ج1 : نعم لو اوراقك غير سليمة لم يقبلها منك
ج2: لا أعلم, بس أعتقد ممكن
ج3: الخدمة هذه متوفرة بس يمكن عشان الزحمة ألغوها مؤقتا
ج4: موعد السفارة يحتاجون تجيب معك الملف الي راح تستلمه من المكتب وبيكون مغلق وغير مسموح لك فتحه وورقة الايصال الموضح فيها عدد الجوازات و وقت الموعد

يعطيك العافية أخوي senior وما قصرت

ابو ريتاج9
أنا سلمت أوراقي للمكتب اللي على طريق الملك سعود التابع للسفارة الالمانية وقالوا لي يوم الاثنين تجي تستلم اوراقك ويوم السبت تروح للسفارة عشان موعد المقابلة ..
س1/ الحين بما انه قالي تجي يوم الاثنين وعطاني موعد مع السفارة معناته أن اوراقي سليمة وكاملة ؟
نعم أوراقك تعتبر سليمة ولكن لا يعني انه قبول التاشيره نهائي ربما يرفضون إعطاءك التاشيره لا سمح الله
س2/ هل أستطيع أني اوكل احد عني بالذهاب للسفارة يوم السبت ؟ واذا كان نعم ماهي الطريقة ؟
لا ولازم حضورك الشخصي للسفاره
س3/ انا سمعت انهم يوصلون بالبريد وتدفع 40 ريال هل اللي يوصلون السفارة او المكتب ؟ لاني سالت الموظف اللي بالمكتب وقال لا ما فيه توصيل ..
يوصلونها لك عبر ارامكس وتدفع رسوم التوصيل وهو خيار مفضل لمن هم خارج مدينة الرياض طبعا المكتب هو من يوصلها ولا اعرف ربما واجهتهم مشكلة مع خدمة التوصيل لذلك وقفوها
س4/ اذا جاء موعد السفارة يطلبون مني اوراق ثانية ؟
لا ما يطلبون منك اي شئ غير ورقة الموعد والظرف الذي يسلمك المكتب ولازم يكون مختوم وغير مفتوح وتقابل أخ سوداني يسألك بعض الاسئلة العادية وتدفع رسوم التاشيرة نقدا ولا يقبلون الدفع بالبطاقة
أتمنى لك التوفيق تم الاجابة بالمداد الأحمر على الاسئلة

الله يعطيك العافية أخوي deerpy ومشكور ما قصرت .
باقي سوال الله لا يهينكم الحين كاتبين الموعد بالورقة الساعة 9.30 .. عادي اجي قبل الموعد والا لازم اكون بنفس الوقت بالضبط ؟

ابو ريتاج9
باقي سوال الله لا يهينكم الحين كاتبين الموعد بالورقة الساعة 9.30 .. عادي اجي قبل الموعد والا لازم اكون بنفس الوقت بالضبط ؟
الله يعافيك يالغالي
يفضل الحضور قبل الموعد
وخذ في بالك ان موقع السفاره داخل حي السفارات صعب مو واضح وخاصة ان الحي كله دورات تخلي راسك يفتر
لذلك حاول ان تبكر بالروحه لهم واذا معاك سياره ادخل الحي خذ لك لفه واعرف موقع السفاره ويمكن ان تاخذ لك فطور بستار بكس هناك حتى يقرب موعد المقابله
تمنياتي لك بالتوفيق والله يسهل لك دربك ويجعل التوفيق حليفك
لك كل الود

شكرا الف شكر .. وأن شالله اروح لهم بدري ..
والله يوفقك وييسر أمرك وين ما كنت .