يارب يردون علي

بالنسبة لمكتب قيه مكتب سرنديب
وبالنسبة للتكلفة ممكن تكون 8 الى 9 الاف وبالنسبة للطفل اذا اخذتوه راح يزيدوا سرير ومافيه مانع تاخذونه
وبالنسبة زي ماقلت لك المكتب ثقة واطلبوا سواق اسمه جلال اهم شي اطلبي فندق بنتوتة بيتش وكذلك امايا هيلز وانا مانصحك في نوراليا لان الطريق متعب جدآ وبالنسبة لكاندي اذا سكنتوا اطلبوا الذهاب للبحيرة المعلقة عن طريق التكتوك

الأفضل من وجهة نظري أنكم تحجزون عن طريق مكتب سياحي فنادق فقط أو عن طريق موقع بوكنق سيكون أرخص لكم والسواق اتفقوا معه قبل الذهاب إلى سريلانكا وباستطاعتك أن ترجعي إلى موضوعي ( https://artravelers.com/p/re/524188 ) الصفحة ( 3 ) ففيه أرقام لبعض السواقين الذين تعاملت معهم وفيه بعض الملاحظات.فلو فعلتي هذه الطريقة سيكون أرخص أما بالنسبة للميزانية 6000 لمدة 14 يومًا وتريدين فنادق 5 نجوم قد لا تكفي فلو قسمنا 6000 ريال ÷ 14 يومًا = 428 ريال في اليوم فهذا المبلغ لا يكفي لفندق 5 نجوم ومواصلات وغداء وعشاء وتذاكر لبعض الأماكن السياحيةأما أخذ طفل عمره سنتين ونصف الأفضل عدم أخذه لأنه سيطول مكوثه في السيارة فيؤدي إلى ملل للطفل لأن التنقل بين المدن طويل وكذلك انتشار الباعوض وإذا مرض المستشفيات والخدمات الصحية سيئة حتى الصيدليات غير مهيئة.

جزاكم الله خير
طيب رفعنا الميزانية ل10000
ياليت تصيغون لي برنامج معين يشمل أفضل الفنادق
يعني يكون في الفندق بعض الأماكن للتمشي مساء
عشان اراسل المكاتب لأني ماعرفت أصيغ الرسالة والبرنامج بالانجلييزي
ورحلتنا راح تكون يوم الاربعاء ليلة الخميس 5 مايو الساعة2,20 فجرا
والوصول 10 صباحا من الرياض لكولومبو مباشرة
والعودة 19 مايو الساعة 11,45 صباحا
وبالنسبة لاقتراحك أخي ابو نعوم بأخذ سائق خاص
يعني انت تضمن سائق معين انه مايسحب علينا
لأني قريت بتقرير أحد الأخوان ان السائق سحب عليه وقال انتا نفر مافي كويس
يعني لو السائق تبع مكتب مايتجرأ يترك السائح بدون انذار
طيب بعد رفع الميزانيةهل تنصحونا بأخذ باكج كامل بالسائق والفنادق افطار وعشاء او لا ؟
وسمعت ان فيه اسواق ماركة ورخيصة وين القاها ؟
ياليت تردون بأسرع وقت بالنسبة للبرنامج عشان يمديني اراسل المكاتب واقارن الاسعار ..

السلام عليكماعذريني فأنا لم أراسل مكتب في سريلانكا فأنا لا أعرف الطريقة وإن شاء الله الشباب ما راح يقصرونبالنسبة احتمالية أن السواق يخلف في الموعد صحيح لكن كما أن المكاتب تحافظ على سمعتها كذلك السواقين يحافظون على سمعتهم لأنهم يعلمون بأن السواح يكتبون في منتديات وقد يفضحون أمرهم والدليل لو ركبت مع أي سواق وقلتي أنا راح أمدحك واحط رقمك في النت ينبسط ويفرح.وفي حالة أن السواق اخلف في الموعد بعد قدومكم لابد أن تأخذين احتياطك ويكون معك أكثر من رقم حتى لا تتعطلون وفي حالة لم تجدوا سواق هناك مكاتب في المطار تستطيعون أن ترتبوا مع أي مكتب سواق فقط.وممكن تحجزي عن طريق المكتب سواق دون فنادق وأنتي في بلدكوأولاً وآخرًا قدمي صلاة استخارة قبل اتخاذ أي قراروأسأل الله لك التوفيق في سفرك

شكرا لك أخي بو نعوم ..
وياليت باقي الاعضاء والعضوات يساعدوني بالبرنامج والصيغة ..

اهلين ارين انتي بتروحين لسيريلانكا وانا ماعندي اي خلفية عنها

بالنسبة لعمل الجدول انا من رايي ان البكج يكون افطار وعشاء وكذلك السائق بيكون معك 24ساعة ولاراح يهرب اما بالنسبة للفنادق اول ماتوصلوا المطار اما ترتاحوا في العاصمة اليوم الاول او تروحوا لبنتوتة اذا في كولمبو فيه سينومن ليك وسينمون جراند واذا في بنتوتة فيه ايدن او بنتوتة بيتش اما نوراليا فيها منطقة كما ذكرت جبيلة ولكن الطريق وعر وشاق جدآ وطويل يتراوح من 6-8 ساعات وفيه فندق تي فاكتوري وكذلك فنادق اخرى بس انا اتكلم عن اللي سكنته وبالنسبة لكاندي عندك في المرتبة الاولى امايا هيلز يليه هوناس فولس يجي في النهاية في وقت العودة العصمة كولمبو
انا وضحت لك الفنادق وانتي لك الترتيب
وبالنسبة للاسواق اذا قصدك ملابس وخلافه يوجد في العصمة سوق اسمه ماجيك سيتي او سوق اسمه اودل اسعاره هذا مناسبة جدآ اما بالنسبة للاكل وخلافه يتواجد عندهم فود سيتي شبيه ببنده لدينا لاكنها ليست بذلك الحجم
اتمنى ان الرد كافي ووافي

نقطة مطر مشكورة ياقلبي