تم الحجز . واعتبرني اول الواصلين

تسجيل حضور بالصف الاول
دام السالفه فيها ابو ابتسام
المتعه والاستفاده مضمونه
تحياتي

نعود إليكم من جديد >>>بداية تقرير السكن .
في Sara Residence بالي
عندما وصلت جزيرة بالي .
لأول مره .
كنت قد اتقفت مع اخوي احسان .
على ان احصل على سكن .
الاهم فيه التكييف بسبب حر بالي .
الذي لا يخفى على الجميع .
ووجود مسبح للاسترخاء .
والاهم من هذا الامان والسفتي بوكس .
في البداية كان يهمني السكن في كوتا .
ولكن بعد بحث طويل .
وجدت اغلب الفنادق المطلوبه فل ..
لأن وصولي لبالي كان يوم سبت .
ويوم السبت معروف في اندونيسيا .
إجازاه رسميه .
البعض يرون بوكينغ واجودا حل لهذا الموضوع .
ولكن خذوا نصحية من مجرب .
بعض الصور خداعه .
او تنصدم في التكييف .
او عدم نظافة المسبح .
واشياء كثيره قد يطول الحديث عنها .
المهم اخوي العزيز احسان دلني على هذه الشقق ..
واسمها كما ذكرت لكم .
Sara Residence بالي
وهذه صورتها من الخارج .
موقع الشقق .
الاسعار كانت في مارس 2011م .
من 800 الف إلى 900 الف روبيه لليله .
شخصياً اخذتها ب 800 الف روبيه لليوم .
الشقق ماهي بعيده عن شاطئ كوتا .
عشره دقايق بالدباب .
وخمس دقائق بالسياره .
صحيح إني كنت في البداية ارغب السكن .
بالقرب من شاطئ كوتا .
ولكن لم اجد طلبي إلا في هذه الشقق .
سكنت فيها سبعه ايام .
كانت النظافه يوميه .
التكييف ممتاز (اهم شئ عند اخوكم فالله) ..
سفتي بوكس .
المسبح مباشرةً امام الشقه . (وهذا ثاني اهم شئ عند اخوكم فالله ) .
قد تسكن في كوتا .
ولكن لا اراه من وجهة نظري .
شئ ضروري ومهم .
لأن شاطئ كوتا دائماً .
مايكون مزدحم وخصوصاً في المساء .
نشوف اللوبي والطريق المؤدي للشقه .
(هاذي الطاوله من الخشب اول ماتدخل
اللوبي على اليسار ) .
وهذا اللوبي حق الشقق .
تلاحظوا البساطه وعدم التكلف في الديكور .
وهذا شئ رائع ومميز في بالي .
وهؤلاء موظفي الاستقبال .
اجمل مافيهم ابتسامتهم .
الطاغيه على وجيههم في كل وقت .
من هذا الباب اتجه إلى شقتي .
وهنا المدخل الرئيسي للشقه .
الشقه تتكون من غرفتين .
غرفة رئيسيه للنوم .
وغرفه نوم اخرى .
ومطبخ مفتوح على الصاله .
وصاله كبيره ومريحه .
(هاذي من الصالات إللي بالشقق العلويه) .
وهاذي صالة شقة اخوكم فالله .
وهاذي دورة المياه (اعزكم الله) .
من الباب هذا نتجه إلى المسبح .
صوره للمسبح في الليل .
شقق ساره اراها مناسبه جداً .
لقضاء وقت ممتع وشيق وهادئ .
بعيداً عن ضوضاء كوتا المعروفه .
هناك سوبرماركت مفتوح .
اربعه وعشرين ساعه .
بجوار الشقق .
شارع لقيان قريب جداً .
وتقدر تروح له على الاقدام .
والاستمتاع بالأجواء فيه بالمساء .
سكنت في هذه الشقق سبعه ايام .
ارتحت فيها كثيراً .
ولم اشعر بلحظه في الرغبه بتغييرها .
الحمد لله ربي وفقني بالسكن المريح .
والسواق اخوي احسان اللي كان مصدر فرحتي .
في زيارتي الأولى لجزيرة .
الاحلام والخيال .
جزيرة بالي .
بعد الله عزوجل .
تحياتي لكم .
وأي سؤال او استفسار عن شقق سارا .
اخوكم فالله حاضر .
تحياتي لكم .
اخوكم . عاشق الشلالات ..

اختيار موفق أخوي عاشق الشلالات
موقع رائع سعر مناسب خدمات متكاملة
مشكلة كوتا دايم زحمة وأسعارها مبالغ فيها

آخرفرصة
شكراً اخوي آخر فرصه على مرورك الكريم .
الحمد لله في بالي توفقت في السكن النظيف والسواق الامين المخلص .
صدقت كوتا منطقة مزدحمه .
ومااعتبره شرط السائح لازم ولازم يسكن فيها .
منطقة شقتي اسمها سميناك . قريبه كما ذكرت من شارع لقيان .
تحياتي لك . اخوي . آخر فرصه .
اخوك . عاشق الشلالات ..

الله يسعدك ويوفقك ومجهود طيب منك تشكر عليه
صراحة الشقة ماعليها أي كلام .