ابورغودي
03-01-2022 - 11:43 pm
أكتب لكم هذه القصة حتى أكون لكم عبره وتنتبهون لأغراضكم (وأنا لازلت الآلآلآن في ماليزيا )
سكنت فندق صن واي لاقون ( وليس المنتجع ) وقمت الصبح وذهبت للفطور وتركت بعض الأغراض مثل اللاب توب وكميرة الفيديو وحتى الجوازات وتركت جوالي يشحن لأني ساعة زمان وراجع وطلبت عدم تنظيف الغرفة وبعد ماأفطرت رحت اتسوق شوي ولما رجعت شفت الغرفة مرتبة والجوال مسروق ذهبت مباشرة وطلبت مشرف الأمن وجاء وجلست معه وقالي غير ممكن لأن العاملين لايسرقون ( من زين وجهه بعد ويصرح ) :112: وقال لازم نعاين الجثة قصدي موقع الجريمة وجاءوشاف المكان وصوره وصور الأغراض اللي ناوي الحرامي يسرقها في الأيام الجاية وقال لازم نبلغ النيابة ورحنا للشرطة وأخذو أقوالي ومن تتهم وكلام طويل وبعدين سمحوا لي أن أقابل حضرة المحقق ودخلت وسألني أسألة بايخة أحسنها (هل يوجدفي الغرفة كميرة مراقبة ) بالله هذا سؤال والله مايسأله سكيرتي عند سوق الهرم عندنا وبعدين قالي أبجي أسأل الموظفين وعليه شفتك ولاشفته عموما قالي مشرف الأمن الصباح رباح وفعلاً أصبحنا وأنتظرتهم لكن يبدوا أنهم ناوين يموتون الموضوع أنتظرت حتى جت فترة مشرف الأمن اللى معي وقابلته كنه مايعرفني وقلتله وش صار بالأنجليزي طبعاً قال لي عندنا إجتماع وبعد ساعة أكلمك وراحت ساعة وراى ساعة وأبو الشباب قصدي أبو الشيبان لأنه شايب منتهي المهم نزلت لهم وبديت أجمعهم عشان يجتمعون لإنهاء موضوعي واجتمعت أنا ومدير الفندق بالنيابة وأسمه فريز فكتور ومشرف الأمن وقالي وش تبغى قلت جوالي أو تعويض بقيمته وراحوا وشافوا وش نوع جوالي وعرفتهم عليه عن طريق موقع نوكيا وسألوا عن قيمته وأنا أقول عوضك الله خير يابو رغودي وآآآآآخر شي يقولي ظف وجهك بأسلوب طبعا ً ماعندنا لك شي قلت يمكن يمزح وإلا الكميرة الخفية قال أنتهى اللإجتماع وتوكل على الله .(هاذى القصة باختصار شديد لأني تعبان ومنقهر وبكره وراي سفر )
بلغ السفارة قدامهم اتصل وقدم شكواك.... يا اخي خض بطونهم