بسم الله الرحمن الرحيم
السلام عليكم ورحمة الله وبركاته
هذا اول موضوع لي بقسم السلطنه
اتمنى انه يكون مفيد وممتع
الموضوع راح يكون عن الرحله اللي رحتها مع اهلي وكنا 3 عوائل ما شاء الله اخذنا نص العباره
رحلتنا كانت بيوم الخميس تاريخ 12/03/2009
وسبب تأخري عن إنزال الموضوع انشغالي بالدراسة وبعدين نسيت الموضوع نهائيا
معلومات عن العباره:
هناك عبارتين هما هرمز وشناص وهما ملك للشركه الوطنيه للعبارات بالنسبه للعباره هرمز، يبلغ طولها 65 متر وتتسع ل208 راكب و 56 سياره
اما العباره شناص فتعتبر العباره الاسرع بالعالم حيث تصل سرعتها الى 50 عقده بالساعه
وتقوم العبارتين برحله بأرجاء مسقط لمشاهدة الغروب وبرحله لمحافظة مسندم.
رحلتنا كانت على العباره هرمز و وقت الانطلاق الساعه 4 العصر بس التجمع لازم يكون قبل ساعه
وعند الحجز يجب اعطاؤهم جميع اسماء الركاب ورقم السياره حتى تتمكن من دخول الميناء
بترككم مع بعض الصور للعباره اخذتهم من النت لاني ما صورتها ما كنت مفكره اسوي موضوع :36_1_37:
هذي صورة التذكره
وهنا بعض الصور اول ما تحركنا
فندق قصر البستان
وهنا يبين قصر العلم
يتم توزيع اكلات خفيفه طوال الرحله
صورت بس هذا عشان السبب اللي ذكرته سابقا اني ما مفكره انزل موضوع ********> خلصينا بس :36_13_4:
عجبتني سابقا بحاول اكررها :36_11_6:
بعد ذلك يتم التوقف بمنطقة القرم مقابل فندق الانتركونتيننتال لمشاهدة الغروب ويمكنك الصعود لسطح العباره (مكان نزول الهليوكوبتر) ومشاهدة القبطان وكابين العباره
انا عن نفسي ما قدرت اطول فوق حسيت بدوار ونزلت :36_1_31:
هالصور لما تحركنا عشان نرجع للميناء
بوقت الغروب كان زحمه وكله اطفال واقفين ما قدرت اصور زين :5:
طلع راس هالطفل
بعد كذا ما سمحوا لاي احد يكون بالخارج وطلبوا مننا نجلس بمقاعدنا
لان العباره بدأت تزيد سرعتها
وهنا لما خلاص وصلنا الميناء
الرحله كانت ممتعه كثير استانسنا فيها وان شاء الله ناويين نروح مره ثانيه بس هالمره لمحافظة مسندم
وان شاء الله اذا رحنا بحطلكم تقرير مفصل عنها
اتمنى انكم استمتعتوا بموضوعي
واي استفسار انا حاضره
ملاحظه: اخوي منزل الموضوع بمنتدى ثاني وتقريبا صورنا نفس الشي لاننا مصورين مع بعض يعني الموضوع ما منقول
تحياتي:
الم الماضي