1. 4-


2. 5-

بما إنو بدأ الصيف والناس بدأت تسافر و اللندنيات يبغو أشياء مميزة
قررت أكتب موضوع وأحط فيه المحلات أو البضاعة اللي مو موجودة في الخليج أو المحلات الرخيصة واللي تسوي عروض حلوة وطبعًا ما حيكتمل الموضوع إلا لو كل وحدة من العضوات ساعدتنا بالمحلات اللي هيا تعرفها
أتأسف أنا ما عندي خبرة كبيرة بأسواق الخليج أنا حأتكلم بالنسبة لمدينة جدة وأتوقع الخليج كلو زي بعض فسامحوني لو في أغلاط
يا لندنيات ساعدوني في الموضوع أي محل تعرفوه أو سمعتو عنو بضاعتو ما توصل عندنا لو سمحتو شاركونا حتى لو كان محل رخيص مرة و صغير
المهم يكون في أشياء حلوة وغريبة
بسم الله نبدأ

• 1-

أول محل أنا جدًا أحبو و مستحيل أعدي من جنبو وما أدخل ولما أدخل أتحول لوحش وأجمع اللي يميني واللي يساري
المحل هوا برايمارك محل رخيص جدًا (نسائي- رجالي- أطفال- اكسسوارات-أحذية - شنط- ملابس داخلية- أغراض للبيت) عندو أشياء حلوة وجودتها ممتازة بالنسبة لأسعارها. عندي منو مشتروات ما شاء الله استخدمتها أكتر من سنة ولسا جودتها جميلة لازم لازم لكل اللي يعدي من جنبو يدخل والله ما حيندم بس المحل دايما يكون مزدحم وللعلم المحل موجود فقط في بريطانيا وألمانيا وهولندا وإسبانيا والبرتغال يعني غير موجود في الخليج! إلبسي وإنتي متأكدة إنو ماحد عندو زي لبسك إلا اللندنيات
الموقع:
يقع برايمارك في بداية شارع أكسفورد جنب Pizza Hut وقبال فندق Thistle Marble Arch
499-517Oxford Street, London W1C 2QQ, United Kingdom

• 2-

محل لبيع العطور النسائي والرجالي ودايمًا عندو خصومات وعروض حلوة مررة وأحيانًا يكون عندو عطور ب 10 باوند بس
الموقع:
يقع في شارع أكسفورد قبال سيلفريدجز (لو فروع كتير)
425Oxford Street, Mayfair, London W1C 2PH, United Kingdom

• 3-

محل ملابس نسائية ورجالية وأطفال وأغراض للمنزل وأسعارو رخيصة. المحل موجود بس في بريطانيا يعني حصريًا
الموقع:
لو فروع كتيرة بس هادا أقرب فرع لأكسفورد ستريت وهوا على امتداد ادجوار رود بس في النهاية
317Cricklewood Broadway, Edgware Road, Cricklewood, London NW2 6PH, United Kingdom

4-

أسدا هوا سوبرماركت والكترونيات وأغراض للبيت وملابس نسائية ورجالية وأطفال. أسعار السوبرماركت حلوة وأحيانًا أرخص من تيسكو والملابس الصراحة ملابس الأطفال مرة حلوة وأسعار الملابس رخيصة وموجودة بس في بريطانيا.
الموقع:
مواقعها بعيدة عن شارع أكسفورد ما عرفت إيش أحط بس أنا حأحط الموقع وانتو شيكو منو
http://storelocator.asda.com

5-

هادا المحل اكتشفتو مؤخرًا بس لسا ما رحتو الصراحة وهوا تقريبًا زي الأوت لت يعني في ملابس وفساتين و شنط وجزم واكسسوارات هوا نسائي ورجالي بس مو متأكدة إنو في أطفال. المهم هادا المحل يبيع ماركات عالمية بأسعار مغرية مرة يعني عليها 60%
الموقع:
له أكتر من فرع أقرب فرعين في high street kensington والفرع التاني يعتبر في بيكاديللي
26-40Kensington High Street, Kensington, London W8 4PF, United Kingdom
120Charing Cross Road, London WC2H 0JR, United Kingdom

• 6-

مصنع بيربيري أسعار البضاعة فيه أرخص بكتير من البوتيكات الصراحة يعججبني وأزورو كل سنة.
الموقع:
29-31Chatham Place, Hackney, Greater London E9 6LP, United Kingdom

• 7-

محل يبيع كل شي يتعلق بالرياضة ودايمًا عندو تخفيضات و عروض مغرية.
الموقع:
لو فروع كتير أقرب واحد لأكسفورد ستريت
116-128Oxford Street W1D 1LT, London, United Kingdom\
تعبت !! أكمل بعد ما أشوف الردود لو شجعتني ولا لأ.
وزي ما قلت الموضوع ما حيكتمل إلا بمشاركتنا خبراتكم
تصبحو على خير