AbU FaHoOoDi
23-01-2022 - 05:53 pm
بسم الله الرحمن الرحيم
السلام عليكم ورحمة الله تعالى وبركاته
اخواني في البدايه احب اشكر جميع من قام على تأسيس هذا المنتدى الرائع
واشكر جميع المشرفين والاعضاء القائمين على هذا المنتدى واسال الله يجعل كل ما يقدموه في موازين اعمالهم
في البدايه ان شاء الله بتزوج وناوي اقضي شهر العسل في النمسا وان شاء الله ايامنا وايامكم كلها عسل
طبعا بعد ما تصفحت المنتدى ومريت على تقارير الاخوان
قررت اضبط تقريري واعرضه هنا واتمنى انكم توجهوني
لاني اول مره اروح للنمسا ولا اعرف اي شي فيها
ومتخووف بنفس الوقت
ما ابي سفرة العمر تتلخبط
وابغى كل شي يكون مرتب
المهم
ببدا بطرح جدولي شوي شوي
اول شي الخطوط الجويه الا الحين ما شفت عروض والاسعار
وعلى حسب ما قرات افضل شي يا القطريه يا الاماراتيه
وراح تكون
جده - دبي او الدوحه - فينا - زل ام سي - سالزبورغ - ميونخ - دبي او الدوحه - الرياض
المدة: 20 يوم.. إن شاء الله
التاريخ 20 اكتوبر 2007
في البداية
السلام عليكم
ثم دعابة على الطاير
كيف عاشق بلا عشيقة .. وانت ماشاء الله متزوج او قريب تتزوج
ترى كذا المدام او مدام المستقبل .. تزعل
ربنا يوفقكم
ثم نجي للجد
يبي لك اولاً ... تحدد ميزانيتك للسفرة .. عشان يصير الكلام منطقي ومقارب لاختياراتك للفنادق ومدة بقاءك هناك .. يعني ماتقدر تقول 20 الف ، وناوي تسكن في فنادق 5 نجوم ولمدة 20 يوم ..
بإختصار حدد ميزانيتك .. وابشر بالخير
وعموماً .. وبغض النظر عن الميزانية
المدة ممتازة ... بس تقسيمها .. يبي له شغل شوي
فيينا .. خلها 4 ايام
سالزبورغ 5 أيام .. مع زيارة القرى المجاورة لها
زل ام سي 5 ايام
كابرون مثلاً 2 يومين
ميونخ 3 أيام
وترى حسب علمي .. انك اذا وصلت ميونخ بعد الجنات اللي كنت فيها مثل زل ام سي وكابرون وضواحي سالزبرغ .. راح تطفش وتحس ان اليوم 10 ايام .. وعلشان كذا اقترحت عليك تخفض المدة في ميونخ ..
وبيكون الجو مبرد .. والله يعينكم .. بس ماادري عن الثلوج اظن راح يكون بدري عليها في ذاك الوقت
الفنادق
ماريوت ... هذا الفندق .. يقولون انه يزخر باأبوعراب .. ربعنا الطيبين .. واغلبهم خليجيين .. ومستواه وموقعه .. حلوين جداً
هيلتون ماادري عنه .. وما اظنه يسوى ..
ميريديان .. حلو .. ومودرن .. والنت ببلاش .. والثلاجة تتعبأ يومياً ببلاش ... انا حجزت فيه .. ومااخترته الا لأنه مودرن .. وسبق شفت رأي لأحد الأخوان .. في مقارنة مع ماريوت .. وكان يمدح الاثنين .. بس فضّل الميريديان لأنه مودرن .. وقال ان الماريوت كلاسيكي كأنك في أحد فنادق الخليج ... جربهاما فنادق سالزبورغ
فساخير ... ماعليه كلام ... زين والزين غالي .. بس يبي لك تحجز فيه من بدري .. تراه يفلل من بدري .. لأنه أفضل فنادق سالزبورغ مستوى وموقعاً .. ولاتفوتك كعكتهم الشهيرة
اما فنادق زل ام سي
فسي فيلا .. حسب ماعرفت .. هو المبنى الجديد من سي هوتيل .. وكلن يمدحه .. توكل على الله بس
ماجبت طاري لفنادق ميونخ
بس راح اقترح عليك .. تستأجر أي فندق من الفنادق القريبة من محطة القطار او بالاحرى قبالها وهي ( ايدين 4 نجوم ، ميريديان 5 نجوم ، سوفتيل 5 نجوم )
وعلى فكرة سعر الميريديان ميونخ مع انه 5 نجوم ارخص من الايدين اللي هو مصنف اربع نجوم
بس ترى الاسعار .. لك عليها .. دور زين .. وراسل الفنادق او كلمهم .. وراح أكيد اخوي خالد .. يؤكد لك هذا الشئ .. تراه نصحني ولا اخذت بنصيحته .. والسعيد من يتعظ بغيره
وفي الختام
تقبل تحياتي
قانوني