ولا تعرف من اين تبدا بتخطيط رحلتك ومستلزمات السفر ؟؟
اقرا المعلومات المهمه في هذا الموضوع اولا
قرر خط سير رحلتك بحسب عدد الايام المتوفره والميزانيه المحدده للرحله
ثم شاور الاعضاء بوضع سوال عن برنامج رحلتك في قسم الاستفسارات وسجل ملاحظاتهم وتوجيهاتهم علي جدول سفرك
في هذا الموضوع باذن الله ستتعرف علي 70 % من كل ما يلزم للسفر لاندونيسيا من متطلبات اساسيه
وباقي ال 30% عباره عن الاختيارات اللي تتناسب مع رحلتك
تخيلت اني ناوي اسافر روسيا !!
وقعدت افكر وش الاسئله اللي تهمني اعرفها قبل اسافر لروسيا !!
سجلتها علي جنب
وقلت الان ابدا اجاوب علي الاسئله وكانها تخص اندونيسيا
بمعني اني وضعت نفسي كمسافر لاول مره لاندونيسيا
حاولت حصر اهم الاسئله اللي تهم المسافر
من اول ما يفكر في السفر لاندونيسيا الين يرجع بيته
واجيب عنها في موضوع واحد
عشان يرتاح اغلب الاعضاء من السوال المتكرر عن اسئله مهمه للسفر
ويتفرغون لاختيار ما يناسيهم من برامج
تخطيط السفر الي اندونيسيا يحتاج لمعرفه الاتي:
معرفه اندونيسيا كموقع وطبيعه
معرفه الاوراق الثبوتيه اللازمه للسفر من فيزا وجواز سفر
معرفه الطيران اللي يوصلني لاندونيسيا
معرفه كيف ارتب امور ميزانيه السفر وكيف اتعامل بالاموال وتحويلاتها
اختيار المكان المناسب لرحلتي بحسب مده السفره وميزانيتها وتوفر الخدمات فيها
اختيار انسب سكن يتوافق مع ميزايتي ومزارات وفعاليات سياحيه في كل منطقه ازورها

تبي تعرف عدد السكان واصولهم وتاريخ الدوله المعلومات موجوده بس ما تهمك كمسافر ولاتهمنا كموقع سياحي ارشادي فراح نتجنبها ونختصر في المهم فقط
اول ما تنوي السفر لاندونيسيا يهمك تعرف اندونيسيا هذي وين تقع !! شرق غرب جنوب شمال ؟؟ بالقطب الجنوبي حر برد ؟؟

تقع اندونيسيا في الجنوب الشرقي من قاره اسيا
ومن منطقه الخليج السفر لها يستغرق بين ساعات
الصوره بالخارطه توضح موقع الدوله من خارطه العالم

وهذه خارطه بسيطه تبين الجزر الرئيسيه التي تتكون منها الدوله

جو اندونيسيا "استوائي"يعني الرطوبة هي الغالبة علي أجواء البلد
خاصة في أي منطقه بحريه - تزيد الرطوبة بالصيف وتقل في الشتاء
تقل الرطوبة في المناطق الجبلية والمرتفعات
وتميل الأجواء ألي البرودة في المرتفعات مع زيادة نسبه الأمطار فيها
سنهتم بالمدن والمناطق السياحيه -الاهم - ونفندها ليسهل الوصف :
مدن ومناطق ساحليه
جاكرتا - سورابايا- شواطيء بالي
مناطق جبليه
بونشاك "ك80يلو" عن جاكرتا
لمبانق "ك40يلو" عن باندونق
تريتس " ك60يلو" عن سورابايا
وسط بالي
data_travel/data/11030/loading7853.gifباندونق مدينه مرتفعه قليلا عن سطح البحر
المطر
يزداد في الأشهر من نهاية شهر 10 ميلادي ألي بداية شهر 3 ميلادي من ألسنه
وبقيه أيام ألسنه وشهورها تقل الأمطار
وتكون الإمطار أكثر في المناطق الجبلية أكثر من السواحل سواء في الصيف أو الشتاء
اللباس
طيب وش اخذ معي ملابس تناسب هالاجواء ؟؟
اندونيسيا ليست المغرب ولا امريكا واوربا مثلا ليست دوله تكشخ فيها بالملابس واطقم البدل شكل لباس طقم البدله الرسمي علي السائح سيكون ملفتا للنظر
اضافه الي ان الاجواء الرطبه في المدن بتخليك ودك تطلع من هدومك
اما في الضواحي الجبليه فلن تاخذ راحتك ببدله رسميه لانك تحتاج الي الحركه كثيرا والمطامر بين مكان مكان واخر
يعني لا تسوي فيها جنتل ولبيس عشان ماتكره عمرك
خذ معك - اللباس الخفيف من جينزات كبناطيل وتي شيرتات كفنايل
وخذ معك - قطعتين لباس ثقيل اذا ناوي تروح لمنطقه جبليه بارده لان البرد هناك ليس شديد بل مقبول ويكفيه اي لباس شتوي متوسطالطقس وتقلباته بيد الله وحده يقلبه كيف يشاء
ما سبق هو طبيعه الاجواء ودورتها المعتاده خلال فصول السنه
هذا موقع يعطيك توقعات الطقس لاي مدينه في العالم لمده خمسه ايام

