حسب معلومات جمعتها من هنا ومن النت بشكل عام اشوف ماراح يمديكم على التسوق بالليل لان الاسواق تقفل واذا بتتسوقون من بكرة الصباح على 10 اتوقع ان مدة التسوق حقتكم بتكون من 3 الى 4 ساعات بس
وعموما ترى هونج كونج مو رخيصة مثل الصين بالعكس بعض الماركات اللي فيها ترى تكون اغلى من الخليج مثل ماذكر كثير من الاعضاء واذا على الاسواق الشعبية البضاعة اللي فيها اغلى من الصين
واذكر فيه العضو مشوار99 ذكر محل دزنيلاند في المطار ويقول فيه هدايا حلوة وباسعار معقولة
https://artravelers.com/p/re/135052
ان شاالله اكون افدتك

أنا بعدي ما زرت هونغ كونغ
بس ممكن تتمشى في nathan road من اول ما توصل إلى الساعه 8 لأن هذا السنتر وفيه العديد من المحلات إذا كنت ساكن في منطقة (كولوون)
لكن ترى الاسعار مو رخيصه.. بس اكيد بتلقى اشياء معقوله.. ومسألة الغلاء اعتقد مبالغ فيها شوي
وممكن تروح بالليل الأسواق الليلية
tample market
ladies market
يقفلون الساعه 11 ونص بالليل
وعقبها تروح شارع star of avenue عشان تشوف عرض الاضواء الساعه 8 بالليل.. أو عشان تتمشى فيه
وممكن من الصبح يعني الساعه 9 تكون قاعد من النوم
تروح احد المجمعات
مثل:
هاربر سيتي
أو
شاينا هونج كونج سيتي
أو
ديكسن سايبر اكسبريس
بس ترى هالبرنامج إذا كنت ساكن بمنطقة كولوون لأنها أحسن مكان للسكن
ياليت تقولنا وين بتسكن بالضبط؟ يعني اي منطقه ؟ وأي فندق؟
عساس نحاول نخدمك ونفيدك
وعموما ترى مطارهم عجيب يبيله يوم كامل.. والتسوق فيه متعه و يحتاج لوقت طويل.. حسب ما سمعت من الكثير بالمنتدى و بره المنتدى
وعيدك مبارك