السلام عليكم ...
حياك الله اخوي ولهان 1973 ويامرحبا بك
نجي للفنادق اول شيء :
بينانغ ..بي فيو ...صراحة انا معجب بهذا الفندق
وتراه سعره فيه ...فخم لكن مش فخم اوي ...لوجود
اللي غطوا عليه ...مثل راساساينغ او موتيارا .
والله مابه شيء وحلو و5 دقائق مشي وانتم واصلين
قلب شارعنا المزعوم ببينانغ ...لكن ممكن بغيت
شيء افخم اجل راسا ساينغ =480 ريال .
وبي فيو 270 ريال .
الزين غالي لكن الازين اغلى
بيلانغي =pelangi=بلغة الملايو=قوس قزح .
يعتبر من افخم المنتجعات بلنكاوي وماعليه كلام .
طبعاً الافخم موجود وعندك بعض المنتجعات كأدمان
وتانجونغ راهو ارخص شيئ فيها ب700 ريال
وتوصل لقريب 2000وفوقها ...انت قدها وقدود
لكن اشوفها فوق الليلة تبذير مع احترامي لجميع الاراء .
لو ليلة لاجل تذوقها لابأس ...وليلة لو باقي ليلة
من عمري ابي هالليلة
صن واي لاقون جميلة اوي والمعروف لا يُعرف .
اكوتوريال هو افضل الموجود .
جنتنغ ريسورت ...م ...شبه ولد عمه ونفس
طخته اللي هو فندق جنتنغ ...طبعاً فندق جنتنغ
افخم ..لكن كل في نظري نفس الشيء لانه صراحة
بجنتنغ ما تجد فخامة لكن غرف تمشية حال ...لاتنفجع
وتحسبها ماتسوى ...لا يا اخوي وانما اقصد حيكون
اقل من مستوى الفنادق الاخرى اللي اخذتها بماليزيا .
ويستن ممتاز ...وقريب من شارعنا المزعوم بالعاصمة
وان شاء الله احط صورتها في موضوع اخونا الاتجاه
المعاكس الموجه لاخونا المشرف فهد ..5 دقائق ان شاء
الله تلقى صورة الفندق ...عاد تابعونا
صراحة السعر مغري ...فنادقك حلوة وخطوطك ممتازة .
لكن خوفي يقصمون ظهرك في التنقلات ...لانه منهم هذا
اسلوبهم لكن مش كلهم يخفضوا لك هذه ويعلونها في شيء
ثاني ...وصراحة شايف المدن مش ولابد وفيها لفة
مالها داعي .
الترتيب اللي اشوفه صح ...ومن اكون عشان اشوف
المهم ..
لنكاوي --بينانغ--كاميرون--جنتنغ--لاقوت--ويستن
لكن نحسن النية وان شاء الله فيهم الخير وكل الطرق ممكنة
والهدف واحد
موفق اخوي ورحلة سعيدة بأذن الله تعالى والسلام عليكم

أخي و استاذي الكريم الشعيبي ،
السلام عليك و رحمة اللة و بركاته ،
جزاك اللة الف خير و بصراحة انت كفيت و وفيت و مو عارف كيف اشكرك ، اللة يبارك فيك و يجازيك بكل خير على المجهود الطيب اللي بذلته معي .
وانا ما راح اطلع عن شورك و راح اغير من بي فيو الى راسا سانغ و ان شاء اللة بلنكاوي راح اسكن ليلة في ادمان صحيح ان من التبذير صرف مبلغ كبير على سكن بس مثل ما قلت هي ليلة .
بصراحة انت طمنتني لما قلت ان السعر مناسب للبكج وانا من بكرة رايح ادفع لهم و احجز البكج . وانت الخير و البركة و سيد المنتدى من دون منازع وراح اخذ بشورك و اغير الترتيب الى لنكاوي --بينانغ--كاميرون--جنتنغ--لاقوت--ويستن مثل ما اقترحت .
اما بخصوص التنقلات الداخلية فواللة انك صدقت انهم قصموا ظهري و حسبوا لي اياها 2675 !!! تخيل ؟؟؟!! عشان كذا انا قررت اني اخذ التنقلات الداخلية من ماليزيا مباشرة من غير المكتب ، واذا انت تعرف من يقدر يساعدني هناك بهذي المسألة فبكون شاكر لك و يا ريت تعطيني رقم تلفونه و يا ريت تكون اسعاره مناسبة ..
سؤال اخير و اتمنى اكون ما ثقلت عليك ، في كوالا هل الريجنت افضل ولا الويستن ؟؟؟
يا ريت تحددي لي الأفضل بينهم عشان اخلص من دوشة الحجوزات و اتفرغ للأستمتاع بالسفر .
جزاك اللة خير .

تروح و ترجع بالسلامة أخي الكريم برنامجك حلو و سعره حلو ..
و تعديلات الشعيبي زادت من حلاوته ..
موفق إن شاء الله ..