الاوراق الثبوتيه

طيب عرفت موقع ألديره وطقسها
باقي طال عمرك الأوراق الثبوتيه اللي تطلبها اندونيسيا
عشان تسمح لك بالدخول لها مثل أي دوله بالعالم
وهي " اربعه " امور اساسيه
جواز السفر
الفيزا او تاشيره الدخول
كرت دخول اندونيسيا ومعلومات رحلتك
ضريبه مغادره
"مبلغ 150 الف روبيه =17 دولار تقريبا =65 ريال تقريبا
ضريبه مغادره تدفع لموضف الخطوط عند مغادرتك للبلد"

المصدر//
وزاره الخارجيه الاندونيسيه
هنا http://www.deplu.go.id/Pages/Default.aspx?l=en "الزبده "
جواز سفر صالح لاكثرمن 6 اشهر
تاشيره فيزا تاخذها من المطار او من السفاره حسب رغبتك
كرت دخول للدوله تعبئه وتحتفظ فيه مع الجواز وتقدمه لموظف الطيران وقت مغادرتك مع التذكره
المبالغ الماليه 25 دولار قيمه فيزا من مطار او 45 دولار قيمه فيزا سفاره للشخص الواحد
ضريبه مغادره 150 الف روبيهوفيما يلي تفاصيل كل فقره منفرده

تشترط دوله اندونيسيا علي القادمين اليها بان يكون جواز سفرهم
تبقي علي مده صلاحيته 6 اشهر كامله لا تنقص ولا يوم واحد من يوم دخولك لاندونيسيا
بيجي من يسال بقي علي جوازي من يوم سفري 6 اشهر وعشره ايام مثلا ؟؟
هل ادخل البلد ولا امنع من الدخول ؟؟
طبعا الافضل انك تجدد جوازك وتريح مخك- لكن كنظام- هناك من يقول ست اشهرمن تاريخ عودتك وليس دخولك لاندونيسيا هذا" فهم خاطيء" للقانون أومن قال بهذا الكلام قد تعرض لمحاوله استنزاف جيب هديه مقابل السماح له بالدخول لان جوازه مثلا متبقي عليه" 6 اشهر" وكم يوم

النظام واظح وصريح

• من موقع وزاره الخارجيه الاندونيسيه

Diplomatic or service/
official passport valid for at least 6 (six) months on the date of entry;
سته اشهر "من" تاريخ الدخول للبلد كلام مسند من موقع رسمي

يعني اذا جوازك باقي عليه اقل من ست اشهر فموظف الجوازات في دولتك ماراح يسمح لك بالسفر وان كانه مفهي في سوم سفرك وطق الختم بجوازك ولا انتبه فاول ما توصل اندونيسيا بتلقي اندونيسي مروق علي صحن اندومي يقول لك :ارجع وراك وبيرجعك علي طيارتك اللي جيت فيها

