السلام عليكم ورحمة الله وبركاته
لمتابعة التقرير الأساسي
https://artravelers.com/p/re/319886
فندق و منتجع الصن واي لاقون
وصلنا لفندق الصن واي لاقون ماشاء الله تبارك الله فندق فخم بمعني الكلمه تحس فعلا بالفخامه
في كل مكان المبني الخارجي واللوبي والغرف والحمامات الإستقبال كان جميل وسريع ولم يستغرق
دقائق بسيطه وللمعلوميه في الإستقبال عرب فيه واحد صومالي وفيه وحده عراقيه للي لغتهم ماتساعدهم
وكان حجزي ليوم واحد (كان يوم إثنين) وكنت اتوقع ان الألعاب تغلق الثلاثاء وسألتهم قالوا
شغاله ولن تغلق فقط هذا الإسبوع وعموما خيره إن شاء الله رحنا لها يوم كنا في كوالالمبور وبصراحه
الفندق يستاهل اقل شي يومين وهي كفايه لأن المنطقه مافيها الكثير فقط الألعاب المائيه والماينز
وهذي بعض الصور للوبي والألعاب المائيه من اللوبي

هذي صور للألعاب المائيه من اللوبي وكان علي الشباك ستائر شتر الصور مو واضحه مره

نعود لصور الغرفه وهي في الحقيقه افضل من الصور راقيه جدا
ورخام دورة المياة جميل جدا ولونه مريح وهي غرفه سويت
والإنترنت موجود مجانا ولكن كيبل ماهو واير لس وانا اصلا ماجبت اللاب توب حقي احسه مضيعه للوقت
هذي بعض الصور للغرفه

وهذي بعض الصور للألعاب المائيه من شباك الغرفه والإطلاله الجميله

السلام عليكم
نعود مره اخرى للتكملة وإحنا الي الآن في اليوم الأول من وصلنا للصن واي لاقون ولماليزيا
بعد ماستلمنا الغرفه وصلينا وريحنا شوي قلنا لازم نستغل هاليوم الوحيد في هالفندق الجميل جدا
وفعلا نزلنا في اللوبي وخارج الفندق لإلتقاط بعض الصور التذكاريه وبعدها رحنا لسوق البيراميد
نتمشي فيه وابحث عن موقع باصات ايرو لاين عشان نروح اليوم الثاني بينانق ووصلنا لمكتب الباصات
الساعه 6:30 وقد أغلق والمفروض يغلق الساعه 7 مساء وهو موجود في سوق البيراميد
مقابل مدخل الثيم بارك الألعاب المائيه وحصلنا باقي فيه موظفه وقالت لازم تجون الساعه 6 الصبح
قلت والله لو مافيه إلا هالباص مع انها من افضل الباصات ولكن للآسف موعدهم سئ
جلسنا في السوق تقريبا ساعتين وهو سوق جميل جدا وفيه مطاعم ومخبز حلو جدا
ولكن للآسف اغلب مخابز ماليزيا علي انها رهيبه ولكنها مكشوفه للجميع بشكل غير مقبول
وعموما هذي بعض الصور الخارجيه للفندق والليليه ولسوق البيراميد

وهذي كم صوره من سوق البيراميد

وهذا محل الدونات الشهير ماشاء الله لو تاكل درزن ماغثك بعكس اللي عندنا حبه وحده تقلب الكبد

وهذا مطعم اعجبني شكله كل المنيو موجود بالفترينه بس خذ الجرسون بإذنه وقله عطني مثل هذا

السلام عليكم
نكمل معمكم مسلسلنا التركي شكله مطول
طبعا قمنا الصبح بدري عشان نفطر ونشوف لنا باص يودينا بينانق نزلنا المطعم حدود الساعه
7 صباحا ماكان فيه زحمه والمطعم ممتاز وبالنسبة لي كان افضل مطعم افطرنا فيه طول ماكنا بماليزيا
منوع وفيه حاجات كثير تناسبنا كعرب وافطرنا وبعدها تمشينا بالحديقه القريبه من المطعم والطريق
اللي يوصل للفلل اللي ماشاء الله ماودك تطلع منه شي رهيب شلالات ونوافير واشجار كل شي رهيب
وهذي صور للمطعم

وهذي صور للحديقه والممرات الموصله للفلل