي .
يوجد في مطرح بالقرب من بيت الزبير .
3 - متحف التاريخ الطبيعي في حي الوزارات بالخوير .
وبالنسبه للاسواق القديمة فعليك بزيارة سوق مطرح فهو من الاسواق القديمة والتي يفوح منها عبق التاريخ والحضاره .
اتمنى تحديد موقع واسم المكان التالي لانه جميل جدا
أتوقع بأن هذا الصوره في المنطقة الشرقيه وبالتحديد في منطقة العيجه الملاصقه لولاية صور .
7- يعني بالاختصار ابي برنامج لمدة اربعة ايام بمسقط ابي ارد ماضي الاجداد لانه بصراحه ولا دوله خليجيه قامت تهتم بالتراث كثر عمان .. ياريت من الاخت مسقطيه او من اهل عمان أفادتي لو تقدر تسويلي برنامج لمدة اربعة ايام اكون شاكرها بس اهم اهم شي رحلة الحداق ودي اروح مناك واشوف السمج الطيب الي ابحرهم ..
سوري اذا ثقلت عليكم ..
سامحني ترى معلوماتي عن مسقط ليست كثيره ومتنوعه يا غالي .
تحياتي لك .

حياك الله اخوي luv21
اقترح عليك تقضيلك يومين في منتجع شاطئ السوادي بولاية بركاء... الفندق فئة اربع نجوم واسعارهم اربعين ريال لليلة و60 ريال سعر الليلتين
عندهم برامج غوص ورحلات صيد ... او بامكانك الذهاب للمنتزه جنب المنتجع مباشرة وتتعامل مع احد الصيادين ينقلك للجزر القريبة للحداق ويرجعك في وقت معين بسعر زهيد جدا ... او حتى تخليه يشيلك معاه في رحلة صيد...
وايضا يومين اخرين في مسقط حيث تتوفر خدمات تنزه بحرية وصيد
المكان الواضح في الصورة يسمى "هوة نجم" يقع على جانب الطريق بين قريات وطيوي (الطريق الجديد المؤدي الى صور)... يقال بان نيزك سقط على الارض وكون هذه الحفرة ..الحكومة عملت منتزه حوالين الحفرة ... لي صورة في هذا المكان

الدوحاني 111
السلام عليكم
انا الان بمسقط وابي ازوره هذا الهوة ابي اشرح بالتفصيل للطريق الله لا يهينك؟
دمت بخير

smash
وعليكم السلام يا اخ Smash
الطريق بالتفصيل:
تروح الى دوار وادي عدي (بعد وكالة هوندا بالوطية وانت رايح الى روي)
توصل الدوار خذ يمين باتجاه العامرات (طريق وادي حطاط)
واصل طريقك للعامرات ..ستمر ببعض الدوارات الصغيرة ..اعتقد الدوار الثالث او الربع تاخذ يسار الى ولاية قريات
اتبع الطريق الى قريات لمسافة 40 كم تقريبا وخليك حذر في المنحدرات عند النزول من الجبال ...
عندما تصل الى قريات تابع طريقك وستلاحظ لائحة باتجاه صور ...
اتبع طريق صور (طريق حديث مزدوج)
بعد ما تعدي قريات تقريبا راح تاخذ ربع ساعة وستلاحظ منتزه صغير على يسارك ستتعرف عليه من الشجيرات الصغيرة الموجوده بالمنتزه
انزل من اقرب مخرج وروح للمنتزه
بحاول ادخل القوقل ايرث وانزل لك صورة للطريق