بسم الله
بالنسبة للسؤال الأول
لا يوجد ضرائب ،،،، فالضرائب موجودة الآن في التذاكر .
السؤال الثاني .
لازم فيزا ،،،،،،، وإذا في وقت تسوى ،،، وإلا خلك في هونغ كونغ .
السؤال الثالث .
تحتاج والله أعلم إلى فيزا ،،،، شوف السفارة الصينية .
والله المستعان

اختي الغنادير
انا سافرت علي خطوط الكاثي بسفك
في اشياء لازم تعرفيها عند السفر علي هذى الخطوط
اولآ : اذا كان عندك طفل لكم الأولوية بدخول الطائرة
ثانيا: تعبئة الأوراق الخاصة بجواز السفر والله يعينك علي تعبئتها
ثالثا : عند الوصول للمطار الضخم لابد من معرفة مكان الجوزات عند الخروج وهذا أمر مهم
رابعا : صرف النقود عند المطار 10 ريال = 17 دولار هونق كونقفيزا الخادمة لابد منها
وتروحوا بالسلامة

تروح وترجع بالسلامة
اتوقع ان الاخوة سبقوني و ما قصروا
بس عندي لك نصيحة , وهي عدم الاستعجال بالصرف و خاصتا في المطار ,اصرف في المدينة ,واسأل كم صراف و اختر الاحسن.

abu_elyazia
تسلم اخي الكريم ولا انسى فضلك الطيب في كثير من معلومات هذه الرحله ،،، جزاك الله خير
سديم الليل
تسلمين أختي على المعلومات القيمه بارك الله فيج
aua
بارك الله فيك أخي يكفي مرورك الطيب ومداخلتك القيمه
إن شاء الله بكره الصبح بكلم السفارة الصينية

مشكوره اختي .بس ممكن تقولين لي كم بتظل رحلتكم
على شان اعرف متى راح ترجعين واخذ منك معلومات عنها يعني من بعد اذنك......كم سعر التذاكر على الكاثي باسيفيك ؟وكم درجة الحراره عندهم الوقت هذا؟ لاني لو بفكر اروح انشا الله اكيد راح يكون على الاماراتيه او القطريه .بشوف الارخص!! على شان الاكل اللي يقدم في الطائره يكون حلال

هلا أنا وياكم
بتظل رحلتنا تقريبا 3 اسابيع منها 5 ايام في هونغ كونغ والباقي تنقل في شنغماي بوكت كرابي وهواهن والاخير بنستقر إن شاء الله اسبوع في بانكوك حق الشووبينغ
طلعت علينا الرحله لأن ماشاء الله قروب كبير 20 شخص
التذاكر والسكن وطيران داخلي فقط من بانكوك إلي شنغماي 600 دينار أو 6000 ريال
كأن التذكره مب متأكده 2700 أو 3200 ريال
بتأكد لج اليوم إن شاء الله

مشكوره حياتي على الرد .بس ليه تروحون بانكوك للشوبينج؟ يقولون ان هونج كونج فيها اسواق حلوه ورخيصه وفيها ماركات ....ولا على شان بانكوك ارخص ....ممكن تفيديني لاني انشا الله راح اروح وابغي اقضي للعيد

هلا انا وياكم
التذكره طلعت 2850 ريال
بانكوك رايحتها قبل واحب الشوبينغ فيها عندج السنترال اسعاره معقوله مب رخيص وايد بس احب أخذ حق عيالي حق العيد وبالذات تلقين نفس البدلات للبنات والأولاد مثل مركة بي بوش ،،، وميني مان ،،، ووايد غيرهم ماتلقيني إلا فقسم الأطفال
وحتى كرمج الله النعل والشنط روعه واشكالها غريبه
إن شاء الله بتسوق في هونغ كونغ بس لأن اول مره بروح لها فتحسيني متخوفه وإن شاء الله تروح هالرهبه مني اذا وصلت
ويالغاليه واذا قدرت ادخل النت من هناك بخبرج بالتفاصيل
الحمدلله الشغاله ماتحتاج فيزا نفسنا إذا الإقامه اقل من اسبوعين

سبقني الاعزاء في الرد
ولكن اضيف واقو ل نعم الصين تستاهل العنوه واكثر
كما احب التوضيح ان هونج كونج اصبحت جزء من الصين
وهذا يعني ان السفاره الصينيه هي المسؤوله عن اي شيء يخص هونج كونج
بالنسبه لدخول هونج كونج والتاشيره
بعض الجنسيات لا تتاج لفيزه مسبقه بل يمكنهم اخذ تاشيرة الدخول مجانا من المطار مباشره
وبعض الجنسيات تتطلب فيزه مسبقه يرجى التاكد من السفاره