عزيزي غير الحجوزات وخل الغرف تربل روم بدل الثنائية لأن extra bed دائماً للأطفال خصوصاً في الفنادق الخمس نجوم ، ويمكن يعطوك سرير اضافي بس في بينانغ أو لنكاوي واسعار السرير الإضافي من 60 إلى 90 ريجنت
تحياتي

كنسل الحجز واتا أشتريه منك منك ولا آخذه بدالك خ واحد إستغلالي لا تكنسل الفنادق ولا شي ياخوي يابو إبراهيم إذا وصلت قلهم please we need one more bed because we were two but know we are three وماراح يكلفك الفرق واجد لاحظت الفرق هذا من تسعيرة الفنادق والفرق بين السريرين والثلاثه كل الفرق بس 70 رينجت

حياك الله..
أنا أضيف على رأي إخواني:
مثلك عارف الأيام هذي الزحمة شديدة وأنا أشور عليكم
لا تلغون الحجز.. إطلبوا من المكتب إنه يستفسر هل فيه إمكانية
لتربل رووم (ثلاثة أسرة) إذا وجد فبها ونعمه..
وإذا ما وجد!!!!!
فخلوا خويكم هذا يتوسد الفوط ويتلحف بالروب :d
حجزكم مثل ما هو وتقدرون تطلبون سرير زيادة
وإلا قولوا له ترى النوم على الأرض صحي ومفيد..
وبالتوفيق يا أحباب

انتبه انتبه انتبه
لا تكنسل بعدين بتتكنسلون كلكم

السلام عليكم ،،،
إلغاء الحجز ليست فكره جيده خاصة في مثل هذه الأوقات ،،
طلب سرير إضافي معروف أنه لا يكلف مبلغ كبير يعني من الخمسين إلى الثمانين رنجت تقريباً وهذا وجدته من خلال بحثي في المواقع الخاصة بالفنادق في ماليزيا أغلبها لا تزيد عن 80 رنجت للسرير الإضافي ،،،،
نسأل الله أن ييسر أمركم ،،،

فيه نقطه غايبة على الجميع :
ترى عادة يكون فيه كنب في الغرفة ممكن تستغلونه ( مداعبة بس )
ليش ما تحجز من جديد وإذا حجزت الحجز الجديد كنسل الفاوتشر وخذ الفاوتشر الجديد ويصير عندك كل شي جديد في جديد مثل ثوب العيد

اقول ليش ما تدورون واحد بعد يكمل معاكم رابع علشان البالوت ايه ما حد فاضي امزح معاك اخوي
قول للهاوس كيبنغ تو بلانكت آند تو بي لو وخلاص انحلت المشكله وكل يوم ينام عليهم واحد وتصير كذا وناسه ماله داعي التبذير ....... تبذير ايش يا شيخ كلهم خمسين ولا سبعين ما تسوى اقول خلوكم من برا الله الله ومن داخل يعلم الله ساكنين فندق خمس نجوم واحد منكم ينام على الارض ما حد داري امزح معاك اخوي شف اهم شي الوناسه واللي يريحك بالسفر واللي ما يخلي عليك قاصر دراهم هذا اهم شئ وانك لا تنسى انك تجذب الناس بحسن تعاملك معاهم اهم شئ حسن التعامل يا حبني لطلعات الشباب فله راحت علينا ما بقى من العمر كثر اللي راح (يعنني شايب) الحين ندور وناسه الاطفال حباب الله
اخوكم تركي

على حد علمي المتواضع انه المكتب يطلب تأمين مبلغ يتراوح من 500 - 1000 ريال وفي حاله تأكيد والحجز وقمت انت كنسلت يروح عليك المبلغ
يعني لو يكنسل الحجز اكيد اقل شي بيحسمون شي من المبلغ هذا اذا خذاهم بالصوت (تراء مجرب هالموقف) وعذرهم انهم ممكن تروح عليهم زبائن اثناء تاكيد حجزك
والله اعلم

عزيزي الوطواط..
ألف شكر وتقدير على استجابتك السريعة ..
أخي khalid123..
ام .. تدري.. أنا موافق..
بس تفرق لي في السعر فرق يخليني أغير وجهتي لسويسرا بنفس عدد الأيام ;)
ألف شكر أخوي..
أخي الجمال..
المشكلة أحس انها بتصير حوسه لو ألغينا الحجوزات ورجعنا نرتبها..
لأنها مو فندق واحد ولا اثنين.. 6 فنادق في خمسة مدن..
يعني لو ضبط معنا واحد.. ما يضبط الثاني..
فأنا "مؤيد لرأيك بشدة ".. ;) بخصوص توسد خويي للفوط..
عقابا له وردعا لأمثاله.. عشان يقرر من البداية ويترك عنه التردد مرة ثانية!!
ألف شكر أخوي..
أخي اسير المرام
كلش إلا هذه .. والله يستر..
ألف شكر أخوي..
أخي مسافر2006
صدقت يا الغالي.. خصوصا إذا كانت أكثر من فندق.. يبي لها شغلة..
شكلي تعبتك معاي بحكاية البحث هذه .. ما قصرت أخوي..
ألف شكر وتحية..
أخي مهندس أول
والله انك صادق..
وياما عطيناها نومة بعد الغداء على الكنب واحنا في الرياض..
يعني خبرة نوم على الكنب ;) ..
ألف شكر أخوي..
أخي ترtorkiكي
قلت: ( اهم شي الوناسه واللي يريحك بالسفر واللي ما يخلي عليك قاصر دراهم هذا اهم شئ )
وربي صدقت.. .. وبرضوه طبعا ( اهم شئ حسن التعامل ).. لأننا نمثل شعب من أرضه انتشر الإسلام..
على طاري البلوت.. أنا كرهته من كثر ما يخرب الجلسة ويحرقها..
نجتمع كل نهاية اسبوع.. وتروح الجمعة بلوت ..
ألف شكر جدي ;) ..
أخوي abade100
بعد .. يعني مو بس حوسة.. أقول.. يمدحون الكنب ;) ..
ألف شكر أخوي..