البيضاني..
09-10-2022 - 04:41 am
السلام عليكم حيا الله الشباب..
أنا بصراحة عندي بعض الإستفسارات لي محيرتني نوعَا ما..
1- بالنسبة للكمبيوتر ( الابتوب ) الأفضل إني أشيله معي يعني يكون بيدي أو أني أحطه في شنطة الملابس.
2- الفلوس إذا جيت أبغى أروح هل أحولها إلى جنيه من هنا قبل ما أروح وإلا كيف.. وكم المفروض (أكبر مبلغ وأقل مبلغ ) يكون معي .
3-إذا معي مجموعة من( السيديات CD) وفيهن برامج منسوخة يعني سيديات ماهي أصلية .. هل هذا ممنوع .. وهل يفتشون السيديات الي معي..
4- بالنسبة لبطاقة الصراف وش سالفتها .. آخذ معي بطاقة البنك البريطاني ( ساب ) .. وإلا وش أسوي .
5- الملابس هل آخذ معي ملابس شتوية أو صيفية .
6- بالنسبة لبطاقة الأحوال السعودية آخذها معي أو لا.
7- إذا جيت هناك ( يقولون لازم ترسل للسفارة أنك وصلت وأترسلهم أشياء كثيرة مدري وشن ) كيف أسوي ذلك .. ووش أرسل لهم بالضبط.
7- هل الأكل الي يقدمونه العائلة فيه خنزير أو لحم حرام.
8- مدينة تشيلتينهام في أي دولة هل هي في إنجلترا أو ليدز أو اسكوتلندا .. وكيف وضع اللهجة عندهم وكيف أمن المدينة.
9- هل آخذ معي شراشف للنوم وغيرها أو عندهم كل شي.
10- الإنترنت هناك يكون موجود في أي مكان .. يعني العائلة ألقا عندهم إنترنت .. وهل هو بفلوس أو مجاني.
11- وش أفضل الأماكن سياحة في تشيلتينهام أو المدن القريبة منها (أفضل شي عندي الطبيعة والأمطار والبراد والخضرة ).
12- تنصحوني آخذ معي قهوة عربية وتمر وهيل .. وآخذ معي شاهي ومتطلباته .
14- وش أفضل العائلة الي معهم أطفال أو العائلة الي شيبان .
15- آخذ معي شنطة ودفاتر الدراسة من هنا وإلا أشتريها من هناك , أو يعطونيها المعهد.
16- متى آخر وقت في الليل يجب أن أكون موجود فيه بالبيت ولو أسهر داخل غرفتي على الكمبيوتر أو غيره .. هل هذه يزعج العائلة.
17- هل الأفضل أن أمزح مع العائلة والضحك معهم أو أكون جدي معهم.
18- الأستحمام اليومي هل هو يزعج العائلة.
19- الدخول على مواقع إسلامية وغيرها هل يسبب مشاكل هناك .. وهل يعرفون المواقع الي أدخل عليها.
20- هل آخذ معي شي غير الملابس والأغراض الخاصة من عطورات وكريمات .. وسجادة وقرآن ودفتر أذكار.. إذا يوجد ياليتكم لو توضخونها لي..
21- هل آخذ معي قاموس.
22- هل مصادقة البنات يسبب مشاكل هناك ( فقط للإستفسار والإحاطة ).
سبق لي وأن أطلعت على مواضيع ملبورن التي تخص(نصائح بريطانيا) & (ذاهب إلى بريطانيا ماذا تحتاج )
مشكورين جميعًا على إطلاعكم على موضوعنا وأتوقع هذه الأشياء مهمة لي ولبعض الأخوة الموجودين أتمنى إفادتي بكل وضوح .. مشكورين عامة..
الدراسة في بريطانيا
