هلا فيج اختي الكريمه
وتشرفنا بنضمامج معنا بالمنتدى
اولا قبل الجواب ..
كم شخص انتم ؟؟ مع الاعمار
متى السفر ؟؟ ومن اي بلد انتي وهل في طيران معين للاستخدام ؟؟
الجواب المبدئي
ما ذكرتي من مدن صعب جمعهم كلهم نظرا للمسافات والمجهود الكبير
لكن ممكن عمل كالاتي
ميونخ زيلامسي انسبروك انترلاكن جنيف وممكن نضيف باريس بالاخير . لو حابين تنقل وايد وما عندكم مشكله بالتنقلات الطويله نوعا ما
بنتظاركم وابشرو خير
تحياتي

مشكور أخوي على مبادرتك
انا من السعوديه وعددنا اربع انا وزوجي وولدي 8سنوات وبنت 5 سنوات
بتكون بأذن الله تاريخ 23/6 ولغايه 14/7
حجزنا على طيران الامارات الى فيينا والعوده من ميونخ
شرايك عطني مرئياتك
انا ودي اشوف كل شي بهالسفره
وشو احسن شركات تاجير سيارات تكون أسعارها رخيصه
ميزانيتنا بحدود 50 الف ريال شامله كل شيئ غير الفيزا لي ولزوجي
انتظر تعليماتك ومشورتك
ويعطيك الف عافيه

مشرفنا الغالي
اقدر اغير حجوزاتي اذا في ترتيب أفضل
تحياتي لك

اختي الكريمه ام فواز حياك الله
انا الصراحه سويت نفس خط رحلتك بالضبط وكان مدة رحلتي 20 يوم
اولا اقترح عليك تغيري الحجوزات للطيران
وراح اشرح لك تفصيل خط السير للرحله حسب تواجد المناطق
اول شي يكون وصولك الى فينا المحطه الاولى
1_ الوصول الى فينا
2_ الانتقال من فينا الى سالزبورغ
3_ الانتقال من سالزبورغ الى زيلامسي
4_ الانتقال من زيلامسي الى ميونخ
5_ الانتقال من ميونخ الى انترلاكن
6_ الانتقال من انترلاكن الى جنيف
7_ الانتقال من جنيف الى باريس
8_ الانتقال من باريس الى ارض الوطن
انا مريت بنفس الطريق هذا
وحجزي كان على طيران الامارات
الذهاب = الرياض _ دبي _ فينا
العودة = باريس _ دبي _ الرياض
يعني الذهاب اول محطه اوربيه تكون فينا والعوده عن طريق باريس
وفيه خطوط كثيره تحصلين عندهم المسار من ضمنها الخطوط المصريه
النقطه الثانيه وهي التنقل بين المدن
اول شي المسافه بالقطار تقريباً ثلاث ساعات من فينا الى سالزبورغ
ومن سالزبورغ الى زيلامسي ساعه ونص تقريباً بالقطار
ومن زيلامسي الى ميونخ تقريباً ساعه ونص الى ساعتين
بس من ميونخ الى انترلاكن انصحكم بالسياره لان الطريق طويل شوي تقريباً سبع ميه كيلو
طبعاُ بالطريق تمروا على زيورخ ولوزيرن والطريق ممتع ويمر الوقت بسرعه
وبعدها من انترلاكن الى جنيف تقريباً ساعه بالقطار او ساعه ونص
ومن جنيف الى باريس ثلاث ساعات بالقطار
صدقيني تستاهل الرحله وقمة المتعه ولا تخافين من المسافات
انا تجربتي الشخصيه بوسائل التنقلات كانت
من فينا الى سالزبورغ قطار
من سالزبورغ الى زيلامسي قطار
من زيلامسي الى ميونخ سياره
من ميونخ الى انترلاكن سياره
من انترلاكن الى جنيف قطار
من جنيف الى باريس قطار
واقترح عليك بتوزيع الايام كالتالي
فينا 3 ليالي
سالزبورغ 2 ليلتين
زيلامسي 4 ليالي
ميونخ 2 ليلتين
انترلاكن 4 ليالي
جنيف 3 ليالي
باريس 3 ليالي
ويبقى عندك يوم اضيفيه حسب رغبتك الشخصيه
اتمنى اني اكون افدتك
واتمنى لكم رحله سعيده وموفقه

