مرحبا .... تروح وترجع بلسلامه انا حجاوبك عن الاسئله الي اقدرعليها ok
السؤال الأول بالنسبة للاب توب الكمبيوتر المحمول هل يتم التفتيش على الوندوز هل هو أصلي أم لا ؟؟
انا رحت مرتين محد فك اللابتب ولا قالو ايش فيه (هذا الكلام يسيلر بعض الاحيان في امريكا )الشي الثاني بالنسبة لبطاقة الصراف كيف أحصل عليها وهل سهل الحصول على حساب وإيش تنصحني فيه ؟؟؟؟

• -؟؟؟؟هذا نتركه للمشرف او الاشخاص الي يدرسو هناك؟؟؟؟؟أنا راح أدرس في بريطانيا بإذن الله وش تنصحني آخذ معي من ملابس وغيرها أعذروني على الأسئلة بس

ماأبي أروح أدربي راسي يعني قصدي بالملابس هل آخذ الزي الرسمي كرفته وجاكيت والا لبس أبو عشرة
ريال من البطحاء والا لبس عادي (غير رسمي) بس فخم وغالي ؟؟؟؟يااخي خذ معاك 3 بدل للحاجه اذا كان في الجامعه مناسبه او احد عزمك تكون:kashkhah:وخذ معاك لبس غير رسمي معقول حلو لنفسك تكون لابس حلو وجنتل وتكون مرتب وشكلك مقبول :36_15_24:ملابس ابو عشره خذها للبيت غيارات :36_9_2:لا تنسى الجكتات والملابس الثقله لانو برد:36_15_6: :36_11_8: :36_1_26: :36_1_31:هل يوجد محلات لبيع الأغراض العربية زي القهوة

يعطيك ألف عافية أخوي SSAAPP
بصراحة كنت شايل هم اللاب توب لأنهم يقولون عليها غرامة وسجن إذا كان الويندوز غير أصلي
وباقي كم سؤال إن شاء الله نشوف باقي الشباب هنا وأتمنى من الطلاب يجاوبون
ومشكور مرة ثانية أخوي SSAAPP
تحياتي وتقديري أخوك
خالد عبدالرحمن

اخوي:
1- بالنسبة لبطاقة الصراف لابد من فتح حساب في بنك وتكون اقامتك اكثر من ستة شهور واذا جيت تفتح حساب في البنك جب معك تعريف من المعهد او الجامعة اللي تدرس بها
بالنسبة للبنوك انا فاتح في بنك Appey لكن هناك بنوك اخرى جيدة مثل الاتش بي اس وغيرخا
2- جب معاك الملابس اللي تحتاجها قدر الامكان لان هنا الملابس في معظم الشهر غالية (الافي وقت الكرسمس فيه تخفيضات) واللي اعرفه البس اللي تبي يعني ابعد عن الزي الرسمي
3- بالنسبة للانترنت انا ساكن مع عائلة النت دي سي ال اشتراكة تقريبا 25 باوند بالشهر مع رسوم الهاتف.
وطبعا الدي سي ال يعتمد على المنطقة اللي انت بتسكن فيها (بعض الاماكن الى الان ما وصلها خدمة الدي سي ال.
4- بالنسبة للغراض العربية هذا يعتمد على المدينة اللي راح تسكن فيها.
5- استخدام القطار سهل جدا وفيها خريطة توضح لك المحطات.
6- اللاب تب انا جايبه معي قبل شهرين ما احد كلمني
توصل بالسلامة
تحياتي

يعطيك ألف عافية أخوي fahad2003
ومشكور على الرد بس ولا عليك أمر باقي زي الجامعة وعندي إستفسار بالنسبة للحافلات كيف نظامها
ووش تنصحني فيه على العموم مشكور مرة ثانية أخوي fahad2003
تحايتي وتقديري لك
أخوك خالد عبدالرحمن

هلا وسهلا
اللي اعرفه ان زي الجامعة البس اللي تبي
نصيحة ما له داعي البدلات والحركات هذا
خلك سبورت جنزات وتي شرتات وانت جاي (طبعا في وقت الصيف) اما الشتاء كثر ملابس الشتاء
الملابس هنا غالية
بالنسبة لاستخدام الباصات سهلة توجد عدة شركات الاسعار متقاربة توجد كروت لالستخدام الاسبوعي او الشهري او الربع سنوي (طبعا كل ما طالبت المدة يكون هناك خصم في سعر التذكرة)
في البداية انصحك اشتر الكرت الاسبوع وبعدين تحدد مدى حاجتك لاستخدام الباص
انا على سبيل المثال استعجلت وشريت كرت مدته ثلاثة شهور بس حاليا ما استخدم الباص الا يوم او يومين في الاسبوع لقرب مكان الداسة من سكني ، يوجد خريطة في الباصات تحدد مساراتها ويوجد ارقام للباصات لكل شركة لون خاص بها طبعا لا بد انك تعرف رقم الباص اللي يوديك للشارع الرئيسي اللي راح تسكن حوله وبعض الشوارع الرئيسية تمر منها مجموعة من الباصات يعني انت وحظك والمكان اللي راح تسكن فيه
بعض الشباب اعرفهم ما فيه الا رقم محدد من الباصات اللي يوديهم للشارع الرئيسي اللي ساكنين حوله.
توصل بالسلامة
تحياتي

شي ثاني لا تنسى تجيب معك سيديات اللاب تب يعني لو تحتاج تفرمت الجهاز في المستقبل ولا تنسى بعد بطاقة الضمان للجهلز اذا كانت سارية المفعول.
للمعلومية ترى فرمتت الكامبيوتر هنا غالية مرة يعني احسب حسابك ب300 ريال وما فوق
تحياتي

الله يعطيك ألف عافية أخوي fahad2003
وألف ألف شكر على تواصلك وردك وتفاعلك معي
وإذا أحتجت أي شي راح أكتبه هنا والله لا يهينك مرة ثانية أخوي fahad2003
تحاتي وتقديري أخوك
خالد عبدالرحمن

...


( )