وعليكم السلام ورحمة الله وبركاته
لاتحتاج لرخصه دوليه
بل تكفيك الرخصه العاديه(خصوصي )

مشكور أخوي ما قصرت

تصدق لي سنين اسافر للأردن ولا بحياتي حتى رخصتي السعودية طلبوني اياها واحياناً أكون ناسيها ما اخذتها وعادي الامور ماشية تمام
اهم شي بالطريق بين المنفذ وعمان لا تتجاوز 100 السرعه أو المحدد باللوحات لأن الطريق مليان رادارات
بالتوفيق

مشكور أخوي أحمد
على فكرة أنا رايح بالطيارة من الرياض إلى عمان لكن باستأجر هناك عندكم فكرة عن أسعار أجار السيارات إذا أخذتها من المطار كم أسعارها تقريبا؟؟ وبرضوه أنا أبغى سكن غرفة وحمام بس، تعرفون سكن نظيف ورخيص؟؟

الله يسهلك أمورك وتآصل بالسلامه .. فيه فندق تمره للشقق الفندقيه ممتاز مره ومن أحلى مايكون .. سعر الفندق 30 دينار 158.32ريال بالأيام العاديه بأيام المواسم 60 دينار 316.64 ريال .. الفندق ممتاز جداً ومريح ونظيف وموقعه حلو بالجبيهة بعمان .. هذا موقعهم أدخله وخذ رقمهم ودق عليهم قبل تروح بيوم وأحجز بأسمك والدفع لاجيتهم .. tamrahotel.com
أما أيجار السيارات والله مادري ماعمري رحت لها إلا بسيارتي .. ولاتنسى تاخذ معك قهوة عشآن الفندق
إذا تحتآج شي هنآك من ناحية علاج أو أي شي خبرني .. وأن شآء الله خبرتي هناك جيده واللي أعرفه بفيدك فيه ..
بأمآن الله ..

السلام عليكماخوي من تصل المطار وتنزل الصالة راح تشوف 5 مكاتب تأجير سيارات سياحية والاسعار تبدأ من 20 دينار او 30 دولار باليوم والسيارات حديثة وجديدة
اي استفسار انا جاهز

مشكور أخوي نادر سلامه لكن عندي سؤال الجبيهة هاذي وين تقع شمال عمان ولا جنوبها ولا في الوسط ؟
أنا اسمع عن جبل عمان ومعجبني الاسم وين مكانه وهل هو خارج عمان ولا وين؟ وهل هو جبل مرتفع ولا حي اسمه جبل عمان؟ أتوقع اسعار الفنادق في جبل عمان أرخص من غيرها ما أدري عندي هالشعور مع إني ما زرت عمان ولا مرة بحياتي أول مرة لي،،،ههه
إن شاء الله بتواصل مع فندق تمره وكذلك إن شاء الله الإخوة يفيدوني بكذا فندق عشان يكون عندي أكثر من خيار...
أخوي seen209 شكرا على تفاعلك، وعندي أسئلة متفرقة تدور في ذهني:
1) كيف أسعار البنزين في الأردن يعني سيارة اكسنت ولا صني اعبيها فل بكم؟ ما أبي أحد يقول لي اللتر بكذا لأني ما أعرف كم تآخذ السيارة من لتر؟
2) هل شركة تأجير السيارات يآخذون مبلغ تأمين على السيارة؟
3) 25 فلس أردني يساوي كم ريال سعودي؟ أنا أعرف إن الدينار الأردني يساوي 5.30 ريال سعودي لكن الفلس كم يساوي؟
مشكورين يا حبايب قلبي

