انا حاليا في زيورخ
وكنت قبل 10 ايام في اخن
جلست فيها 4 ايام
مدينه جميله ولكن حسيت بالملل
لا يوجد نشاط سياحي فيها

هاي انا معاك اخي منطقه اخن حلوه وكذلك حبيت اقولك بما انك متواجد باخن اتمني تروح ماسترخ تابعه لهولندا وتبعد عن اخن ساعه الاربع تقريبا بالباص اتمني لك رحله موفقه .

اخوي والله وانا اييدك ان اخن هي احلى واحسن المدن الالمانيه لانه اولا واخيرا الالمان اللي فيها يفرقون فرق الارض والسما عن الالمان الاخرين من ناحيه العنصريه اللي فيهم فهم نوعا ما ودودون بسبب اختلاطهم بالهولنديين والبلجيك وكذلك اختلاطهم بالطلبه الاجانب منذ زمن بعيد لسبب وجود اكبر جامعتين في المدينه
اخوي اخن هي كانت المدينه اللي اجتمعت فيها الجيوش الصليبيه اللي انتخبو فيها ريتشارد قلب الاسد فوق التله اللي تشوفها لما تكون في سنتر المدينه هناك انتخبو ريتشارد وتوجهت الجيوش من هناك للقدس
وعلى فكره لو تكون في سنتر المدينه وتروح للساناكوكا او المعبد اليهودي في الشارغ اللي فيه المحلات التسوق العربيه والشرفيه امامها اتحصل في تمثال زحاجي ومنحوت على الارض اسم الخليفه هارون الرشيد اللي بوقتها عمل الصلح والهدنه بين المسلمين والصليبيين في اوربا وارسللهم وقتها ساعه عربيه الصنع تشتغل بطاقه الماء وبوقتها خافو منها واتصورو انها فيها جني وقامو بتكسيرها وباقيه اثارها مجمعه بطريقه عشوائله على شكل دمى ونافوره عندما تروح للالت شتات او المدينه القديمه قريب من الكنيسه اتشوف النافوره ولو حبيت تدهل الكنيسه نفسها بتشوف العجب اولا الكنيسه هذي مبنيه من الداخل وكانها احدى القصور الشاميه نسخه طبق الاصل وبناء اسلامي اموي ميه بالميه وبتلاقي فوق بالرسومات في السقف اول ما تدخل رسومات عن نهري دجله والفراق عند ما تدخل البوابه واخن للعلم كانت هي عاصمه المسيحيه للكنيسه في العصور الوصطى

بالفعل اخن جدا راائعه وهاديه وراقيه ..
انا حاليا فيها .. وجدا مستانسه من الجوو .. والشعب ..
هيه مافيها وايد حركه مقارنه بالمدن الثانيه ..
والحلوو فيها انها قريبه من هولندا .. وقريبه من بلجيكا ..

الاخ صمنكي والاخت بنت الامارات انصحكم روحو زورو الاماكن اللي وصفتها لكم في اخن تراها ما اتعوض على فكره الكنيسه القديمه اللي في المدينه القديمه فيها صندوقين ذهب وبيقولون ان بعض الحاجيات من لابس المسيح موجوده فيها وعندهم تقليد متعارفين عليه كل سبع سنين بيجيهم البابا وبيطلع فوق على الجسر اللي بيربط بين برجي الكنيسه وبيفتح الصناديق هذي فوق امام عامه الشعب وبيعرض محتوياتها للناس وهم للحين محافظين على العرف والتقليد هذا ليومنا الحاظر بس صراحه مدري اتم سبع سنين المره هذي ؟؟؟ فظولي ذابحني ابشوف وش موجود في الصناديق الذهب هذي؟؟؟ خ

الله اكبر يا آخن
اول مدينة اوربية ازورها
ذكرتوني بالماضي
مستحيل انسى اخن
هالسنة لازم امرها

خلوتوني اتحسف اني لم اشاهد هذه امور
جلست فيها ثلاث ليالي ولم اشاهد فيها الا سوق فقط

اخن الصراحه ممله كنا نروحلها من بروكسل بس وايد كئيبه .. لا شوبينج حلو ولا يلسات