1. هناك عده انواع من الفيز الاندونيسيه تصل الي 8 انواع

هناك عده انواع من الفيز الاندونيسيه تصل الي 8 انواع

مايهم المسافر السائح منها هو نوعين فقط " فيزا 30 يوم- فيزا 60 يوم " الاختلاف بينهما اساسا مبني علي مده سفرك يعني اذا بتسافر 31 يوم واكثرلازم تاخذ فيزا من السفاره اذا بتجلس اقل من 30 يوم تاخذ فيزا من المطار مباشره وهذا. جدول . يبين طلبات كل نوع وقيمته والفوارق بينهم
باختصار شديد جدا / اذ رحلتك اكثر من 30 يوم لازم تاخذ فيزا من السفاره مهما كانت جنسيتك
اذا رحلتك اقل من 30 يوم وانت من "دول الخليج - دول مصر تونس الجزائر ليبيا " تاخذ فيزا من المطار مباشره ويستثني من الفيزا رعايا دوله المغرب فيدخلونها بدون فيزابقيه الدول العربيه الغير مذكوره لازم تاخذ فيزا من السفاره مهما كانت مده سفرك قليله او كثيرهوالمطارات التي تمنح المسافرين فيزا عند وصولهم لها عددها ((19 مطار- الجدول ادناه))المسافرين العرب يهمهم منفذين منها في الغالب وهما مطار سوكارنوا هاتا في جاكرتا - ومطار دنبسار في بالي
طيب لو بسافر تايلند او ماليزيا اول وبعدها بروح اندونيسيا لمطار اقليمي ليس دولي اقدر اخذ فيزا منه ولالا؟؟
الجواب: طال عمرك ان المطارات اللي تعطيك الفيزا من منافذها في اندونيسياعددها 19 مطار اللي فوق
واذا بتجي من اي دوله لمطار مهب من ضمن القائمه اللي فوق بيحطون بعينك حبحر ويرجعونك دربك - لازم تختار مطار من القائمه تسافر له عشان تفيز اول ما تدخل او تاخذ الفيزا من ديرتك قبل تسافر عشان تروح لاي مطار في اندونيسيا او تسافر لمطار من ضمن القائمه اولا وبعدها تصرف عمرك
طيب فيه ناس ياخذون فيزا من السفاره وكل مده سفرهم مثلا 15 يوم ليش؟؟
هذا طال عمرك معه قروش زايده ولا يدري وش يسوي فيها اولاانه مايبي يصك طابور نص ساعه الي ساعه اول ما يوصل مطار جاكرتا عشان ياخذ فيزا
فيزا الترانزيت نوع من الفيزا للمسافر مدته اقل من 7 ايام او ترانزيت قيمتها "10 دولارات" فقط
وهذي حسب ماذكر بعض الاعضاء انه تم الغائه لكن خبر الالغاء غير صحيح استنادا لموقع وزاره الشئون الخارجيه الاندونيسيه الرسمي
اذا كانت رحلتك متعدده الدول يعني بتنزل اندونيسيا وبعدها تطلع مثلا ماليزيا وترجع لاندونيسيا
اطلب" فيزا متعدده الدخول اول ما توصل اندونيسياعشان ما تظطر تدفع قيمه فيزا جديده اذا رجعت لاندونيسيامن ماليزيا
احتياطا" اذا كنت رايح للسفاره
. خذ. معك - بطاقه الاحوال المدنيه وصوره منها -تذكره السفر وصوره منها - جواز السفر وصوره منه - 3 صور شمسيه 4 في 6
فيزا السفاره :60 يوم : تقدمها من الساعه 8 - 12 صباحا وتستلمها ثاني يوم بعد الساعه 1 - 3 مساء"الزبده "
data_travel/data/11030/alst9999912.gifالجواز لازم يكون ست اشهر واكثر لدخول اندونيسيا
data_travel/data/11030/alst9999912.gifالفيزا تاخذها من المطاراندونيسيا اذا رحلتك مدتها اقل من 30 يوم بجواز سفر و25 دولار للشخص
وتاخدها من السفاره اذا رحلتك اكثر من 30 يوم بطلباتها اللي موجوده فوق ب45 دولار
data_travel/data/11030/alst9999912.gifتمديد الفيزا 30 يوم صعب الا فيوجود ثبوتات لظرف طاريء ((كوارث بالبلد -حادث سير - مرض))
فيزا السفاره يمكن تمديدها بسهوله من خلال المكاتب الرسميه في اندونيسيا
data_travel/data/11030/alst9999912.gifكل يوم تطويف علي مده الفيزا يعني غرامه ماليه تصل الي 20 دولار لليوم وقد تكون تحت المسائله القانونيه

كرت معلومات المسافرين القادمين الي اندونيسيا
هذا الكرت مهم سيتم تقديمه لك في الطائره تعبيء الخانات فيه زي ما هي موضحه في الصور اللي تحت
اذا " وصلت لمكتب الجوازات بيقوم - موظف الجوازات - بقص الورقتين رقم 2 ورقم 3 وياخذها ويعطيك ورقه رقم 4 " تحتفظ فيها مع الجواز وتهتم فيها ولا تضيعها((ضياعها منك)) يعني فرض"غرامه عليك في حال فقدانها عند مغادرتك للبلد

