ياهلا بالغالي (shiny_star ) أنت على الخط تفضل
1) إجراءات المطار ميسرة جدآ ... وهناك موظفات للكشف على النساء
2) للتنقل داخل المدن :
أ ) من وإلى المطارات أنصحك بالتاكسي ( أسرع )
ب ) من كوالا إلى جنتنغ أنصحك بشركة باصات ( جو جنتنغ ) مكتبهم في محطة باصات ( بودورايا ) وسعر التذكرة للشخص
الواحد ( 41 رنقت ) وتشمل :
1- تذكرة الباص ( كوالا - جنتنغ - كوالا )
2- الصعود بالتلفريك للأعلى والنزول أيضآ
3- تذاكر الألعاب الداخلية مجانآ
3) أنصحك بزيارة ( جنتنغ ) يوم الجمعة ... لأن أجازتهم السبت والأحد ... وتكون زحمة كبيرة
4) بالنسبة للخرائط والله مأعرف ... سامحني
وافي بزمن جافي

عليكم السلام ورحمة الله وبركاته
1- مطار كوالالمبور مافيه اي عوائق بالعكس سهل ومريح وبالنسبه فيما يتعلق بالنساء
لما تجون عند تختيم الجوازات فيه بعض الكاونترات الموضفات نساء حاول تروح عندهم عشان التشييك افضل
2- المواصلات الداخليه الأفضل دائما بالجوله والجوله اقل شي 4 ساعات تقريبا قيمة الساعه 25 رنقت يعني
الجوله ب 100 رنقت ولو حاولتوا ممكن تحصلوا اقل بشي بسيط وبالنسبه التنقل من المطار وإلي المطار بالنسبه
من المطار اول مره تصلون نصيحه خذوا تاكسي المطار ولو هو غالي اظمن لكم واول مره اما بعدين لما بتروحون للمطار
مثلا إلي لنكاوي او وانتوا راجعين من لنكاوي او بينانق شوفوا السواق اللي تعرفتوا عليه وقت الجوله اتفقوا معه وخذوا
جواله وهو يوصلكم للمطار وتكلمونه وانتوا راجعين من لنكاوي او بينانق يستقبلكم في المطار ولو حبيتوا وانتوا راجعين
إذا علي مطار الطيران الإقتصادي آير آسيا فيه باصات توصل الشخص ب 9 رنقت إلي داخل كوالالمبور بتشوفون
مكاتبهم اول ماتدخلون المطار وقت الوصول مطار آير آسيا وشوفوا ارقام السائقين المجربين في المنتدي واتفقوا مع احدهم
3- جينتنق الأفضل دائما تزورونها اي يوم غير السبت والأحد زحمه وممكن ماتلعبون ربع الألعاب فأي يوم غير السبت والأحد
اوكيه ولا ودي اوصيكم بيوم الجمعه وتفوتكم صلاة الجمعه لو فيه مجال الخميس وخلوا برنامج الخميس للجمعه
والمواصلات لجينتنق فيه باصات اسمها قو جينتنق موجوده في محطة الكي إل سنترال وفي بودارايا عندهم عروض
توصيل ذهاب وعوده وتلفريك والعاب خارجيه ب 41 رنقت للواحد تحجزونها قبل تروحون بيوم وفيه باصات توصل بس
للواحد تقريبا 9 رنقت
4- الخرائط موجوده لكل زاويه في ماليزيا بس ادخل موقع قوقل واكتب اللي تبيه وشبيك لبيك يجيك بين يديك
وخذ راحتك في اي سؤال ولا تخجل او تتحرج من اي شي اللي يبي يجاوبك بيجاوبك بصدر رحب واللي مايبي ماراح يجاوب

وافي بزمن جافي الف شكر مرة اخرى، كل ما اسأل اجدك أول المتفاعلين... بيض الله وجهك دنيا وآخرة
zazaz كفيت ووفيت، بصراحة انت انسان عملي جداً، كل جملة تكتبها تعطي الزبدة من الاخر ... الله يكتب اجرك ويكثر من امثالك