هلا بك اخوى ولد زايد
انصحك بالسكن في الخبر
وممكن تشوف فندق السوفتيل جديد ومطل علي البحر والفندق يعتبر من افضل اوتيلات الخبر وخصوصا" كا اطلاله
وفيه عندك الانتر كونتنتال غرفه احلي من السوفتيل لكن موقعه جاى في منطقة تجاريه كلها بنوك ومكاتب
المسافه من الخبر للدمام تقريبا" ثلث ساعه يعني ما فيه مسافه قريبين من بعض
من اهم المولات في الخبر مجمع الراشد ومجمع الضهران
بقية المولات صغيره وتعتبر عايديه جدا"
المطاعم مثل ما طلبت عندك السنبوك علي البحر مباشره وهو مطعم بحري ويعتبر افضل مطعم بالخبر للاكلات البحريه
وعندك كذالك علي الكورنيش مطاعم مثل فرايديز وتشيليز
وفيه عدة كوفي شوب علي الكورنيش مثل كاسبر قانبيني وغيره
وبما انك بتكون في الخبر انصحك بزيارة البحرين فهي قريبه جدا" - ولو تخصص لها يومين بعد يكون افضل
وانصحك بفندق الريتز كارلتون فهو علي البحر مباشره ويعتبر من افضل الفنادق في البحرين
حاول تزورها في غير نهاية الاسبوع يعني تجنب الاربعا والخميس لانها تكون زحمه مره وعلي الجسر خصوصا"
فيها الكثير من الاماكن التي تستحق الزياره والمولات مثل السيف والسيتي سنتر .

ياهلا وسهلا بأهلنا الامارتيين في بلدهم الثاني السعودية
أخوي الفارس ماقصر ووجهة نظره صحيحة السكن في الخبر أفضل والدمام ليست بعيده وبالنسبة للجو حسب تاريخ الوصول سيكون بمشيئة الله تعالى مائل للبرودة في الليل ومعتدل نهارا وربما تتغيير الاحوال والله أعلم وبالنسبة للسكن في الخبر فندق السوفتيل لانه جديد وموقعة رائع جدا وهذا تقرير عنه
تجربتي لفندق سوفتيل الخبر الكورنيش https://artravelers.com/p/re/447500
ويمكنك الاطلاع على الرابط التالي لمعرفة أفضل الاماكن التي يفضل زيارتها في الشرقية
أبرز المواقع التي يفضل زيارتها في المنطقة الشرقية https://artravelers.com/p/re/448500
مع تمنياتي لك بطيب الاقامة في الشرقية

السلام عليكم ورحمة الله وبركاتة
انا اخوكم ولد زايد الهاشمي من الامارات
حاب أقضي 3 ايام مع عائلتي في الدمام والخبر
طبعا ماعندي اي معلومات عن هاذي المناطق
شفت بعض التقارير وكلها حلوة
بس لاني جاي لمدة 3 ايام فحاب اروح أفضل الاماكن
وسؤالي لو تسمحون عن:
المراكز التجارية
ملاهي للأطفال
المطاعم ياحبذا تكون عالبحر تشعر بالجلوس فيها بحب العائلة والخصوصية مش مطاعم تقليدية الشكل
حدائق للجلوس وقضاء بعض الوقت فيها
طبعا أفضل الاماكن لان ماعندي فترة كافية اتجول كل الاماكن
هل في اماكن جميلة لممارسة الرياضة في الصباح بدري؟
مكان اقامتي بتكون ان شاء الله لو في الدمام فندق الشيراتون
وهل المسافة بين الدمام والخبر بعيدة؟
وكيف بيكون الجو بتاريخ 24-12-2010 في الصباح وبالليل
مساعدتكم تهمني كثير
والله الموفق
تحياتي
ولد زايد
ياهلابك ويامرحبا
اتمنى لكم ايام سعيده..في حبيبتنا الشرقيه
وبما ان ماعندك معلومات عن الدمام والخبر:
هي مدن جمب بعض جداً!
جميعهم على البحر
تنتشر المطاعم الجميله على كورنيشاتها وبشكل اكبر واكثر:كورنيش الخبر
كورنيش الدمام:جميل ..وافسح
عندك كورنيشات الجبيل الصناعيه,الهاديه جداً (بضع و70 ك من الدمام)

الاخ ولد زايد حياك الله ببلدك الثاني مثل ماقالو لك الاخوان قبلي ورحبو بك وبخصوص الخبر والدمام
وان حبيت تزور الجبيل الصناعية نرحب بك هناك فهي تبعد عن الدمام قرابة 90كيلو وموقعها وخدماتها راح تعجبك خصوصاً مايتعلق بالممشى والمناظر الجميلة على البحر الا ان مراكز التسوق تختلف عن مدينةالدمام والخبر فهناك العديد من الاختيارات الجميلة والمتعددة فأن حبيت زيارة الجبيل مثل ماقلت لك فعليك التواصل بالرد وراح نزودك بكامل المعلومات
اخيراً اكرر الترحيب بك بين اخوانك واهلك .

