alwafi_2all
16-07-2022 - 11:18 pm
السلام عليكم و رحمة الله و بركاته
توني راد من ماليزيا و بصراحة كانت رحلة ممتعة جدا و هالمنتدى ساعدني بأشياء وايد
المهم و ما أطول عليكم
فأول فندق حجزت فيه كان فندق ماينز ويلنس . هاي كانت أول تجربة لي في بطاقات الفيزا و أبا حد يوضح لي اللي صار. الفندق في التشيك ان أخذ عني تقريبا مبلغ 940 درهم لمدة ليلتين و هي أكثر من اللي حجزته عن طريق موقع بوكينج . الغريب و اللي ابا استفسر عنه انه نفس الفندق في التشيك اوت سحب عني بعد مبلغ 780 درهم و هي قريبة من قيمة حجز الفندق في موقع بوكينج مع اضافة الضرائب . هل معناة هالشي انه تم سحب مبلغ 1700 درهم من رصيدي . طبعا انا سويت عمري كأني عارف و مشيت الامور و ما حبيت أستفسر لانهم بيقولوا وش بلشكم بالسفر . ممكن حد يتكرم و يوضح علي اللي صار . مع العلم انه الفندق الوحيد اللي سوا هالحركة.
المبلغ الاول وهو 940 درهم كان فقط لغرض حجز المبلغ وليس خصمه من البطاقه زي التأمين يعني وهو مبلغ يغطي قيمة الاقامه في الغرفه زائد مصاريف متوقعه مثل الميني بار والغسيل وفي نهاية الاقامه سحبوا من ال 940 مبلغ 780 درهم يعني المسحوب فقط 780 درهم وليس 1700 ... اما ال 160 درهم ترجع في حسابك بعد كم يوم.