1. ^^^^


2. فندق باريس


3. ^^^^


4. قوس النصر


5. ^^^^


6. صوره فندق سيزر بلاس .. هالصوره من اعلى برج ايفل


7. ^^^^


8. فندق بلاجيو


9. ^^^^


10. هارلي كافيه .. شوفوا شلون الهارلي باط الطوفه وطالع

بعض الصور الي اخذتها وانا بجوله في المدينه التي لاتنام او مدينه الخطيئه
وخصوصا في شارع الاستريب اشهر شارع في العالم بعد الشانزلزية واحد اشهر شوارع الولايات المتحده الامريكيه والمتميز بالاضاءة الطاغيه من قبل الفنادق الشهيره ولوحات الاعلانات الي مالها مثيل في العالم والي من خلالها كان السبب الرئيسي في اطلاق اسم مدينه الانوار عليها بالاضافه الى الاسماء الي ذكرتها فوق .
اكيد عرفتوها
لاس فيغاس .. في ولايه نيفادا بالولايات المتحده الامريكيه الي شديت الرحال اليها قبل تقريبا شهر ونص انا و اثنين من اعز ربعي
ربع الكفاح
المهم خلونا انشوف هالجم صوره الي صورتهم وأذيتكم فيها لبعض الفنادق الشهيره هناك .
وعلى فكره جميع الصور من تصويري يعني لا منقول ولا مبيوق عدا الصوره الي فوق بس
ولا انسى هالموضع راح اعرضه هني وراح اعرضه في منتدى ثاني رياضي علشان لايطلعلي
واحد ويقولي انت ناقل الموضوع من هناك ;)
نبدأ على بركه الله ..

^^^^

فندق باريس

من اشهر فنادق لاس فيغاس ومن شكله باين ان ماخذ الاستايل الاوروبي وباين بعد نسخه مصغره من برج ايفل الفرنسي بنصف طول الاصلي الموجود ابفرنسا بالاضافه الى قوس النصر الموجود بالقرب منه .. وانا شخصيا سكنت بهالفندق العجيب الي بالاضافه الى شكله الجذاب من الخارج الا انه من الداخل شي خيال ويحتوي على سوق على شكل اسواق باريس الشهيره ذو الماركات العريقه والكبيره بالاضافه الى مطاعم فرنسيه مثل لانوتر وغيره بالضافه الى مسرح انتوني كول افضل منوم مغناطيسي على مستوى العالم..

^^^^

قوس النصر

وهذي صوره قوس النصر القريب من فندق باريس ,, وهو تابع للفندق ويعتبر مدخل للسيارات المتجهه لصاله ال السلوت مشين والاقمار :redface: .. بالاضافه الى استقبال كبار الشخصيات الزائره للفندق تكون تحت هذا القوس تقريبا ..
^^^^
صوره فندق بلانت هوليود
وهو يعتبر من اقدم فنادق لاس فيغاس و كان اسمه قبل فندق علاء الدين الا ان المالك الجديد حق هالفندق غير اسمه الى بلانت هوليود وعلى فكره ترى ماله علاقه ابمطعم بلانت هوليود مجرد تشابه اسماء .
يحتوي هالفندق على مجمع تجاري كبير اسمه Miracle Mile Shops و صاله عرض الساحر ستيف وايرك ..

^^^^

صوره فندق سيزر بلاس .. هالصوره من اعلى برج ايفل

فندق سيزر بلاس ماخذ استايل روما القديمه بالاضافه الى وجود مجمع تجاري داخله يحتوي على جميع الماركات العالميه مثل جوتشي و ال في و جيفنشي و الخ الخ الخ ويحتوي ايضا على تماثيل كبيره رومانيه ونوافير حلوه ..

^^^^

فندق بلاجيو

صوره فندق بلاجيو المشهور بالنافوره الراقصه الي جدامه وهالفندق يعرفه الي شاف فلم اوشين اليفن (( اليوم حاطينه على فوكس افلام )) وفلم توليف الي صوروه فيه.. ويحتوي بداخله على مجمع تجاري ثاني فيه نفس الماركات الي موجوده باغلب فنادق لاس فيغاس وايضا حديقه كبيره للزهور بالاضافه الى عرض 'O' تبع Cirque Du Soleil الشهير .
بعض الصور المتفرقه
^^^^
فندق باليز .. فندق اخر شهير بجانب باريس
^^^^
صوره لمدينه لاس فيغاس من اعلى برج ايفل
الصوره مو واضحه لان كان زحمه ودز مدازز وناشبني واحد ياباني نشبه علشان يصور من هالمكان الي انا مصور فيه ما ادري ليش مع ان الصوب الثاني كان وايد احلى :3: ..

^^^^

صوره فندق الاقصر .. على شكل اهرامات وهالصوره صورتها وانا بالتاكسي رايح المطار و يوم شفته على طول صورته حتى لو من بعيد لان يوم رحت له كانت الكاميره خالص شحنها وتحسفت وايد حزتها بس احس هالصوره ريحتني شوي
^^^^

هارلي كافيه .. شوفوا شلون الهارلي باط الطوفه وطالع

شكرا للجميع على متابعه هالموضوع واحب اقول شغله اخيره ان هالفنادق اهي عدد قليل جدا من الفنادق الكبيره الموجوده هناك مثل فندق نيويورك نيويورك الي يمثل مدينه نيويورك بساحاتها وابراجها العاليه وفندق ام جي ام الي فيه عرض Ka احد عروض Cirque Du Soleil ايضا وعرض الساحر الكبير ديفد كوبر فيلد وفندق ميراج الي فيه عرض لف و فندق واين الي فيه عرض لاريف وفندق فينسيا الي على شكل مدينه فينس الايطاليه بكل تفاصيلها من مباني ايطاليه ومطاعم و الجندول المائي بالاضافه الى عرض بلو مان ومتحف الشمع لمدام تيسو المشهوره وفندق فلامنغو وغيرهم من الفنادق الكبيره والمشهوره على مستوى العالم .. الي حطيتهم هذيل بس الصور الي لا انا ولا الربع طالعين فيها اما الباجي ف ما اقدر احطهم للاسف لان فيها اشكالنا الحلوه انا وجم واحد من الربع واحنى فرحانين اوي اوي ف ما حبيت اغثكم اكثر وقلت اكتفي بهذيل وانشاء الله يكونون اعجبوكم يارب
بعض المعلومات تم الاستعانه بها من قبل كتاب لاس فيغاس مع التحيه
هذا للامانه العلميه فقط لاغيرصور مالهم شغل ابلاس فيغاس بس لقيتهم وقلت احطهم مره وحده لانهم يكملون رحلتنا بأمريكا
^^^^
هالصوره في انيويورك وهني شارع التايم سكوير المشهور بالاعلانات والماركات التجاريه الكبيره ناطحات السحاب و الاضاءه العاليه والزحمه الشديده .
^^^^
البيت المقلوب في اورلاندو بشارع انترناشيونال ادرايف
^^^^
مدخل يونيفيرسال استديو فلوريدا
^^^^
هارد روك فلوريدا
^^^^
اخيرا سياره المغامرات الي تم تأجيرها هناك
الحين صج خلصت سانكيو