عاشق الـبدر
18-10-2022 - 12:03 am
السلام عليكم ورحمة الله وبركاته
اولا اهنيكم على هذا المنتدى الاكثر من رائع..
حاب اسأل الناس الخبره لاني اول مره اروح ماليزيا
رحلتي باذن الله 3فبراير والاياب21
كيف بتكون ماليزيا بهلايام؟؟؟؟؟
ثانيا مصروفي انا والمدام 20 الف ريال
خارج التذاكر الدوليه
تكفي ؟؟
3كوالا
4سلانجور
4لنكاوي
4بينانج
4كوالا
،،،،،
محتارين بينانج او جنتننج نروح وشرايكم. ؟؟؟؟؟؟؟
محتاج ترتيب جدولي *فنادق اقتصاديه*لاني رايح افل الفندق بسس للنوم
فقط اللي ابغاه سرير نظيف وغرفه مؤمنه ننام فيها..
وايش المدن اللي ماتحتاج طيران اقصد نروحها بلباص او القطار؟
وايش الامكان اللي تنصحوني ما افوتها..
انتظر ردكم...........
حياك الله ياعاشق البدر
ماشاء الله عندك 17 ليله والجدول المناسب إن شاء الله
ليلتين سيلانقور -- ثلاث لنكاوي -- ثلاث بينانق -- ليلتين كاميرون او جينتنق -- ست كوالالمبور -- آخر ليله بورت ديكسون
فيه مجال للتعديلات لو حبيت مثلا تشيل من كوالالمبور ليله وتزوده علي لنكاوي او بينانق او اي تعديلات
بالنسبه للفنادق
سيلانقور -- البيراميد
لنكاوي -- البلانجي بيتش
بينانق -- البارك رويال او القولدن ساندس
جينتنق -- فيرست ورلد غرفه كلوب او الكاميرون -- فندق دي لا فيرنس
كوالالمبور -- 3 ليال أمبيانا قريب البرجين -- 3 ليال البارك رويال او الدرويست ريجنسي قريب شارع العرب
بورت ديكسون -- قراند ليكزس غرفه ببركة سباحه خاصه داخل الغرفه
وانت ماشاء الله الميزانيه عندك اوكيه 20 الف من دون التذاكر الدوليه فأعتقد لو تخلي الفنادق
في كوالالمبور قريب البرجين تريدرز غرفه مطله علي البرجين و قريب شارع العرب رويال شولان افضل
وتكفي الميزانيه بالراحه وفنادق ممتازه
ووقت سفرك فبراير حليو بيكون فيه اعياد الصينيين بس عادي مو بذيك الزحمه وفيه فعاليات حليوه
بالنسبه للتنقلات
من سيلانقور إلي لنكاوي ومن لنكاوي إلي بينانق ومن بينانق إلي كوالالمبور بالطيران عندك الماليزيه
وآير آسيا والفاير فلاي شوف الأنسب والأرخص كلهم ممتازين
وتقدر من لنكاوي إلي بينانق بالعباره الفييري عن طريق البحر بس الطيران احلي واريح والسعر قريب من سعر الفييري
ومن بينانق تقدر بالباص او التاكسي إلي كوالالمبور تقريبا 5 ساعات مشوار والسعر 60 رنقت باصات ايرولاين ممتازه
و إذا بتروح للكاميرون من بينانق لازم باص او تاكسي حدود 4 ساعات مافيه مطار بالكاميرون طريق مرتفعات
و اعتقد جينتنق تغني عنها واريح وجينتنق قريبه من كوالالمبور حوالي ساعه ونفس الجو واكثر حركه ووناسه من الكاميرون
وبورت ديكسون تروح لها من كوالالمبور حوالي ساعه ونص ومن بروت ديكسون للمطار حدود ساعه تقريبا
والأماكن شوف هالرابط في كل الأماكن
https://artravelers.com/p/re/640216