1. بالنسبة للحجز خلاص حجزت وقضيت بمبلغ 7266 لشخصين وتفاصيل الحجز كالتالي


2. باذن الله راح اكون موجود من 11 - 19 اغسطس

السلام عليكم ورحمة الله وبركاتة أبغى مساعدتكم وشوركم ياغالين بخصوص رحلتي لماليزيا وانا يعلم الله اثق فيكم وفي ارائكم ومشورتكم وراح أعطيكم تفاصيل رحلتي بالتفصيل طبعا للتوضيح شهر عسل
فالبداية حاب افيدكم بانه هاذي أول زيارة لي الى ماليزيا ومو عارف كوعي من بوعي على قولتهم .
طبعا الرحلة باذن الله راح تكون على الخطوط الامارتية

بالنسبة للحجز خلاص حجزت وقضيت بمبلغ 7266 لشخصين وتفاصيل الحجز كالتالي

جدة - دبي - كوالمبور - ترانزيت سنغافورة لمدة 4 ساعات -جاكرتا -دبي - جدة
طبعا الرحلة باذن الله راح تكون يوم الاحد 10 اغسطس من جدة والوصول الى كوالمبور يوم 11 اغسطس الساعة 8 الصباح بتوقيت كوالمبور راح اجلس فيها من يوم 11 اغسطس الى 19 اغسطس وبعدها راح اكمل شهر العسل باندونيسيا من 20 اغسطس الى 3 سبتمبر
الزبدة والاهم بعد المهم :
أنا يهمني والشي اللي ابي رايكم فيه هو ايام تواجدي بماليزيا لاني والله ما عرف وين اروح

باذن الله راح اكون موجود من 11 - 19 اغسطس

اولا : وين تنصحوني اروح لاني حسب ما قريت من الاعضاء ان اغلب ماليزيا جزر
ملاحظة ؟ أنا من الناس اللي يحب الطبيعة ابغي الجزر اللي تكون طبيعتها خلابه وجذابة ما افضل الجزر اللي تكون على شاطي او بالمختصر ما افضل اجلس على بحر ومن ذي الشغلات. على أساس كذا حبيت اكمل شهر العسل باندونيسيا
ثانيا : هل الافضل احجز عن طريق شركة وهم يسووا برنامج كامل او انا اسويها بنفسي لان عندي بطاقة فيزا وخصوصا الفنادق
ثالثا: بالنسبة للتنقلات الداخلية بين الجزر ايش الجزر اللي تحتاج طيران داخلي والاخرى اللي تحتاج عبارة او تاكسي وباصات
رابعا : هل الافضل لما اوصل اروح مباشرة للجزر او اجلس بكوالمبور واخليها اخر يومين.
الله يعافيكم ابغى برنامج متكامل لعدد الايام وين افضل الجزر اللي تكون مناسبة للعرسان .
ياليت ياهل الخبرة والمعرفة ترتبوا لي جدول مناسب وكيف احجز اذا كان فيه طيران داخلي والله يعطيكم العافية وشاكر ومقدر لكم تعاونكم.