وعليكم السلام ورحمة الله وبركاته..
انا من راي الافضل انك تحولي كل المبلغ لان فماليزيا تحويل العمله اغلى
ومو لازم لاتحوليها لادولار ولاشي
واكيد في صرفات هناك وتقدري تسحبي
لو تقدري تتركي طفلك يكون احسن
لان السفر مع الاطفال متعب
وماراح تستمعتو
والمصروف يختلف ع حسب صرفك
وع حسب اماكن التمشيه الي حاتروحيها
في ايام ممكن تصرفي 500 او 600 او 700
اقل شي بالصرف تقريبا حايكون 200 رنقت
ورحله سعيده ان شاءالله

حيا الله اخوي الغالي..باذن الامور كلها سهالات ولاتشيل هم..
1- ننصح دائما بتحويل اغلب المبلغ الم يكن كله من بلدك ..لان السعر يكون ممتاز وتعرف تعد الدراهم وتتفاهم وتكاسر.
طريقة التحويل من ريال الى دولار ثم الى رينقت اشوف انها اكثر خسارة.وامس حسبتها وطلعت اقل من التحويل المباشر (ترى عندي رحلة قريب من رحلتك في الوقت).
فالافض تحول منريال الى رينقت وترتاح.
2- بطاقة الصرافة العادية تقدر تستخدمها في اغلب البنوك هناك وخصاة البنوك العالمية المعروفة ولكن ياخذون عليك عمولة وفرق تحويل العملة يعني
ممكن تسحب 800 ويخصمون من حسابك 1000.مجرد مثال.واتوقع العمولة ب20 ريال في كل عملية سحب.
3- الفيزا حط فيها مبلغ احتياطي ورايي لاتستخدمها وخلك في الكاش افضل الا وقت الحاجة. لان بعض الاحيان يحصل لخبطة مثلا يسحبون من الفيزا
مبلغ في احد المحلات ثم يقولك ماوصل المبلغ وتحاسبهم كاش وبعد شويتين يوصلك رسالة تم خصم المبلغ. واهم شي عند التامين في الفنادق لاتستخدم الفيزا عطهم
التامين كاش ويردونه كاش. لان اذا اخذو التامين من الفيزا يرجعونه لها ولايرجع الا بعد عدة ايام تصل الى اسبوعين وبعد الاحيان ماترجع.
4- الافضل انكم ماتاخذون الولد ولكن مادام مجبورين فلتشيل هم تتسير الامور وخصوصا ان عمره سنتين ونص ولاهو رضيع. اهم شي خذ ادويته مثلا خافض الحراره
والمسكنات والمضادات الحيويه. واما احتياجاته فاحسبها وزد عليها .مثلا يومين 5حفاضات وعندك 16 يوم 5*16=80 وزد 10 احتياط. مجرد مثال.
5- مدتك حلوه وتوقيت الرحلة رائع.. والمصروف اليومي تقريبا بيكون 500رينقت يوميا (تكاسي وجولات+تذاكر مزارات+اكل وشرب وحلويات) يعني تحتاج 8000
وحط الفين احتياط لاي طاري. اتمنى لك رحلة موفقه
كازامي

السلام عليكم
الشباب ماقصرو
وبالنسبة لي فلوس الفنادق احطها في الفيزا
والطفل غير الادويه لاتنسو جهاز ايباد وعربية خفيفه للسفر
تحياتي

miss_soosoo
الف شكر يعطيك العافيه على الرد وجزاك الله خير
انا ودي والله اتركه خصوص انه مارحنا شهر عسل ولا شيء وهذه اول سفره لنا
و انا ولدي ماشاء الله عليه مايخاف من احد و عنده حب استطلاع كبير واخاف عليه والله لكن الله المستعان
مجبر اخاك لا بطل مضطرين ناخذه ولا انا ودي اتركه خصوص انه لسه صغير ولا يفهم بالتمشيات ولا شيء
لكن الله يعين
مره ثاني الف شكر على ردك و يعطيك ربي الف عافيه

