ar138
31-03-2022 - 06:02 pm
السلام عليكم ورحمة الله وبركاته
يا اخوان انا زواجي بإذن الله يوم 8/8/1432
وناوي بإذن الله اسافر إلى ماليزيا يوم 12/8/1432 وارجع يوم 27/8/1432
يعني 14 يوم من غير يوم الذهاب ويوم العوده
ومحتاج الى جدول حلو ورائع
الميزانيه مع التذاكر من 22000 إلى 25000
وانا حاولت احجز عن طريق الموقع بس ما فهمت عليه
خاصه الفنادق ما عرفت احجز مدري وش اسوي
ومدري وش طريقة الدفع
وكيف أحجز
طبعا ابغا رحلتي على الخطوط الماليزيه
الاسئله اللي محيرتني /
وش احسن .. احجز عن طريق النت او اروح المطار
لاني اعرف شخص في المطار يقول انت احجز لو انتظار وانا أأكد لك الحجز
بس حاولت احجز عن طريق الخطوط الماليزيه بس يطلبون مني الدفع وما يعطوني رقم حجز الا بعد الدفع
وانا حاليا ما معي قيمة التذاكر انتظر المبلغ يوصلني بعد اسبوعين والرجال يقول عطني رقم الحجز بس
وش أفضل الفنادق مع طريقة الحجز
وش تنصحوني بالاماكن الحلوه
لاني قريت في كم تقرير ان بعض الاماكن مجرد اسم بس يوم تروح لها تتندم انك رحت لها
وان شاء الله ما تقصرون معي لاني مؤمن بان هذا المنتدى فيه الناس اللي متخصصه بالسفر والفاهمين فيه وامانتهم معروفه
ياليت تساعدوني في أسرع وقت لاني متلخبط ومحتاس
اما حكاية احجز انتظار على امل يتأكد ترى الوضع شهر عسل ..
اول خطوة انك تأكد حجزك بعدين فكر بالبرنامج والفنادق ..