أحلام مسافرة
11-01-2022 - 02:48 am
السلام عليكم ورحمة الله وبركاته
إذا تكرمتوا ماهو التوقيت المناسب للسفر لألمانيا من ناحيه الجو الربيعي يعني مو حر ولا برد
وإيش المدن الي تنصحون بزيارتها من ناحية الأماكن السياحيه والطبيعه علماً إن مدة الرحلة 10 فقط
وإيش أرخص الخطوط المعقوله
مع العلم إننا محتارين بين سويسرا والمانيا أيش ترشحون
وشكراً لكم :smile106:
بصراحة آنا الحين في المانيا وقبلها بإسبوع كنت بسويسرا ولا في أي مقارنة بين سويسرا والمانيا طبعا سويسرا ثم سويسرا ثم سويسرا وبصراحة آنا وعيالي متحسفين إن احنا هدينا سويسرا ورحنا المانيا ، ولا مكان سياحي في المانيا ما رحناله وانصدمنا من المكان والجو حار جدا بس اليوم قبل ساعتين برد الجو ونزل المطر وتبين نصيحتي روحي سويسرا واستمتعي بجوها ومناظرها الطبيعية وانصحج تروحين انترلاكن رائعة واحنا سكنا في منطقة wengen في فندق jungfrueblickكان فندق مريح والخدمة رائعة وفي واحد مصري اسمه أحمد وايد طيب ويساعدكم في كل شيء وهناك تقدرون تركبون التلفريك وتوصلون لقمة الجبل وفيه مطعم ومكان وايد حلو وعلى فكرة الفندق قريب جدا من محطة القطار والتلفريك والسوق والمطاعم يعني ما راح تحتاجون سيارة كله مشي ، وممكن تتسلقون الجبل وتوصلون حق الشلال وتستانسون بالتصوير هناك ، وأيضا تروحون حق مدينة مونترو طبيعة وجو حلو وبحيرة رائعة وهي أحلى من بحيرة جنيف ، أما جنيف وايد زحمة ووايد عرب هناك خصوصا عند البحيرة ووايد غالية .
والسلام ختام