من كثر ما نسمع امريكا الاتينيه خطره فينا فضول نبا نسير

معقولة ما فيه أحد عنده خبر أو معلومة !!
وما زلنا بالانتظار

معروف ان المكسيك غير آمنة وفي بعض الاماكن خطر على السياح ..
وكانكون تنقسم لمنطقتين منطقة ال hotel zone ومدينة كانكون
منطقة الفنادق منطقة سياحية ومحاطة بالسكيورتي 24 سااعة والمنطقة نظيفة وراقية لكن كانكون بشكل عام فيها عشوائيات شوي خارج منطقة الفنادق لكن حلاوة كانكون في البحر ;) !!! هذا اللي اقدر افيدك فيه
تحياتي ,,,

مجنن هوليوود
ألف شكر أخوي مجنن هوليوود
أنا أفكر أسكن في فندق كريستال هذا موقع الفندق:
http://www.krystal-hotels.com
وأطلع اتمشى للأماكن السياحية في نفس المدينة

طبعا يفضل ان احد يخاويك ... لان الطيران والجلسه اقل شى 10 ايام صعبه وتطفش.... وكل منتجع احسن من الثانى....... بالتوفيق ...... اميقو...

اخوي قوي قلبك وروح المكسيك .. وما عليك من الكلام والخطر .. انت رايح سياحه مو رايح تخلص صفقات مشبوهه وعموما حسب ماقريت وشفت برامج بالتلفزيون الخطوره اكثر شي بالمناطق الشماليه صوب الحدود الامريكيه لكثره المهربين والناس اللي تخطف المسافرين بالبر لامريكا ويطالبوا اهاليهم بالفديه.
انا كنت بالمكسيك بشهر 11 / 2010 وزرت فيها 6 ولايات تقريبا .. الشعب جدا طيب وقريب للقلب. وان شاء الله في نيه لزياره ثانيه على آخر السنه
وبالنسبه لكنكون مثل ما قال الاخ (مجنون هوليوود) أمان وسيكيوريتي و 90% يتكلموا انجليزي وممكن تأجر سياره والقياده فيها جدا سهله
بالنسبه للفندق Krystal Hotels & Resorts موقعه ممتاز وقريب من Centro Comercial
اماكن ممكن تزورها جزيرة Isla Mujeres
Playa del carmen
Chechin Itza
Tulum
XCARET
XEL-HA
XPLOR
وممكن تاخذهم باكج كامل يطلع عليك اوفر مع المواصلات.
واذا ادارة المنتدى تسمح بوضع وصلات لموقع تأجير السيارات والرحلات او اذا حاب ادزها لك انا حاضر
وتسافر وترجع بالسلامه!

أخواني
بن كارترايت
&
Alaa007
ألف ألف شكر لتجاوبكم والله يوفقكم ويسعدكم دنيا وآخرة

alaa007
والله بثيت فيني روح الحماس حيث أنني مخطط أطلع من أولاندو إلى كانكون ومتردد
وأنا مفكر في أغسطس أزورها ولكن اللي شايل همه أخاف ماأحصل مكاتب تسوي قروبات لكانكون
وأيضا خايف من مستوى الأمان
ولكن بعد كلامك خلاص عزمت على الرحيل وشد الرحيل لكانكون
ولكن يتبقى هو مكتب يعمل لي باكج لكانكون
هل لديك معرفة بمكتب في أمريكا وخصوصا أولاندو يسوي باكج رحلات لها
وياليت أخوي كرماً لا أمراً تعطيني رابط لشركات تسوي قروبات لكانون
تقبل تحياتي وشكري لك مقدماً

alwafi.445
أخوي الوافي السلام عليكم وأشكرك على التعقيب واعتذر منك انه ماعندي فكره عن اورلاندوا لاني يوم رحت المكسيك طلعت من بيروت
بالنسبه لكنكون بالمطار مكان انتظار الشنط في مكاتب لتنظيم الرحلات وتأجير فنادق وسيارات أو لو حبيت ممكن تحجز الرحلات من الفندق. واذا كنت حاب تحجز او تاخذ فكره عن الاماكن اللي ذكترها هذا موقعهم
http://en.xcaretexperiencias.mx/
اذا اخذت الباكج كامل راح تحصل عليه خصم. بالنسبه لي كنت مستأجر سياره وامشي عالخريطه لكن الرحله مع قروب اكيد امتع لان المسافات بعيده.. مثلا
CANCUN(zuna hoteles) to playa del carmen 68 KM
CANCUN to XCARET - XPLOR 74 KM
CANCUN to XEL-HA 122 KM
CANCUN to TULUM 131 KM
CANCUN to CHECHIN ITZA 178 KM
CANCUN to MERIDA 315 KM
وبالنسبه للامان في كنكون انشالله طول ما انت بالاماكن السياحيه انت بخير والشرطه منتشره هناك ومتعاونه ونسبه كبيره منهم يتحدثوا انجليزي.
تقرير عن كنكون لأحد الاخوان ( Mr-Q8ty ) ممكن يفيدك
https://artravelers.com/p/re/320160
وأي استفسار انا بالخدمه