ام زياد وايهم
26-12-2022 - 11:08 am
السلام عليكم ورحمة الله وبركاته
اشكر القائمين على هذ المنتدى
وكما قلت لكم تعتبر هذي أول سفره لي
بعد القراءة والاطلاع وانهى الحجز الدولي
رسمت الخطة التالية
يومين ,,,,,,,,,,, سيلانجور
يومين ,,,,,,,,,,,بينانغ
3 أيام ,,,,,,,,,,, لنكاوي
يومين ,,,,,,,,,,, الكاميرون
3 أيام ,,,,,,,,,,, كوالالمبور
علما أن تاريخ السفر 29/1 والعودة 11/1
ارجوا تصحيح الخطة علما أننا نميل إلى الاماكن الطبيعية أكثر من الحضارية
وتوضيح وسائل التنقل بين المناطق
ولكم جزيل الشكر
التوزيع اوكيه بس يبي لكم تقدمون لنكاوي قبل بينانق عشانكم بتروحون الكاميرون
اما لو مابتروحون الكاميرون كان عادي مافيه مشكله
يصير الجدول سيلانقور -- لنكاوي -- بينانق -- الكاميرون -- كوالالمبور
لأن الكاميرون مافيها مطار مافيه إلا عن طريق باص او سياره والأسهل الذهاب لها من بينانق
لأن مابين لنكاوي والكاميرون طريق مباشر إلا عن طريق بينانق او كوالالمبور
والصراحه الجدول متعب شوي لو تزودون يومين يوم لبينانق ويوم لكوالالمبور لكان جدولكم 100%
عموما المواصلات من سيلانقور إلي لنكاوي طيران فيه طيران آير آسيا والماليزيه والفاير فلاي
ومن لنكاوي إلي بينانق طيران فيه طيران آير آسيا والماليزيه والفاير فلاي او عباره فييري ولا انصح فيه
متعب وغير نظيف وياخذ وقت حدود ثلاث ساعات بينما الطيران 35 دقيقه والسعر متقارب
ومن بينانق الي الكاميرون ومن الكاميرون إلي كوالالمبور باص vip او سياره خاصه