برنامج رائع
بس الخيول الذهبية في كولا لمبور وموتيارا في بينانغ كلهم فنادق حلوة وفخمة بس بعيدة عن البلد والاماكن السياحية وغالية بعد
في كولا لمبور عندك jw ماريوت وريجنت ومندرين وشن
واليك مواقع الفنادق في كولا لمبور
https://artravelers.com
في بينانق عندك راز سيانق وقولدن ساندس ارخص واحسن موقع
والله يوفقك

الله يعطيك العافيا أخي مسافسر للجفا على تجاوبك
طيب وفي لنكاوي ايش رأيك بالنفندق
وياليت يتم ذكر الاماكن الي ممكن ازورها في كوالا
ويعطيكم الف عافية

للرفع وابداء وجهة نظر الاعضاء الاعزاء

اخوي المتجول
بالنسبة للنكاوي فندق بلانجي بيتش ممتاز مرة انا جربتة منتجع على شكل اكواخ غرفها كبيرة جدا
وفخمة خمس نجوم حلو جدا لما تتجول بين الاكواخ والبحر قدامك الفندق مافيه كلام
بالاضافة الى شيراتون بردانا فخم وحلو بس ما جربتة
بالنسبة للاماكن السياحية كل فندق من فنادق ماليزيا يقدم خدمه للسياح تلقاه جنب الاستقبال
يعطيك كل الاماكن السياحية في المدينة اللي انت فيها عاد انت ورغبتك
لكن فيه اماكن لازم تروح لها في كولا
1 صن واي لاقون ملاهي والعاب مائية واسواق ومطاعم وكل شي فيها
2 جنتق منطقة مرتفعة باردة تقدر تروح لها بالتاكسي او التلفريك مره حلوه فيها ملاهي وصالة العاب مغلقه وصاله الجليد ومطاعم واسواق
3 برج كولا لمبور تاور وبرج تاون تاور
4 بالاضافة الى الحدائق ولاسواق
ورحلة موفقة

الله يعطيك العافية أخي العزيز / مسافر للجفا
طيب ما تشوف 4 أيام في بياننج كثيرة جسب ما سمعت يكون الجو هناك رطب وحار ( بداية شهر 6 ميلادي )
اذاكان كذالك فهل نضيف هذا اليوم للعاصمة أو لنكاوي او ما ذا تقترح ؟
ومشكور

1. انا جربتهم اثنينهم لكن انصحك بشانقرالاراساسيان


2. وبالنسبه للفندق الي في لنكاوي البلانقي هذا حلو و قريب حول العالم

بسم الله الرحمن الرحيم
اخوي المتجول
اول شيء بحاول اعطيك كم معلومه عن الفنادق الي انت قلت عنها
اول شيء فندق الخيول الذهبيه هذا اوتيل فخم وحلو لكن عيبه انه مشوار يعني بعيد و هو على خط المطار وما حوله الا مجمع نسيت اسمه والله لكن كان فيه مارينز او شيء من هذا القبل رايح عن بالي اللحين والله
وبالنسبه لفندق مورتيارا هذا فندق حلو لكنه بعيد و الاحلى منه فندق شانقريلا راساسيان
احلى منه من ناحيه الموقع واحلى منه بالتصاميم و الغرف

انا جربتهم اثنينهم لكن انصحك بشانقرالاراساسيان

وبالنسبه للفندق الي في لنكاوي البلانقي هذا حلو و قريب حول العالم

لكن اذا تبي فندق حلو حلو بمعني الكلمه وما يهمك فرق السعر و تبيه يكون بعيد عن العالم عندك فندق ذاداتاي و فندق ذا ان مان وكلهم قريبين من بعض ما بينهم شيء لكن ذا داتاي انا اشوفه انه افضل لانه يقدم خدمات اكثر وانا جربت بلانقي و ذا اند مان و زرت ذا داتاي
وعيبهم بعيدين شوي لكنهم روعه جنان و لهم شاطىء خاص فيهم
وبالنسبه لفندق الماريوت هذا موقعه حلو مرة عند شارع العرب على قولتهم
لكن اذا تبي الاحلى منه ونفس الموقع عندك فندق الوستن مع انه اغلى منه بشوي
و اذا تبي شيء ثاني حلو لكنه قريب من التوين تور عندك فندق الماندرين
وبالنسبه للاماكن حدد اي منطقه تبي بحاول اقولك بالي اعرفه
و اتمنى لك رحله سعيده
اخوك ksa

بالنسبة لي انا احب التسوق وكولا لمبور تناسبني اكثر بالاضافة الى ان كولا لمبور فيها كل شي اذا بغيت فيها اسواق حدائق ملاهي اماكن سياحية كل شي
واذا انت تحب الطبيعة اكثر بينانق ولنكاوي افضلك لكن مافيها اسواق ملاهي الاماكن الساحية اقل من كولا
وجهة نظر والخيار لك

أشكر كثيرا الاخوين مسافر للجفا و ksa على تفاعلهم وبارك الله في الجميع وعلى فكرة فندق شانقريلا راساسيان خاضع للصيانه بحسب مايقول المكتب . وعموما ما نستغني عنكم وبارك الله فيكم .

عزيزى المتجول 11
خل البدايه فندق الخيول الذهبيه فندق رايق ومكان جميل وخذ غرفه على البحيره..... وبجانبه مجمع الماينز وتقدر تروح
للمجمع عن طريق المركب ( حاجه روعه ) وجنب السوق فى حديقه اذا معك اطفال راح يستانسون فيها واذا ما معك ما
يمنع تاخذ لك لفه فيها ( حليوه )
ومن فندقك هذا تقدر تروح الى مدينه الالعاب صن واى لاقون ( يكفيها نص يوم من الصباح الى العصر )
وتقدر تروح الى جنتنق ( يكفيها نص يوم من الصباح الى العصر )
وانصحك خلها ثلاث ايام فى هالفندق لان اول يوم راح توصل تعبان وراح تنام وماراح تشوف حاجه
الفندق خمس نجوم بس الفرش لك عليه ( اذا هو نفس الصيف الماضى ) بس انا انصح فيه
وبالنسبه لبينانق خلها ثلاث ايام... ولو تروح الى فندق بارك رويال افضلك ( توهم مغيرين الفرش جديد ) وموقعه مسكت
ولنكاوى انا سكنت فى لانكاوى لاقون (مسكت ) والحين فتحوا جنبه مجمع وانا انصحك فيه وثلاث ايام كويسه
والاخير خمس ايام فى كوالالمبور طيبه منها يوم الى افاموزا ( من الصباح الى الليل )
والسكن ماريوت زين وموقعه على شارع العرب وجنبه الوستن مسكت والمندرين روعه بس مهوعلى شارع العرب
هو ملاصق للبرجين التؤم ومجمع سوريا
واى حاجه انا حاضر
وحياك