kazami
الف شكر لك على ردك
صراحه حمستني اكثر للروحه خصوص اني مره كنت شايله هم ولدي لكن الله يسهلها ان شاء الله من عنده
و حمستني للجو لاني حسيت من كلامك انه الجو بيكون حلو وامطار وصراحه هذا اللي اتمناه
شكرا على الافاده بموضوع الصرف لاني جدا كنا محتارين نصرف من هنا اول هناك بس الان استقر راينا لان انا نفس الشيء كانت من وجه نظري التبديل من هنا افضل
اما سؤال البطاقه فكنت اساله والله وانا متردده لاني حبيت اتاكد بس الله يعطيك الف عافيه
سؤال معليش بس اخير اذا كان سبق لك زياره ماليزيا
هل تنصحني بزياره صن واي لاقون الالعاب المائيه او لا
و الماينز اذا كنت جربته ايش افضل رحله فيه واو او كروز لاني محتار بينهم او تنصحني اخذهم الاثنين
بالنسبه لمضوع المصاريف اليوميه فمشكور ماقصرت تقريبا نفس الحسبه اللي حنا حاطينها بس حبيت اني بعد اخذ ارائكم بحكم الخبره
معليش سؤال بعد هل يحتاج تسجيل الجوازات في السفاره وقت الوصول او لا
كثرت عليك بالاسئله بس سامحني لاني لقيت وفيت وكفيت باسئلتي السابقه
شكرا لك مره ثانيه

شكرا لك على مرورك منجد الاخوان ماقصروا الله يعطيهم الف عافيه
بس حبيت اسال عن العربيه انا اكيد باخذها معي لكن كيف نظامها مع الطيران الداخلي
هل تنصحني اشحنها من الدمام لين كوالا لمبور
علما انه عندي ترانزليت بمطار دبي 3 ساعات تقريبا
jameel.mousa

انصح بزيارة الصانواي لاجون اذا كنتم من احباب الالعاب والترفيه .. مناسب جدا والالعاب المائية رائعة والعاب اخرى ايضا فيها تحدي واثارة...
اما اذا اردتي فقط رحلة الكروز , الماينز افضل وخصوصا في فترة بعد العصر
تكون الشمس على وشك الغروب وجو خيالي ..
رحلة الكروز ايضا توجد في بوتراجايا , بجانب مسجد بوتراجايا او كما يعرف ب" المسجد الاحمر"
بالنسبة لتسجيل الجوازات بالسفارة ماله اي داعي , الا اذا كان هناك سبب معين !!
ورحلة سعيدة ...

الطائر_الجوال
لا ابدا مافي سبب انا بس استفسر لان اتذكر انه قرات موضوع لواحد من الاخوان يقول انه راح للسفاره
شكرا لك على ردك

حياك الله اختي.. احنا متواجدين هنا لمساعدة بعضنا.. وعلى قولتهم نعين ونعاون.
سبق لي تجربة الكروز في بتراجايا وفي الميانز وكلها حلو ومثل ماقال الاخ الافضل تكون مع الغروب ولكل وحده جوها الخاص.
اهم شي خذو جولة طويلة حتى تستمتعو. ويمكنك تاخذو الثنيتن وحده عند وصولك بعد الانتهاء من الفندق والى بتراجايا والثانيه خلوها بعد الملاهي صن واي في اليوم الثاني ايضا بعد العصر.
تسجيل الجوازات اشوف انه مهم والان الامر سهل جدا .. حمل تطبيق السفارة (وزارة الخارجية) وتلاقوه في متجر ابل والاندوريد وسجلو رقم جوازاتكم فيه قبل السفر ب10 ايام.
وخلاص كذاتكون انتهيت.
ملاهي الصن واي احرصو تروحوها بدري اول مايفتحون 10ص. وحاولو مايكون ويكند.ومولازم الالعاب المائية اذا كانت مزدحمه او المناظر سيئة عندكم بيت الرعب والجسر وو.
رغم اني ماانصح بها ابدا ففيها من العري والتفسخ والخلاعه مايقطع القلب ويخدش الحياء. وكل شي نضحي به الا الدين.
كازامي