hasenhas
12-05-2022 - 05:47 pm
السلام عليكم جميعا
كل ما اقترب موعد السفر الى ماليزيا بدأت تظهر المشاكل والأستفسارات ( معليش غثيتكم )
سؤالي الأول عن كيفية الحجز للفنادق هل أحجز بالأنترنت وكيف ؟؟؟؟؟ أو عن طريق الاتصال المباشر بالفندق ؟؟؟ أو أخليها على الله وتتدبر هناك؟؟؟ وكذلك الحجز الداخلي للطياره من كوالا الى لنكاوي ؟؟؟
سؤالي الاخر عن طريقة السفر من بينانج الى كاميرون بالباص أواخذ تاكسي ؟؟؟ وكذلك الرجوع الى كوالا؟؟
أخيرا ... شكرا لكم مقدما .
حياك الله اخوي hasenhas وابشر ياغالي .
ونعمة بالله اخوي ...طيب ليه ماخلصت حجوزاتك من مكتب
عندنا ماكان اريح لك ...الظاهر انها ماهي اول مرة وعندك خبرة
في البلد ...اجل احجز اول الليالي تلفونياً وخل الباقي من هناك
عندك مكتب اخونا ابو غدي او اي مكتب يعجبك ...عاد باقي الايام
هناك الافضل ان تسويها في مكتب لاجل تضمن وبعض الاحيان السعر
اخف ومنها تحجز للرحلات الداخلية مع انه موظفة الفندق تقدر تسويها لك
في وقتها ...لكن خوفنا الان من الزحمة ...ولا تراها سهلة لكن المشكلة
في الزحام ....عاد لازم يكون عندك رقم الفندق اللي بغيت تحجز فيه ...
وخذها مني نصيحة مع انها حركة ماهي طيبة ...لكن معاك عائلة الله يستر
عليك ...احجز تلفونياً في فندقك المرغوب ...ودور ثاني واحجز فيه احتياطاً
ويكون ماعليه زحام لاجل لا تقفل على انسان اخر راغب بصدق في السكن
في ذاك الفندق ...وان حجزت تلفونياً لا تنسى تعطيهم اسمك كما في الجواز
وبعدها تاخذ رقم حجزك لاجل تحاجهم به ...
الباص من بينانغ لكاميرون مااحبذها لنفسي ...لانها متعبة وتتقيد بوقت
وتنزل بمحطة معينة بكاميرون ومنها تكمل لفندقك ...عن نفسي مااحب
الهجولة ولا اتمناها لك والرجوع من كاميرون لكوالا طبعاً بتاكسي .
موفق اخوي بأذن الله ورحلة سعيدة وترجعون لنا بالسلامة والسلام عليكم