وعليكم السلام ورحمة الله وبركاته...
الله يسلمك اخوي ولهان1973 واياك والمسلمين .
دعواتك الصالحة يا اخوي تكفيني بارك الله فيك .
بخصوص المواصلات ..ان شاء الله قبل السفر عطني
خبر وادلك على واحد او انك تاخذ رقم اخونا صديق ابو غدي
لانه هو مسوي اعلان فحرام اظلمه وابيع على بيع اخي
وانا والله لانيتي تجارة ولاغيره ولاريال داخل جيبي
وبعدين تذاكر الطيران خذها من هنا افضل لك .
من كوالا للنكاوي تحتاج طيارة .
ومن لنكاوي لبينانغ طيارة ....خوفاً من عواقب الفيري .
وبعدها بر عاد بسيطة وبرفعة تلفون ينتهي الموضوع .
راسا ساينغ ممتاز
اندمان ..ممتاز جداً طبعاً مش كل الليالي ...وشوري
تخلوها الليلة الاخيرة بلنكاوي ...لانكم تحركون من لنكاوي
نفسها فتكونون مرتاحين وتصكوها نشاط بالمنتجع وتحللوها
والختام اهم شيء عسي الله يختم لنا في كل شيء بالمسك .
ودي اعرفك اخوي على الثلاثي المرعب
ويستن
ماريوت
ريجنت
عاد اولهم هو افخمهم طبعاً ويستن اخوي مع احترامي لريجنت .
صحيج فكرتني ...خذ غرفة بالتاور بويستن .
غرفة ديلوكس ب380 ريال
وان اخذتها بالتاور ب420 ...فرق 40 ريال ...فداء
شيء رايق وحلو وعلى مستوى ...وحنا جينا ننبسط .
الله يجعلها رحلة فرحة وسعادة وترجعون لنا بالسلامة
والسلام عليكم

الأخ الشعيبي ذكرت إن تذاكر الطيران الداخلي ناخذها من هناك أحسن. هل السعر هناك نفس سعر الديرة والله هناك أرخص؟ لان آنه كنت ناويه آخذها من هناك

السلام عليكم ...
بتشجيعك خالتي العربية نستمر
اختي ساره حياكِ ربي طبعاً من ماليزيا التذاكر ارخص
والخيارات تكون اكثر وقصدي الخطوط ...لانه عندهم اكثر
من شركة خطوط داخلية ...لكن قلت من هنا لاجل لا تتوهقين
هناك وتحجزين وتلقين فل ومافيها حجز ويصير كل برنامجك
اللي سويته ينخرب بتأخر يوم واحد او تقديم ...فيصير
من هنا افضل ...صح اغلى شوية لكن راحة البال تنشرى
ومنها توفير للايام اللي راح تروح لو صار لخبطة .
موفقين بأذن الله ورحلة سعيدة وترجعون بالسلامة
والسلام عليكم

أخي الكريم و العزيز الشعيبي ،
انا جد شاكر لك من كل قلبي على مشورتك الغالية لي واللى فادتني كثير ، بارك اللة فيك و عليك و جعل اللي تقدمه في ميزان حسناتك و رزقك بالزوجة الصالحة .
شورك و هداية اللة راح اسكن بالتاور بالويستن وانا متأكد اني ما راح اندم و انت مشهود لك بالخبرة و الذوق الراقي وما دام انك وصيت به فأكيد انه افضل من الريجنت . و راح اقطع للرحلات الداخلية من هنا .
اما المواصلات فأنا و بعد اذنك راح احتاجك فيها ، وراح اعطيك الخبر قبل ما اسافر .
اللة لا يهينك يا اخي الكريم عندي استفسار اخير ، انا رحلتي هي رحلة شهر عسل و انا اتمنى من اللة القدير اني اخليها رحلة ما تنسي بالنسبة للحرمة ، فهل عندك اي اقتراحات تزيد من حلاوة و جمال و فخامة الرحلة و رومنسيتها ؟؟؟؟؟
و اخيرا اذا كان ودك توصي بشي من بلاد الملايو فأنا و اللة حاضر و مشورتك لي و مساعدتك خلوني ما اطلع من جزاك ، اللة يكثر من امثالك .
وتراني بكون على اتصال معاك من هناك عن طريق المنتدى ( اللة يعينك علي ههه )
وفقك اللة و بارك فيك و جزاك كل خير .
اختي العربية ،
اللة يسلمك و يبارك فيك و جزاك اللة كل خير على دعواتك الطيبة .

وينك يا اخوي يا الشعيبي ؟؟؟؟؟؟

انا رايح في اخر أغسطس وابغى احجز فنادق ونصحوني الشباب ب مندرين اورينتد (كوالالمبور) موتيارا بيتش (بينانق) شيرتون بروانا (لانكاوي)