1. اعضآء وزوآر منتدنا الغالي .. أسعد الله صبآحكم / مسآئكم .. بكل خير

بسم الله الرحمن الرحيم

اعضآء وزوآر منتدنا الغالي .. أسعد الله صبآحكم / مسآئكم .. بكل خير

في الحقيقه مادخلت وشآركت في منتداكم الا من سمعته الطيبه اللي وصلتني وبالذات انه يتخصص في مواضيع السفر من الذهاب الى الرجعه .. وبحكم وجود آهل الخبره وهاويين السفر اللي لهم خبرات سابقه ..
طبعا انا انسان بعد معاناه طويله من الدراسه ومقابل الكتب والمراجع قررت آسافر واغير جو واسوي رفرش للنفسيه مع العلم ان هذي السفره أول سفره بحياتي ولا عمري سافرت قبلها مكان بحكم الظروف .. فبعد ما اخذت جوله بسيطه في منتداكم الرائع واطلعت على جميع المناطق والدول المعروضه من الاخوان وقع اختياري على جزيره (بالي) صراحه هالمنطقه اعتقد في وجهة نظري المتواضعه تستحق الزياره ..
لذلك اريد من الاخوان الله يجزاهم خير اللي زارو هالمنطقه يعطوني فكره لو بسيطه ولو في برنامج محدد يكون افضل ..
طبعا انا مسافر ومعي واحد من اصحآبي اتفقنا على مبلغ وقدره (10000ريال سعودي ) هو 5000 وانا 5000 طبعا حساب التذاكر لوحده خارج عن المبلغ المتفق عليه كذلك صاحبي اول سفره له خارج البلاد ..
فارجو من الاخوان مساعدتي من جميع النواحي لاني بصراحه اخاف اروح هناك ولا اعرف اتصرف .. وطبعا اريد توضيح عدة نقاط مثل : على اي خطوط اسافر وهل تكفي 10000 ريال مصروف اكل وشرب وسكن ومواصلات لمده 10 ايام
هل ضروري تحدث اللغه الانقليزيه لاني بصراحه لا انا ولا صاحبي نعرف نتكلم
كيف طريقه حجز السكن مع العلم اني اود ان اسكن في شاليه او فيلا على البحر .. افضل المطاعم .. هل اصرف كل الفلوس دولار بعدين اصرفها روبيه اندونيسيه ولا من سعوديه للروبيه .. تكفون اللي يقدر يوضحلي النقاط من الالف الى الياء انا شاكر له وارجو اني ما بكلف على احد بس مالي غيركم فديت خشومكم