السلام عليكم يا شباب و ياصبايا
اولا اخوكم اللي هو اكيد انا توهق وقرر انه يترك العزوبيه ويتزوج وبعد بحث طويل اكيد بعد الخطوبه
قررت المدام ان تقضي شهر العسل في ماليزيا لكن انا بصراحه احس ان اوروبا وخصوصا سويسرا افضل بكثير لقضاء شهر العسل
صحيح انها اغلى لكن كيفي غير بفلوسي
ماابي اطول عليكم انا رحلتي مدتها من 15 الى 18 يوم واخوكم فقير ويتيم ومقدم على قرض من بنك ومقدم معروض على كم امير وكم واحد من رجال الاعمال يمكن يحن علي ويسلفني
انا بصراحه ودي اروح سويسرا واطلع من سويسرا الى اي دوله ثانيه فرنسا او النمسا اللي تشورون علي بيه
ابي بصراحه مساعدتكم في برنامج من اول ما اطلع من المنطقه الشرقيه الى العوده
ابي منكم تعطوني فنادق 5 ستار ومريحه لكن مو مثل النوقا هوتيل 1400 ريال
وياليت تكون اسعار السكن مع البرنامج
وسمعت انا عن swiss pass ما ادري وش هذي البطاقه وشلون احصل عليها
تكفون يالربع لاتقصرون عني
رحلتي تبدا ان شاء الله في june 18
تكفون لاتبخلون علي بردودكم