تعبئه الاسم تكون" بالبدء باسم العائله ثم الاسم الاول /المسافر ثم اسم الاب -اذا كان فيه اي اسم طويل وحروفه ما تكفي لكل خانه اسم فخذ مربع فاضي وكمل في السطر نفسه -مثال - ابراهيم مايكفي للسطر الثالث فخليت خانه فاضيه بعد اسم المسافر ثم بدات باسم الاب خانه الجنس تحط فيه علامه صح علي نوع الجنس ذكر او انثي
موظف الخطوط وانت راجع مو تفهي بالخضار والنعمه وتضيعه
:
:
:
:"الزبده "
data_travel/data/11030/alst9999912.gifالحصول علي الكرت يعطونك اياه بالطياره تعبيه زي ما في الصور
data_travel/data/11030/alst9999912.gifموظف الجوازات بيقص جزئين من الكرت وياخذهن منك ويعطيك جزء واحد رقم 4 تحتفظ فيه لين موعد عودتك
data_travel/data/11030/alst9999912.gifفي حال ما كفي عدد الكروت في الطياره لعدد المسافرين وهذي تحصل عاده اول ما تنزل تلقي الكرت في كاونتر المعلومات بعد مكتب الجوازات

1. طيب كم تكفي كل فئه من هلعملات؟؟


2. طيب اي عمله افضل اذا بغيت اسافر اندونيسيا ؟؟


3. طيب وري ما اخذ معي فيزا اوماستر كارد اوبطاقه صراف واريح عمري؟؟


4. طيب كم تكون ميزانيه السفره !!

الميزانيه وطرق التعامل مع الصرف
عمله اندونيسيا اسمها روبيه شف صورتها وقدام كل فئه اسمها ونطقها
العمله الاندونيسيه مو ثابته " ترتفع وتنزل كل يوم :وكل شهر: الفارق "بين يوم والثاني غالبا تكون بسيطه يعني خمس الاف روبيه واقل ولها مده من الزمن الفوارق تكون بالاشهر مو بالايام

طيب كم تكفي كل فئه من هلعملات؟؟

• الالف والخمسه الاف والعشره الاف والعشرين الف روبيه - هذي غالبا تشتري فيها اشياء بسيطه ماء كولا فكه تكسي نثريات بخشيش لموظف قدم لك خدمه مميزه خل بجيبك فئه الخمسه الاف والالف تنفعك وقت ركوب تكسي او دخول دوره مياه وانتم بكرامه مثلا في سوق لان الاسواق والمولات فيها مبالغ رمزيه لدخول الباث روم فيها غالبا يعني هلل عندنا او 500 روبيه فالعمله الصغيره تنفعك خل شوي منها بجيبك دايم- الخمسين الف روبيه والمئه الف هذي العملات الاكبر تستخدمها غالبا في مشترياتك

طيب اي عمله افضل اذا بغيت اسافر اندونيسيا ؟؟

طبعا الاسعار زي ماقلنا متحركه يوم مثلا الدولار يكون افضل من الريال وقبل الحج مثلا يرتفع الريال يكون افضل من الدولار - وغالبا الدولار اعلي قيمه-ومطلوب اولا لانه مقبول باي مكان واي قريه مثلا اذا طلعت للقري " ثانيا لو لا سمح الله حصل اي اظطراب بالبلد او مشكله اقتصاديه فالدولار يكون هو الاغلي دائما :الدولار ورقه فئه مئه دولار : هي الافضل غالبا
هل فيه فرق بين صراف وثاني هناك في اندونيسيا ؟؟ نعم فيه فارق"بسيط بين صراف وثاني داخل الدوله
لو كانت قيمه الصرف 100 دولار = 910 الاف في صراف تلقي واحد ثاني يصرف لك ب 905 الف روبيه الفارق بسيط مايسوي انك تاخذ تكسي وتروح لصراف ثاني عشان تصرف " الا اذا فيه صراف ثاني قريب من الصراف الاول >>لانك بتصرف مبلغ الفارق بين الصرافين بتنقلك من مكان لثاني ويمكن يكون الصراف الثاني اقل من الاول بعد

