اسمحلي بالمداخله يا حبيبنا ابو هلا
انا كنت في رحلتي الاخيره استخدم بطاقة الاهلي مسبقة الدفع
ونصحني فيها حبيبنا ابو انس بالفعل تجي بعد عشره ايام والرقم السري بعد ما تفعلها
لما تستلمها تتصل عليهم ويفعلونها وحط المبلغ اللي تبيه انا كنت حاط فيها 5 الاف ريال فقط
اول ما طلعتها حجزت من اسيا ترفل فندقين وكان الدفع في الفندق وكان مافيها ولا ريال
وتم الحجز مباشرة وارسلولي الفاوتشر على طول ولما حجزت في موقع اقودا كان الدفع مقدم
ما قبل الحجز إلا بعد ان وضعت فيها الفلوس وحاسبت الفندقين اللي من اسيا ترفل لما وصلت
واحد حاسبته كاش واخر حاسبت نص من البطاقة ونص كاش والامور تمام التمام
وبقي فيها شويت فلوس والله بعض المطاعم خاصه العربيه اللي في شارع العرب كنت احاسب عن طريقها
وبكل يسر وسهوله حبيت اني انقل لك تجربتي والله يحفظك وربي ييسر امورك ويسعدك في الدنيا
وإن شاء الله تروح بالسلامه وترجع سالم غانم والله ما انساك من الدعاء الله يسهلك ويمتع يارب
تقبل تحيات محبك / ابو عبدالله

نعم مقبولة في موقع بوكنق وفي كل المواقع لأنها مثلها مثل أي بطاقة إئتماية أخرى
أنا أستخدمتها في موقع أسياترفل وموقع بوكنق وفي طيران إيرأسيا وفي غيرها من المواقع في الإنترنت
إذا الحجز يتطلب الدفع مسبقاً لازم يكون في البطاقة مبلغ يغطي العملية
وإذا الدفع متأخر عند الدخول للفندق مو لازم يكون فيها ولا ريال
الشيء الآخر عملية شحنها سهلة عن طريق الإنترنت تدخل على حسابك في الأهلي
وتحول لها أي مبلغ تحتاجه في لحظات
حقيقة هذي البطاقة أكبر نعمة وأنا كنت من زمان محتاج لبطاقة إئتمانية لكن كنت متردد بسبب حرمتها
حتى جاء الفرج من الله وجات هذي البطاقة وبطاقة الراجحي مسبقة الدفع فأخرجتنا من الحرج والحمدلله
بالنسبة للوقت مابين 10 أيام إلى أسبوعين تكون جاهزة والرسوم زي ماقالوا لك 100 ريال
بالمناسبة مو لازم يكون عندك حساب في الأهلي علشان يعطوك بطاقة
لكن في هذي الحالة علشان تشحنها لازم تجيب فلوس كاش للبنك وتودعها في حساب البطاقة كل مرة
وهي عملية شاقة لذا الأفضل افتح حساب عندهم إذا ماعندك حساب يصير تتعامل عن طريق الإنترنت
اتمنى أكون جاوبت على استفساراتك
تصبح على خير

انا قدمت على فيزا الراجحي مسبقه الدفع يوم فقط وجاتني وفعلتها في نفس اليوم وشحنتها بنفس اليوم

الغالي جدآ ( أبو عبدالله ) ... الحبيب دومآ ( أبو أنس )
أسأل الله العظيم أن يجزاكم عني خير الجزاء ... أيها الأصدقاء الأوفياء
والله ... أستفدت أيما أستفادة من ردودكم ... الله لايحرمنا وجودكم
بأذن الله تعالى ... بكرة رايح البنك ... وصدقوني ماراح أنساكم بالدعاء ...
وافي بزمن جافي

راعي الفزعات
هلا والله براعي الفزعات ... يامرحبابك يالغالي
وحبيت أعرف .. لماذا الراجحي يوم واحد فقط ...
وافي بزمن جافي

جات كذا قدمت اليوم بكره جاتني الاكر عادي وتراهم احسن لك من الاهلي

راعي الفزعات
تسلم يالغالي ... الله لايحرمنا منك
وافي بزمن جافي

السلام عليكم ورحمة الله وبركاته
أعتقد مو لازم تفتح حساب في الأهلي عشان تحول فلوس وتشحن البطاقة
بس تسجلها في برنامج سداد في نفس اللي البنك اللي حسابك فيه عن طريق النت او الهاتف المصرفي
وتحول فيها اي مبلغ تبيه مثلها مثل أي فاتورة جوال او تلفون او اي فاتوره
انا مجربها علي بنوك ثانيه واعتقد الأهلي نفس الشي