1. وأي سؤال عن الاردن بشكل عام مستعد .. بالتوفيق

الجبيهه تقع في الشمال الغربي لعمان ومنطقة تجارية وحلوة وبالنسبة لجبل عمان منطقة تجارية وفيها أماكن سكن لكن بالجبيهه أحلا .. وبالنسبة لشقق تمرة حلوة وكنت اسكن فيها لكن خربوها من بعد ماصارات الناس تمدح فيهم كنت اخذ الشقة عندهم ب 40 دينار والصيفية ذي يقول لي 90 دينار
وذي صفحتهم بالبوكنق : https://www.booking.com/hotel/jo/tamara.en.html?aid=1300939
المهم إذا حصلت سعرهم بحدود ال 90 دينار اسكن في فندق افضل لك وعلى فكرة تمرة شقق فندقية مو فندق وانصحك تجحز عن طريق موقع بوكنك أرخص لك من السعر المباشر بالنسبة للفنادق
وبالنسبة لإيجار السيارة والله ما ادري لكن شركة هيرتز موجودة بمطار الملكة عليا وتعطيك إنطباع عن الاسعار التقربية اصغر شي عندهم شيفرولية افيو تقريباً ب 52 دينار
http://www.hertz.com/rentacar/reservation/vehicles
وبالنسبة للبانزين نار بالاردن وخصوصاً الممتاز 95وبالنسبة لفل السيارة الصغيرة تقريباً بين 30 إلى 50 دينار
وانصحك تبيت ليلة في منطقة سوف هي منطقة بين جرش وعجلون ومطلة على غابات دبين على تلة مرتفعه والهواء فية يرد الروح والمناظر وانت بالبلكونة ماودك تشيل عينك منها والفندق رخيص وتبعد عن عمان اقل من 30 كيلو
ذي صفحتة بالبوكنك : https://www.booking.com/hotel/jo/olive-branch.ar.html?aid=1300939
وبنفس اليوم اللي تكون ساكن فية تزور قلعه عجلون والمدرج الروماني بجرش وأثار جرش وتستمع بالغابات اللي بين المنطقتين
وبالليل تستأجر منقل شوي وتشتري اسياخ جاهزة للشوي سواء من فندق الزيتونة او في تحت ناس تبيع مثل كذا وتشوي بنفسك أو تروح أحد المطاعم السياحية بجرش اللي أكلهم ومشاويهم ماتشبع منة
أخر شي بجاوبك على سوال الفلس
تقريباً 100 فلس = ريال والقرش = 100 فلس
الدينار = 1000 فلس أو 100 قرش
س سؤال أنت كم جالس يوم في عمان وهل هي سفرة علاجية أو سياحية .؟
وإذا سفرة سياحية رتبت لك جدول وأطلعت على الاماكن اللي تستحق الزيارة أو رايح كذا على بركة الله

وأي سؤال عن الاردن بشكل عام مستعد .. بالتوفيق

ملاحظة : انا كنت اقول مايحتاج رخصة على اساس انك بسيارتك لكن إذا بتستاجر أكيد لازم تكون معك رخصتك السعودية واتوقع مايطلبون مني الرخصة لأن كثير ادخل واطلع من منافذ الاردن وتسجلت عندهم من اول مرة وخلاص بعد كذا ماطلبوها مني مع ان اول مرة كانت تقريباً عام 2000 أو 2001

أخوي أحمد شكرا على تفاعلك
أنا زيارتي للأردن سياحية وليست علاجية وراح تكون في وسط شهر أكتوبر إن شاء الله وراح أجلس سبعة أيام أو ثمانية أيام وأنا الآن أفكر أحجز السكن بدري عشان يكون أرخص ولسه ما رتبت لي جدول لكن أنا يوميا أقرأ تقارير الإخوة اللي راحوا للأردن وكل يوما أستفيد شيء جديد، وأنا مو من أصحاب الجداول لكن أنا أحط براسي كم مكان عجبني وودي أزوره وأروح لمه متى ما طنت
يعني مو ألزم نفسي بجدول أخلي الأمور تلقائية...
أخوي أحمد بالنسبة لتفصيلك السابق للعملة وكم تساوي عندي سؤال إذا القرش يساوي ريال كيف يكون الدينار مائة قرش مع إن الدينار خمسة ريالات وثلث؟