• اول ما توصل المطار تحول مبلغ بسيط 200 -300 دولار في المطار حقت مصاريف اول يوم مثلا وسكن وتنقلات تمشي فيها حالك وبعدين تصرف من وسط البلد لان" المطار صرفه اقل من وسط البلد

طيب اناادمي ماابي" قروشه راس وكل سفرتي 10- 15 يوم باخذ معي ريالات او دينار من عملتي وبرتاح ؟؟
عادي طال عمرك الا يصير ونص تاخذ معك عمله ديرتك بس"خذ اكبر ورقه فيها مثل/ امهات خمس ميه مثلا طبعا بيكون فيه فارق بالصرف وممكن بحسبه بسيطه تطلع عليك كل السفره بفارق كم ميه ريال مثلا 300 الي500 ريال اذا سفرتك 10 ايام مثلاويمكن مبلغ اقل بعد بحسب الصرف لعملتك وقت سفرك هناك

طيب وري ما اخذ معي فيزا اوماستر كارد اوبطاقه صراف واريح عمري؟؟

عادي تقدر تاخذها فيه مناطق حضريه ومدن تنقبل فيها وعليهاخصم بعد لبعض الفنادق بس"اغلب الارياف والقري لو تعطيهم الفيزاضحكوا عليك ويمكن يسوونك اندومي باللحم المفروم اذابتاخذ فيزاخذ معها مال نقدي وخل الفيزا للمناطق الحضريه والمدن الكبيره وحجز السكن والمال يكون للمصاريف

• بطاقه الصراف الالي مثل الشبكه السعوديه حاول قد ماتقدر انك ما تستخدمها الا وقت" زنقات شديده

لانك بكل عمليه سحب هناك عليك عموله تختلف من بنك لاخر بين 25 و40 ريال اظافه" " ان البنك بيعطيك الروبيه بعد مايحول عملتك من حسابك لقيمتها عنده في البنك وهي اقل من قيمه السوق دائما وان اظطريت تستخدمها تلقي عندهم مكتوب عليها >>50 الف روبيه او 100 الف روبيه لا تسحب الا من مكينه مكتوب عليها 100* الف لانها تعطيك في كل عمليه سحب مبلغ يصل الي>> 5 مليون روبيه بينما المكينه اللي مكتوب عليها 50 *الف روبيه ما تعطيك الا حد سحب >>2 مليون في كل عمليه سحب وبالتالي لو حبيت تسحب مبلغ كبير (( راح تكثر عمليات السحب عليك وتزداد عموله البنك بتكرار عمليات السحب ))

طيب كم تكون ميزانيه السفره !!

القاعده الاساسيه لتقدير ميزانيه سفرتك ستكون مبنيه علي اجابه واحده ماخوذه من خبرات وتجارب وهي ان ترصد مبلغ" 200 دولار لليوم الواحد في سفرتك مادمت اول مره تسافر يعني اذا بتجلس 10 ايام يكون معك الفين دولار
كمعدل متوسط مناسب 200 دولار مبلغ لائق ومناسب
للسكن الاربع نجوم واعلي + سياره خاصه
في يوم بتصرف اكثر من سكن ب120 دولار وسياره 50 دولار ومصاريف 40 دولار
ويوم ثاني ماراح تصرف هلمبلغ سكن 85 دولار ومواصلات تكسي 20 دولار ومصاريف 20 دولار
اذا ما كنت تقدر توفر هلمبلغ في عدد ايام الرحله فيمكن ترتيب برنامج لائق يتناسب مع الميزانيه اسئل وحط ميزانيتك وعدد ايام رحلتك وستجد الاجابه القاطعه والتوجيه من الاخوان الاعضاء

