الشفافة
20-08-2022 - 03:20 am
السلام عليكم بسأل لوسمحتوا بخصوص السفر الى كيرلا هل يلزم اخذ تطعيم الملاريا قبل السفر علما ان معانا اطفال احنا ستة اشخاص ثلاثة اطفال وثلاثة بالغين وبخصوص الفنادق كم تكلفتها 16 يوم فايف ستار اعطوني لو بالتقريب وش افضل نحجزمن هنا او من كيرلا او عن طريق شمس الدين او غيره وارجوااعطاي رقمة وبصراحة محتاره بينها وبين لبنان وش الافضل وشكرا
السلام عليكم أختي الشفافه :
قبل سفرتي ألي كيرالا أخذت حقنه ضد السحايا لأن فترتها كان منتشر حتى بالسعوديه ( العطله الصيفيه السابقه ) .و كذلك حبوب ضد الملاريا نأكلها قبل السفر بأسبوع لأعطاء الجسم المناعه الكافيه قبل السفر و الأستمرار عليها كل يوم أثناء السفر و البعد السفر لمدة أسبوع ( بس بصراحه لما ردينا ما ألتزمنا و الحمدالله مافيه ألا العافيه ) .
وأذكر أني سألت الدكتوره عن أظن الحمى الصفراء أذا يستدعي أخذ حقنه أو تطعيم عليها فقالت ما يحتاج لأننا بسفرتنا ما راح نتعمق بالغابات و نحتك مع القرويين يعني الأماكن اللي راح نجيها نظيفه .
أما بالنسبه للتعامل مع أي مكتب أنصحك بمكتب جهاد حسين حتى مكتب شمس تعاملت معاه و ممتاز بس السنه هاذي أحاول أتواصل ألي الأن مخليني منتظره فحولت لمكتب جهاد أحس أني مرتاحه لشخص جهاد حسين أكثر من شمس الدين .
أختاري الأماكن و الفنادق من خلال أطلاعك على تقارير من زار كيرالا ووقت السفر والمده و عدد الأشخاص و المكتب يضبط لك الباقي بس أنتبهي على نوعية الغرف و أطلالتها و دائما أختاري في المنتجعات الفلل بالمسبح الخاص عشان تستمتعين مع عائلتك .
وبين أختيارك للبنان أو كيرالا أمر راجع لرغبتك برأيي كيرالا رائعه بس يبيلها جهد و صبر على طرقاتها كوتشين أقرب منطقه لها منطقة الشلالات ( أثربالي ) ساعتين .
و البقيه مونار /( طريقها جبلي و خطر جدا و الغيوم جمبك تشوفينها كأنها ضباب وطريق السيارات الرايحه والجايه واحد كل أذكر كل ما أرتفعنا حطينا أيدنا على قلبنا ) تكدي / كوماراكم بينهم 4 ساعات أو تصل للخمس و الطرقات غير ممهده للأسف تلف برأسك لف و اللي ما يعرف لوعة الدرب يتعرف عليها بطرقات كيرالا .
أدري يمكن حبطتك بس هذا عيب كيرالا وحبيت أوضح الواقع لأن معك أطفال فالوضع يصير أصعب لأنهم ملولين بس الحق يقال بعد الوجهه يحس الواحد لما يشوف جمال المنتجع ينسى تعب الطريق .
أتمنى أكون أفدتك