1. اخي ابونواف


2. بالنسبه لمكتب الوساطه هذي سهله

وعليكم السلام ورحمة الله وبركاته

اخي ابونواف

اي تجارة يوجد فيها اخطار من ناحية الاستك ووجود الخبرة للكميات و الاصناف والالوان وماشابه ذالك
وبالنسبه لتصريف ليست بهاذه السهوله التي تتوقع لفهمي من كلامك انك لم تدخل مجال الجمله (ولا تقل حالي حتى تذوق) لان المنافسه شديده جدا في السعوديه والمنافسه تكون بالسعر فقط وليس غير السعر اي ان النافسه لو كانت في ضمان المنتج(القرنتي) او خدمة مابعد البيع لكان هناك مجال اوسع للمنافسه
بالنسبه لدبي واسعارهم كيد لايوجد فرق هائل بالسعر لان المصدر واحد هم وتجار السعوديه ولربما تجد بعض الانواع في السعوديه ارخص بعد فرق العمله وقيمة الشحن لسعودية
انا لااقصد احباطك ولاكن الامور ماهي بالسهوله الي انت متصور والي يقولك مافيها فايده هاذا ماعنده سالفه وفايده كبيره بعد

بالنسبه لمكتب الوساطه هذي سهله

الاسواق سهله لاكن كم كمياتك اذا كانت كبيره انصحك بالتعامل مع المصنع مباشره
بالنسبه للاسعار يعتمد على كمياتك والجوده المطلوبه يعني لو تبي ماوس طول سلكه 2.5 متر سعره ماهي زي ماوس طول سلكه 1.8 واذا كان غلافه شفاف ماهو زي اذا كان غلافه غير شفاف لاختلاف نوعية البلاستك وتفاوت سعر الطن
بالنسبه لوقت وصول البضاعه حط في بالك ماراح تلقى بضاعه جاهزه راح تطلب اوردر وتسلم عربون وراح تنتضر اكثر من 10 ايام لتسليم والوقت لتسليم يعتمد على عدة عوامل منها الكميه وهل المصنع عنده طلبيه ولا لا واذا كنت طالب تغليف خاص واشياء اخرى
ولاحض انك ماراح تاخذ نوع واحد فقط يعني لازم تطلب بضائع من عدة جهات مما يترتب عليك الانتضار والتشيك وتجميع بضاعتك في مستودع شركة الشحن وبعدين تطلب كنتينر من الشاحن على حسب حجم كميت البضاعه وبعدين تعبي الكنتينر ويمشي في امان الله ويستغرق الكنتينر من الصين الى ميناء الدمام او جده من 17 الى 20 يوم واذا كان لرياض الله يعينك تنتضر الكنتينر يشحن بالقطار الى الرياض من 3 الى 6 ايام
وبعدين انت تحسبك رايح لدبي تسئل عن الاقامه 5 ايام ههه اذا ناوي تشتري وتشيك بضاعتك بنفسك وانا انصح بهاذا ماعنك وعن 25 يوم
والله مااقصد الاحباط ولاكن هاذا الي حاصل وترا الامور هينه بس يبيله عرف لااكثر ولا اقل وحنا مستعدين لدعم والاجابه عن اي تسائل والله الهادي الى سواء السبيل
مع تحياتي ابوعلي

عليك بصلاة الاستخارة وحاول قراء مواضيع ابوضرار
ولك مني اجمل تحية

1. السلام عليكم

السلام عليكم

أخي أبو نواف ، اليوم بعد ما خلصت شغلي قلت بروح للسوق الخاص بالكمبيوتر بغوانغزو ، لأني أحب الكمبيوتر وملحقاته ولست تاجر به ، ولكن للأسف أتيته متأخر ولكن كانت بعض المحلات مفتوحة واشتريت بعض القطع برخص التراب ، مثل أخذت فلاش مومري سعة 8 جيجا ماركة سوني ( ودك تاكلة من حلات شكله ) بسعر 5 دنانير كويتية تقريبا يعني 60 ريال تقريبا ، مع العلم أني لم أكاسره بالحيل وهو مستغل إغلاق أكثر المحلات والي شريته عدد 2 فلاش مومري فقط ويمكن يطيح معك لأكثر من نصف هالقيمة إذا شريط بالجملة ، وأسعارهم لا تقارن لا بالكويت ولا بالسعودية ولا بالإمارات ، مع أن أكثر بضائعنا يأتون بها من الصين ورأيت كثير من التجار السعوديين والخليجيين والعرب والهنود كل جاي يدور رزقه بالصين .
وعلى فكرة قبل لا أجي للصين مريت سوق عندنا بالكويت واشتريت منه فلاش مومري وأخذته معي للصين ، سعته 4 جيجا ، وكنت أريد سعة أكبر ولكن قال هذا الموجود ولا يوجدج عندنا أكبر من هذه السعة ولا أدري يقصد عنده بالمحل أو بالكويت ، عموما اشتريته منه ب 36 دينار أكثر من 370 ريال ، ولما أتيت إلى هنا تحسفت ، ومن الحرة شريت 2 فلاش سعة الواحد 8 جيجا وشكله رهيب بقيمة 10 دنانير تقريبا ، لا بعد اهو مستانس وفرحان أنه باعني بهالقيمة ولكنت تاجر بهالشغلات كان أخذت الواحد بسر الجملة طبعا بأقل من نصف هذا السعر ، توكل على الله وتعال الصين وراح تشوف الي يسرك بإذن الله ، وخصوصا إذا كنت فهمان بالماركات وجودتهم ، والله يوفقنا وإياك لما فيه الخير في الدنيا والآخرة

السلام عليكم
اخي عبدالله 2232 شكرا على الرد - ولا يهونون بقية الاخوان
ياريت تعطينا تفاصيل اكثر عن كل مالديك من معلومات حول الاسواق والاسعار والبضائع الخاصة بالكمبيوتر
>>> حمستنا أكثر