• لاتسئل كالاتي | انا بروح مع اهلي 10 ايام كم تكفينا ميزانيه ؟؟

معرفه وفهم السوال نصف الاجابه انت بتسافر مع اهلك ماذا تعني باهلك !!
انت وزوجتك فقط / انت وابوك وامك/ انت وابوك وامك واخوانك 3 وعمتكم وعيالها اربعه وولدخالتكم؟؟
اسئل" بدقه ووضوح لتجد التوجيه السليم لا عيب في السوال ان يجيبك الاعضاء بان الميزانيه لاتكفي احسن من روحتك وتحسيبك لكل روبيه وفي نص الرحله تقول: يليلت عندي حجز بكرا برجع القروش ما توفي
الميزانيه تختلف من شخص لاخر بحسب قدرتهم الماليه جيبه راهي ومايبي يوفر علي عمره شي يبي يسكن في فنادق خمس نجوم ويركب مع سواق كل يوم من اول سفرته لنهايتها ثاني يادوب دبر عمره بكم الف ويبي يوازن المبلغ اللي جمعه عشان يسافر فيه بشكل مريح
المسافر وحده يصرف اكثر>> من مجموعه مسافرين شباب بالقطه | بينما العائله اللي ميزانيتهم من شخص واحد تصرف اكثر>> من العائله اللي ميزانيه رحلتها موزعه بين عده اشخاص "مثال " رجل وعائلته من اخوات واشقاء وابناء ورجل مع اخته وزوجها"الزبده "
data_travel/data/11030/alst9999912.gifضع ميزانيه 200 دولار لليوم في رحلتك اذا كنت ستحجز غرفه واحده للسكن ويزيد المبلغ بزياده عدد المرافقين والغرف في السكن
data_travel/data/11030/alst9999912.gifحول عملتك لدولار وهناك حول الدولار لروبيه وريح مخك من بطاقه تعطلت ولا فيزا تنضرب ولا ينحجز فيها مبلغ زي ما يقولون اهل الاسهم الكاش ملك
data_travel/data/11030/alst9999912.gifاصرف مصروفك كل يومين او 3 وحول من دولار لروبيه تكفيك لعده ايام عشان ترتاح من الصرف كل شوي

1. رحلات مباشره" من السعوديه"الزبده "

كيف اسافر لاندونيسيا !! والخطوط الناقله اليها !!
السفر لاندونيسيا يكون بطريقتين/
الاولي" بالباخره اذا كنت تحسب نفسك سندباد ولا بباي عشان تحمض وتنشف في البحر شهر ونص شهرين لين تطلع ريحتك والطريقه الثانيه" تركب عطيه الله الطياره وتدز لاندونيسيا
طيب باي "خطوط احجز وش" ارخص خطوط وش" افضل خطوط !! زي اي دوله او مكان بالعالم الطيران لاندونيسيا يكون فيه الدايركت>> يعني تركب الماصوره الي اسمها طياره ولا تدري الا انت باندونيسيا والترانزيت>> يكون فيه محطه توقف او اكثر قبل توصل اندونيسيا *طبعا معرفه الخط للسفر الدايركت او ترانزيت لازم نعرف انت من وين بتقلع !! الاهم انك تعرف ان فيه خطوط كثيره تاخذك لاندونيسيا
وراح نصنفها كالاتي :
هلخطوط مافيها شاشات ترفيه بالكرسي السعوديه الجارودا ليون باتافيا
الاماراتيه اتحاد الامارات الكويتيه القطريه السنغافوريه
ليون افلام وعروض قليله خمس الي ست قنوات فقط منها قناه خط سيرالرحله وقناتين اندونيسيه
طيب انا من جده* مثلاابي اركب طياره فيها شاشه ترفيه مو احسن من ددسن الخطوط السعوديه!! الا احسن بس اذا بتركب خطوط فيها ترفيه زي الاتحاد مثلا انك بتنزل في" ابو ظبي وتنلطع في المطار ست ساعات رايح ومثلها راجع * واذاتبي تطلع دايركت ! مالك الا خشمك لو هو عوج لازم تركب الجارودا او السعوديه او ليون عشان توصل دايركت لاندونيسيا *طبعا "هلكلام للمسافرين من السعوديه اوكي - بقيه الدول كدول الخليج ياخذون طيران دولتهم الناقله افضل كطيران وكخط
قيمه التذاكر زي براد ابو عشره والاسهم شهر طالع شهر نازل// تبي الارخص اطمر كم مكتب واسئل عن ارخص طيران او مر موضوع التذاكر
مواقع خطوط الطيران الدوليه والداخليه لاندونيسيا وفي داخلها علي النت للحجز والاستعلام

رحلات مباشره" من السعوديه"الزبده "

• السفر لاندونيسيا يكون بنوعين من خطوط الطيران نوع فيه شاشه عرض بالكرسي ونوع ثاني ددسن 83 مهرقل
• اسئل عن خط سير الرحله دايركت او ترانزيت قبل حجزها
• اكد حجزك اول ما توصل وخذ برنت بالتاكيد مكتوب عليه الرمز RRفي خانه نوع الحجز