بسم الله الرحمن الرحيم
اخواني و اخواتي ........موضوعي جدا بسيط ولكن لعل انه سيفيد الكثير من الاخوان و الاخوات المقبلين على تقديم طلب للحصول على الفيزا الامريكية بشكل خاص او اي فيزا اخرى بشكل عام.
ولربما هناك من كتب على شروط التقديم على الفيزا وذكر الكثير , ولكني هنا سأتحدث بشكل مخصوص عن الصورة الشخصية المرفقة مع طلب الفيزا لاني واجهت مشكلة غريبة مع السفارة الامريكية!!!!
فقد صورت صورة حسب شروطهم وهي مقاس 5×5 , خلفية بيضاء, ملامح الوجه واضحه
وعند مقابلة القنصل خلال المقابلة طلب مني احضار صورة اخرى تبين ملامح وجهي اكثر وان يكون الحجاب (الطرحه) مسحوبه للخلف الى حدود الشعر من فوق وان يبين عظام الخدين وعلى حدود الاذنين ( هو طبعا ماقال كذا حرفيا - لكن حدد لي على وجهه هو المناطق المطلوب كشفها) وقال ارجوك ان تكشفي ملامح وجهك كاملا
please show your entire face
قال ان كل شي مكتملة الشروط ماعدا الصورة واذا احضرتيها سنكمل اجراءات اصدار الفيزا.
.
.
=====>يعني حبكت مالقى عذر الا في هالصورة ...........ياسبحان الله
مع العلم ان الصورة الي انا حاطتها مصورتها حسب الشروط 5×5 وخلفيه بيضاء و وجهي واضح على الاخر ......بس ان طرحتي نازل على جبهتي شوي ( الفرق مايجي 1 ولا 2 سم)
والله ان الصورة واضحه بس هالقنصل أصر يعرقلها؟؟؟؟؟؟؟؟؟؟ وبيخليني انتظر اسبوع او اكثر على ما اروح اصور صورة ثانية واخذها للسفاره ومشاوير وتعطيل مصالح؟
لكن وش اقول ؟ يبوني اصور صورة زي بعض الناس الي تطلع نص الغره من الشعر لا ومنفشته ومصبغته ؟؟؟ أظن هذا الي يبونه ولا بعد الود ودهم يبون من غير حجاب؟؟؟؟
.
.
ولهذا السبب انصح الاخوات المتقدمات لطلب فيزا ان ينتبهون لهذا الشي لا يروح مشوارهم على الفاضي.
يا اخوات صورو صور والطرحه ملفوفه على اطراف الوجه يعني من فوق خلي حدود شعرك تطلع ومن الجوانب الخدين يظهرون ومن تحت الدقن يطلع !!! والشكوى لله
.
.
حتى الشباب مهم يصورون صور من غير لا شماغ ولا غتره - من غير اي غطاء على الشعر
مع الشروط الاساسيه الي هي ( 5×5 وخلفية بيضاء).
واسأل الله التوفيق.
تحياتي pt&ot