مشكورين اخواني على المعلومات القيمة
الله يحفظكم من كل شر

مرحبا بك أخونا الزائر زنتمنى لك اقامة ممتعه
بس والله 3 ايام ماتكفي
ان شاءالله يعجبك هالبرنامج:

• اول يوم دام انك بتسكن بالدمام شوف المجمعات القريبه من كورنيش الدمام مثل مارينا مول وفيها ملاهي للاطفال

وكورنيش الدمام افضل مكان لمزاولة رياضة المشي والجري خصوصا بالصبح والعصر لانه هادئ وفسيح ومنظم
وكما جرت العادة اذا تبون اكلات شعبية بالدمام عندك مطعم القريه الشعبية لاتفكر ولاتحتار

• باللنسبة لمنطقة الخبر مثل ماقالوا اخوانا موبعيدة تقريبا ثلث ساعة ويفضل زيارة مجمع الظهران مول جدا كبير وفيه مطاعم واسواق وملاهي ولاتنسى كورنيش الخبر وتعال شوف مطاعمهم الكثيرة هناك

ع فكرة فيه مطعم يسوي شاورما جدا لذيذه اسمه الشرنبي طبعا مو عوائل خذ طلبك واستمتع مع العائلع ع الكورنيش الخبر

• نجي الحين للهاف مون منطقه بحريه فيها جلسات مرتبه وشاليهات ورحلات بحريه وتراها هادئه وقت ايام الدوامات ماعدا الويك اند يفضل لارحتوا هناك تجيبون غداكم معكم لانه مافيه مطاعم وروحولها قريب العصر لان بيكون برد بالليل

في نظري هذا الافضل خلال 3 ايام لانكم اول شي راح ياخذ عليكم الوقت وانتم راح تدورون على الاماكن هذي فهذي الافضل من وجهة نظري مع انه هناك اماكن كثيرة جدا تستحق الزيارة
اقامه ممتعه

ياهلا ومرحبا فيك يالغالي وحي الله هل الأمارات
بالنسبة للخبر والدمام عندك اماكن كثيره أبرزها
1: الواجهة البحرية بالخبر
2: الواجهة البحرية بالدمام + جزيرة المرجان والكورنيش
3: شاطئ نصف القمر بالخبر
4:مجمع الراشد
5: مجمع الظهران
6: مركز سايتك بالخبر
7: القرية الشعبية بالدمام
وبالنسبة للرياضة عندك الممشى الموجود سواء بالواجهة البحرية بالخبر او الدمام وعلى البحر مباشرة, وفيه لافتات تبين المسافة الي انت قطعتها
وبالنسبة للمطاعم المطلة على البحر عندك جزيرة الدغيثر بكورنيش الخبر الجنوبي فيها 4 مطاعم متنوعة تطل على البحر , مطعم ايطالي , ومطعم هندي , ومطعم عالمي , ومطعم بحري وسوشي
,وفي الدمام فيه مطعم ليالينا بعد يطل على البحر

حيا الله أهل الامارات
وأنا اضيف على كلام الشباب إن لم تزر كورنيش الدمام الجديد فأنت لم تزر الدمام لأنه رائع وراقي جدا
وكذلك كورنيش الخبر لكن الدمام هو الأجمل وأنصحك أيضا بزياره مدينه الجبيل فهي قريبه من الدمام 80كم فقط
يوجد بها كورنيش راقي والمدينه راقيه جدا وتصميمها حديث أقصد هنا الجبيل الصناعية

مشكورين عالمعلومات الثمينه
الله يحفظكم اخواني
انا حجزت في فندق الموفنبيك الخبر لانه الفندق الوحيد الي حصلت فيه مسبح داخلي بعيد من برودة الجو بس شو رايكم فيه
كنت حاب اعرف مكان مطعم burger fuel او اسم المنطقة الي فيه المطعم
ومرة ثانية مشكوين