السلام عليكم
أولا أشكر كل من رق قلبه لمساعدتي
قصتي كالتالي :
قررت أنا وزوجي السفر الى سويسرا ( بعد ما لعبت عليه وخليته يشوف تقاريركم والمناظر الحلوة والطبيعة الخلابة
لكن مشكلتي إني ما صفيت النية وجت على راسي
وافق على السفرة بشرط إني أكون مسؤلة عن جمع كل المعلومات والمستلزمات و .... و....... ( بالعربي ذلني )
المهم وبفضل الله ثم بفضل هذا الموقع الغني التعريف والوصف والمدح .
بديت بحجز الطيران على الخطوط السعودية على عيد الفطر القادم
ثم انتقلت إلى اختيار الفنادق والشقق ( تحت البحث )
و ا لأن تصدقون جالسة أدور على شركة مناسبة لإيجار سيارة من هناك ورسيت على شركة sixt
معليش طولت عليكم الصعوبات اللي توقفت ولم اجد لها حل هي كالتالي :
1- التأمين الطبي اللي يطلبونه للشنقن السويسرية ( الفيزا ) : هل فيه طريقة سهلة للحصول عليه ( وهل هي مجانية )
2- من شروط الشنقن يبون التذكرة الأصلية للطيران مع صورة : أنا حجزت من النت وارسلو لي التذاكر على الايميل وطبعتها هل تعتبر اصلية علموني الله يخليكم .
3- زوجي مدرس : إذا أخذ تعريف من المدرسة : هل يترجم التعريف كله بنفس الصفحة للإنجليزية وإلا وشلون
4- أنا سفرتي بعيد الفطر القادم إن شاء الله : السؤال هل أقدر اطلع الشنقن الحين مع اني سمعت انه ما يقبلون اوراقك وسفرتك باقي عليها أكثر من ثلاث شهور ..... هل هذا الكلام صحيح تكفون لأبي أجوبة .
والله متورطة ( أخاف تتنكسل السفرة ) ههه