المخطط 25 ليله يعني 26 يوم هذا افضل مخطط واقل شي ممكن
ليلتين فيينا - 3ليالي سالزبورغ -5 ليالي زيلامسي - 3 ليالي ميونخ - ليلتين رست -4 ليالي انترلاكن

• ليلتين جنيف - تسليم السياره وركوب القطار فقط (فرايبورغ ) - 4 ليالي باريس

فيينا - سالزبورغ قطار
سالزبورغ - زيلامسي سياره
زيلامسي - ميونخ سياره
ميونخ - رست سياره
رست - انترلاكن سياره
انترلاكن - جنيف سياره
جنيف - فرايبورغ سياره
فرايبورغ- باريس قطار
يعني الذهاب الى فيينا والعوده من باريس
خليت استلام السياره وتسليمها من المانيا عشان ارخص طبعا اول ما تصول سالزبورغ تستلم السياره من القريه القريبه منها وتسلمها في فرايبورغ الالمانيه

هلا فيج اختي الكريمه
الرحله 22 يوم .. اذا على نفس حجز التذاكر هكذا
فينا 4 ايام سالزبورخ 4 ايام زيلامسي او كابرون 6 ايام انسبروك وما حولها 3 ايام ثم ميونخ 5 ايام
اما لو غيرنا التذاكر وتكون الذهاب ميونخ والعوده جنيف رايي كالاتي
ميونخ 4 ايام كابرون 5 ايام انسبروك يومين انترلاكن 5 ايام ثم روشت ومدينة الملاهي هناك حتى نستغني عن باريس 4 ايام ثم جنيف للتسوق يومين
ماله داعي تتدخلين باريس من رأيي لبعد المسافه وكثرة التنقلات والمصرف .. كافي راح اتشوفين ما هو اجمل بالمخطط الثاني وجمعنا كل شيئ
ننتفق على المخطط ونكمل الباقي اختي الكريمه
تحياتي

أحترم رأيك
مره حبيته ونفس خطتي واقدر أشوف كذا اغلب المناطق
بس تنصحني باستخدام القطار والسيارة مع بعض
يعني لو أخذت سياره طول الرحله مو أفضل وأريح لاني طوال الفترة اللي راحت أدور فنادق تكون المواقف مجانية عشان السيارة
والميزانية اللي حطيتها تعتقد كفاية
يعني راح أغير حجزي واخليه لفيينا والرجعه من باريس لان ودي أروح ديزني لاند بباريس عشان العيال
ادري تعبتك معاي العذر و السموحه
وبانتظار مرئياتك يا مشرفنا

عزيزتي بنت حواء
مااحتاج السيارة في فيينا وباريس في تنقلاتي
يعني لو استلم السيارة من سالزبورغ احسن واسلمها من اقرب قريه المانيه لجنيف
وكم بتكون التكلفة للسياره لو في نفس الدوله او اختلفت الدول
وهل احتاج كراسي اطفال لعيالي 8 و5 سنوات ؟؟؟
لان من قرائاتي لبعض التقارير نزلوا عائله بالطريق لعدم استخدام كرسي اطفال
مع اني احس مالاداعي عيالي كبار

مخططي سويت لك هالشي خليتك تستلمين السياره من القريه اللي جنب سالزبورغ وتسلمينها في فرايبورغ اقرب قريه المانيه الى جنيف
ما اعرف بالضبط كم ولكن فيه ضريبه كبيره لوسلمتيها في دوله غير اللي استلمتيها منها وكمان لو استاجرتيها من غير المانيا السعر مرتفع جدا
ما اعرف بخصوص الاطفال لان ماعندنا اطفال بس لما تجين تحجزين اتوقع مكتوب كم عمر الطفل اللي يحتاج كرسي بس توقعي انهم كبار بس لازم تتاكدين لان الموضوع فيه غرامه وما يسوى عليكم تتشحططون